ஒப்போ தனது புதிய ஸ்மார்ட்போன் ஆக ரெனோ 4 எஸ்இ மாடலை அறிமுகம் செய்துள்ளது. என்ன விலை, என்னென்ன அம்சங்கள், இதோ முழு விவரங்கள்.

ஒப்போ ரெனோ 4, ரெனோ 4 ப்ரோ மற்றும் ரெனோ 4 ப்ரோ ஆர்ட்டிஸ்ட் லிமிடெட் எடிஷன் ஆகியவற்றை உள்ளடக்கிய ஒப்போ ரெனோ 4 தொடரின் மற்றொரு புதிய நுழைவாக சீனாவில் ஒப்போ ரெனோ 4 எஸ்இ அறிமுகப்படுத்தப்பட்டுள்ளது.

இந்த லேட்டஸ்ட் ஸ்மார்ட்போன் ஆனது இரண்டு ரேம் மற்றும் ஸ்டோரேஜ் உள்ளமைவுகள் மற்றும் மூன்று வண்ண விருப்பங்களில் வெளியாகியுள்ளது.


ஒப்போ ரெனோ 4 எஸ்இ ஸ்மார்ட்போனில் ட்ரிபிள் ரியர் கேமரா அமைப்பு, பாஸ்ட் சார்ஜிங் மற்றும் 5 ஜி ஆதரவு போன்ற பிரதான அம்சங்களை கொண்டுள்ளது. இது மூன்று பக்கங்களிலும் மெலிதான பெஸல்கள் மற்றும் ஒப்பீட்டளவில் தடிமனான கன்னத்தினை கொண்டுள்ளது.

ஒப்போ ரெனோ 4 எஸ்இ ஸ்மார்ட்போனின் விலை:

ஒப்போ ரெனோ 4 எஸ்இ ஸ்மார்ட்போனின் 8 ஜிபி + 128 ஜிபி மாடலானது இந்திய மதிப்பின்படி தோராயமாக ரூ.27,100 க்கும், இதன் 8 ஜிபி + 256 ஜிபி வேரியண்ட்டின் விலை தோராயமாக ரூ.30,400 க்கும் அறிமுகமாகி உள்ளது.

இது செப்டம்பர் 25 ஆம் தேதி சீனாவில் விற்பனைக்கு வரும்போது, சூப்பர் ஃப்ளாஷ் பிளாக், சூப்பர் ஃப்ளாஷ் ப்ளூ மற்றும் சூப்பர் ஃப்ளாஷ் ஒயிட் ஆகிய மூன்று வண்ண விருப்பங்களில் வாங்க கிடைக்கும். தற்போதைய நிலவரப்படி, ஒப்போ ரெனோ 4 எஸ்இ மாடலின் சர்வதேச விற்பனை மற்றும் அறிமுகம் குறித்த எந்த விவரங்களும் வெளியாகவில்லை.

ஒப்போ ரெனோ 4 எஸ்இ ஸ்மார்ட்போனின் அம்சங்கள் மற்றும் விவரக்குறிப்புகள்:

டூயல் சிம் (நானோ) ஆதரவு கொண்ட ஒப்போ ரெனோ 4 எஸ்இ ஆனது ஆண்ட்ராய்டு 10 ஓஎஸ் அடிப்படையிலான கலர்ஓஎஸ் 7.2 மூலம் இயங்குகிறது மற்றும் 600 நைட்ஸ் ப்ரைட்னஸ், நிலையான 60Hz ரெஃப்ரெஷ் ரேட் வீகிதம், 180Hz டச் சாம்ப்ளிங் விகிதம் போன்றவைகளையும் கொண்டுள்ளது.

ஹூட்டின் கீழ், ஒப்போ ரெனோ 4 எஸ்இ ஸ்மார்ட்போன் ஆக்டா கோர் மீடியாடெக் டைமன்சிட்டி 720 SoC உடனாக 8 ஜிபி எல்பிடிடிஆர் 4 எக்ஸ் ரேம் மூலம் இயக்கப்படுகிறது.

கேமராக்களை பொறுத்தவரை, ஒப்போ ரெனோ 4 எஸ்.இ ஸ்மார்ட்போனின் பின்புறத்தில் மூன்று கேமராக்கள் உள்ளன, மேலும் இந்த அமைப்பில் எஃப் / 1.7 லென்ஸுடன் 48 மெகாபிக்சல் முதன்மை சென்சார், அல்ட்ரா வைட் ஆங்கிள் எஃப் / 2.2 லென்ஸ் கொண்ட 8 மெகாபிக்சல் சென்சார் மற்றும் எஃப் / 2.4 மேக்ரோ லென்ஸுடன் 2 மெகாபிக்சல் சென்சார் ஆகியவைகளை கொண்டுள்ளது. முன்புறத்தில், எஃப் / 2.4 லென்ஸுடன் 32 மெகாபிக்சல் செல்பீ சென்சார் உள்ளது.

இது ஸ்டோரேஜை எக்ஸ்டன்ட் செய்ய முடியாத 128 ஜிபி அல்லது 256 ஜிபி யுஎஃப்எஸ் 2.0 சேமிப்பிடத்தை கொண்டுள்ளது. ஒப்போ ரெனோ 4 எஸ்.இ ஸ்மார்ட்போனில் இணைப்பு விருப்பங்களை பொறுத்தவரை, 5 ஜி ஆதரவு, 4 ஜி, டூயல்-பேண்ட் வைஃபை, ப்ளூடூத் 5.1, ஜி.பி.எஸ் / ஏ-ஜி.பி.எஸ், 3.5 மிமீ ஹெட்ஜாக் மற்றும் சார்ஜ் செய்வதற்கான யூ.எஸ்.பி டைப்-சி போர்ட் ஆகியவைகளை கொண்டுள்ளது.

ஒப்போ ரெனோ 4 எஸ்இ ஸ்மார்ட்போனின் மொத்த அமைப்பும், ஒரு 4300 எம்ஏஎச் பேட்டரி மூலம் சக்தியூட்டப்படுகிறது மற்றும் இது 65W பாஸ்ட் சார்ஜிங்கிற்கான ஆதரவுடன் பேக் செய்யப்படுகிறது.

சென்சார்களைப் பொறுத்தவரை, இந்த ஸ்மார்ட்போனில் geomagnetic sensor, ambient light sensor, proximity sensor, accelerometer, gravity sensor மற்றும் gyroscope ஆகியவைகள் உள்ளன. இதில் இன்-டிஸ்ப்ளே கைரேகை ஸ்கேனர் உள்ளது. பரிமாணங்களைப் பொறுத்தவரை, ஒப்போ ரெனோ 4 எஸ்இ ஸ்மார்ட்போன் அளவீட்டில் 160.5x73.9x7.85 மிமீ மற்றும் 169 கிராம் எடையையும் கொண்டுள்ளது.