ரோல்ஃப் பக்கோல்ஸ் எனும் ஜெர்மனிய நபர் தனது உடலில் 516 உடல் வடிவ மாற்று அறுவை சிகிச்சை செய்து கின்னஸ் உலக சாதனை புரிந்துள்ளார்.

ஜெர்மனியை சேர்ந்தவர் ரோல்ஃப் பக்கோல்ஸ் இவர் உடல் வடிவ மாற்று சிகிச்சைக்கான கின்னஸ் சாதனை புரிந்துள்ளார். இதுநாள் வரை ரோல்ஃப் பக்கோல்ஸ் 516 முறைக்கும் மேலாக உடல் வடிவ மாற்று அறுவை சிகிச்சை எனப்படும் Body Modification அறுவை சிகிச்சையை மேற்கொண்டுள்ளார். இன்னும், நான் மன திருப்தி அடையவில்லை, இன்னும் சில உடல் வடிவ மாற்று சிகிச்சைகள் மேற்கொள்ள போகிறேன் என்று செய்தியாளர்களிடம் தெரிவித்துள்ளார் ரோல்ஃப் பக்கோல்ஸ்.

கின்னஸ் உலக சாதனை புத்தகத்தின் தகவல்கள் படி, ரோல்ஃப் பக்கோல்ஸ் டெலிகாம்ஸ் எனும் ஐடி நிறுவனத்தில், ஜெர்மனியில் பணிபுரிந்து வருவதாக அறியப்படுகிறது. தனது 40வது வயதில் இருந்து தான் ரோல்ஃப் பக்கோல்ஸ் இத்தகைய உடல் வடிவ மாற்று சிகிச்சை மேற்கொண்டு வருகிறார். ஆரம்பத்தில் டாட்டூ குத்துவது, வளையங்கள் மாட்டிக் கொள்வது என துவங்கிய இந்த பயணம், இப்போது, உதடு, புருவம், மூக்கு மற்றும் தலை என பல உடல் பாகங்கள் வடிவத்தினை மாற்றும் அளவிற்கு வந்து நிற்கிறது.

இந்த உடல் வடிவ மாற்று அறுவை சிகிச்சையானது வெளிப்புறத்தை மட்டும் தான் மாற்றி இருக்கிறதே தவிர, மனதளவில் நான் அப்படியே தான் இருக்கிறேன் என்று ரோல்ஃப் பக்கோல்ஸ் கூறுகிறார்.

ரோல்ஃப் பக்கோல்ஸ் இதுநாள் வரை 453 வளையங்கள், டாட்டூக்களை, subdermal implants மேற்கொண்டுள்ளார். 2010ம் ஆண்டு கின்னஸ் உலக சாதனையில், உடலில் அதிக வளையங்கள் மாட்டியிருக்கும் சாதனை செய்திருந்தார்.

கடந்த 5 ஆண்டுகளில் பல உடல் வடிவ மாற்று சிகிச்சைகளுக்கு பிறகுக்கு, தற்சமயம் தனது தலையில் இரண்டு கொம்புகள் கொண்டிருக்கிறார் ரோல்ஃப் பக்கோல்ஸ்.

குறிப்பு: படங்கள் அனைத்தும்  மாதிரிக்காக / உதாரணத்திற்காக கூகிளில் இருந்து எடுத்து வழங்கப்படுபவையே