காலை உணவுக்கு முன் காபி குடிக்கும் பழக்கம் உங்களுக்கு இருந்தால், இந்த பதிவை தவறாமல் படியுங்கள். இந்த பழக்கம் இரத்த சர்க்கரை கட்டுப்பாட்டில் எதிர்மறையான விளைவை ஏற்படுத்தும் என்று ஆராய்ச்சியாளர்கள் கூறுகின்றனர்.

 இரவு சரியான தூக்கம் இல்லாத பெரும்பாலான மக்கள் காலையில் ஒரு கப் சூடான வலுவான காபியை குடிக்க விரும்புவார்கள். இது அவர்களை தூக்க கலகத்தில்ஸ் இருந்து விடுபட உதவுகிறது. மேலும் நீங்கள் இரவில் நன்றாக தூங்காத போது ஏற்படும் தூக்கம் மற்றும் சோர்வான உணர்வுக்கு ஒரு தீர்வை வழங்குகிறது. உண்மையில், வலுவான காபியை காலையில் குடிப்பது உங்களை உங்களை உற்சாகத்துடன் வைத்திருக்க உதவும். ஆனால் வெறும் வயிற்றில் காபி குடிக்கும் இந்த பழக்கம் ஆரோக்கியமானது அல்ல.

இங்கிலாந்தில் உள்ள பாத் பல்கலைக்கழக ஆராய்ச்சியாளர்கள், காலையில் காபி குடிக்கும் பழக்கம் இரத்த சர்க்கரை கட்டுப்பாட்டில் எதிர்மறையான விளைவை ஏற்படுத்தும் என்று கண்டறிந்துள்ளது - இது நீரிழிவு மற்றும் இதய நோய்களுக்கான ஆபத்து காரணிகளுள் ஒன்றாகும். பிரிட்டிஷ் ஜர்னல் ஆஃப் நியூட்ரிஷன் இதழில் வெளியிடப்பட்ட ஓர் ஆய்வில், தூக்கமின்மை மற்றும் காலையில் காபி குடிப்பதன் விளைவை ஆராய்ச்சி குழு கவனித்து வந்தது.


சரியான தூக்கம் இல்லாத ஓர் இரவு, நமது வளர்சிதை மாற்றத்தில் குறைந்த தாக்கத்தை ஏற்படுத்தும். அதே சமயம், தூக்கத்தில் இருந்து நாம் விடுபட காபி குடிப்பது இரத்த குளுக்கோஸ் (சர்க்கரை) கட்டுப்பாட்டில் எதிர்மறையான விளைவை ஏற்படுத்தும் என்று ஆய்வின் முடிவுகள் காட்டுகின்றன.

இரவு சரியான தூக்கம் இல்லாமல் போவது இரத்த சர்க்கரை அளவுகளில் எந்த விளைவையும் ஏற்படுத்தவில்லை. ஆய்வின் போது, 29 ஆரோக்கியமான ஆண்களையும் பெண்களையும் மூன்று வெவ்வேறு இரவில் சீரற்ற வரிசையில் பரிசோதனை செய்யுமாறு ஆராய்ச்சி குழு கேட்டுக் கொண்டது. ஒரு பரிசோதனையில், பங்கேற்பாளர்கள் ஒரு சாதாரணமான இரவு தூக்கத்தைக் கொண்டிருந்தனர். பின்பு காலையில் எழுந்தவுடன், சர்க்கரை தண்ணீர் அல்லது பானம் உட்கொள்ளும்படி அவர்களிடம் கேட்டு கொள்ளப்பட்டது.

மற்றொரு பரிசோதனையில், பங்கேற்பாளர்கள் ஓர் சீர்குலைந்த இரவு நேர தூக்கத்தை அனுபவித்தனர் (ஆராய்ச்சியாளர்கள் அவர்களை ஒவ்வொரு மணி நேரத்திற்கும் ஐந்து நிமிடங்கள் வரை விழிக்க வைத்திருந்தார்கள்). பின்னர் மறுநாள் காலை விழித்தவுடன் இவர்களுக்கும் அதே சர்க்கரை தண்ணீர் அல்லது பானம் வழங்கப்பட்டது. மூன்றாவது பரிசோதனையில், பங்கேற்பாளர்கள் அதே சீர்குலைந்த தூக்கத்தை அனுபவித்தனர், ஆனால் இந்த முறை இவர்களுக்கு முதலில் சர்க்கரை தண்ணீர் வழங்குவதற்கு பதிலாக, ஓர் 30 நிமிடங்களுக்கு முன்பு ஒரு வலுவான கருப்பு காபி வழங்கப்பட்டது.


இந்த ஒவ்வொரு சோதனையிலும், சர்க்கரை தண்ணீரை குடித்ததை தொடர்ந்து பங்கேற்பாளர்களிடமிருந்து இரத்த மாதிரிகள் எடுக்கப்பட்டன. இதில், பொதுவாக காலை உணவுக்கு உட்கொள்ளக்கூடியவை என்ன என்பதை இந்த கலோரிகள் பிரதிபலிக்கிறது. ஒரு சாதாரண இரவு தூக்கத்துடன், ஒரு சீர்குலைந்த இரவு தூக்கத்தை ஒப்பிடும்போது, காலை உணவில் பங்கேற்பாளர்களின் இரத்த குளுக்கோஸ் அல்லது இன்சுலின் எதிர்வினை மோசமடையவில்லை என்பதை அவர்களின் கண்டுபிடிப்புகள் எடுத்துக்காட்டுகின்றன.

காலை உணவுக்கு முன் காபி குடிக்கும் பழக்கம் இரத்த சர்க்கரையின் அளவை 50 சதவீதம் அதிகரித்து உள்ளது:

ஓர் இரவு அல்லது பல இரவுகளில், பல மணிநேர தூக்கத்தை இழப்பது எதிர்மறையான வளர்சிதை மாற்ற விளைவுகளை ஏற்படுத்தும் என்று கடந்தகால ஆராய்ச்சி தெரிவிக்கிறது. எனவே, தூக்கமின்மை, சத்தம் தொந்தரவு அல்லது ஒரு பிறந்த குழந்தை காரணமாக ஏற்படும் ஓர் சீர்குலைந்த தூக்கம், ஒரே மாதிரியான விளைவைக் கொண்டிருப்பதிலை என்று இது நமக்கு தெரியப்படுத்துகிறது. இருப்பினும், காலை உணவுக்கு முன் உட்கொள்ளும் வலுவான கருப்பு காபி, காலை உணவிற்கான இரத்த குளுக்கோஸ்ஸின் எதிர்வினையை கணிசமாக 50 சதவீதம் அதிகரித்து உள்ளது.


ஓர் மோசமான இரவு தூக்கத்திற்குப் பிறகு காபி குடிப்பதற்கான பொதுவான தீர்வு தூக்கத்தை உணருவதற்கான சிக்கலைத் தீர்க்கக்கூடும். ஆனால், உங்கள் காலை உணவில் உள்ள சர்க்கரையை பொறுத்துக்கொள்ள, உங்கள் உடலின் திறனைக் கட்டுப்படுத்துவதன் மூலம் மற்றொரு சிக்கலை இது உருவாக்கக்கூடும் என்பதை இந்த புதிய ஆய்வு வெளிப்படுத்துகிறது.