எச்எம்டி குளோபல் நிறுவனம் அதன் இரண்டாவது 5 ஜி ஸ்மார்ட்போனாக நோக்கியா 8 வி 5 ஜி யுடபிள்யூ மாடலை அறிமுகம் செய்துள்ளது. என்ன விலை... என்னென்ன அம்சங்கள்.. இதோ முழு விவரங்கள்..

நோக்கியா நிறுவனத்தின் புதிய ஸ்மார்ட்போனாக நோக்கியா 8 வி 5ஜி யுடபிள்யூ அறிமுகமாகி உள்ளது நோக்கியா பிராண்டட் மொபைல்களை தயாரிக்கும் உரிமம் பெற்றுள்ள எச்எம்டி குளோபல் நிறுவனத்தால் அறிமுகம் செய்யப்பட்டுள்ள இந்த புதிய நோக்கியா ஸ்மார்ட்போன் ஆனது நோக்கியா 8.3 5 ஜிக்குப் பிறகு அறிமுகமாகும் நிறுவனத்தின் இரண்டாவது 5ஜி ஸ்மார்ட்போன் ஆகும். ஆனால் நோக்கியா போர்ட்ஃபோலியோவில் mmWave 5G network-ஐ சப்-6 ஜிஹெர்ட்ஸ் உடன் ஆதரிக்கும் முதல் ஸ்மார்ட்போன் இதுவாகும்.

அதாவது எச்.எம்.டி குளோபல் நிறுவனம் நோக்கியா 8 வி 5 ஜி யு.டபிள்யூவை குறிப்பாக அமெரிக்க கேரியர் வெரிசோனுக்கு கொண்டு வந்துள்ளது. வெரிசோனின் அல்ட்ரா-வைட்பேண்ட் நெட்வொர்க்கிற்கான ஆதரவைத் தவிர, இந்த புதிய நோக்கியா ஸ்மார்ட்போன் அடிப்படையில் நோக்கியா 8.3 5 ஜியின் சற்றே மாற்றப்பட்ட பதிப்பாகும், நினைவூட்டும் வண்னம் நோக்கியா 8.3 5ஜி ஸ்மார்ட்போன் ஆனது கடந்த மார்ச் மாதத்தில் அறிமுகமானது.


நோக்கியா 8 வி 5ஜி யுடபிள்யூ ஸ்மார்ட்போனின் விலை:

நோக்கியா 8 வி 5 ஜி யுடபிள்யூ இந்திய மதிப்பின்படி தோராயமாக ரூ.52,000 க்கு அறிமுகமாகி உள்ளது. இந்த ஸ்மார்ட்போன் Meteor Grey நிறத்தில் வருகிறது, இது நவம்பர் 12 முதல் விற்பனைக்கு வரும். இது வெரிசோனின் வலைத்தளம், ஆப், உள்ளூர் சில்லறை விற்பனையாளர்கள் மற்றும் பெஸ்ட் பை மூலம் அமெரிக்காவில் வாங் கிடைக்கும். இந்த வெரிசோன் பிரத்தியேக ஸ்மார்ட்போனான - நோக்கியா 8 வி 5ஜி யுடபிள்யூ மற்ற உலக சந்தைகளில் கிடைக்காது.

நோக்கியா 8 வி 5ஜி யுடபிள்யூ ஸ்மார்ட்போனின் அம்சங்கள் மற்றும் விவரக்குறிப்புகள்:

சிங்கிள் மற்றும் டூயல் சிம் (நானோ) வகைகளில் வாங்க கிடைக்கும் நோக்கியா 8 வி 5ஜி யுடபிள்யூ ஸ்மார்ட்போன் ஆனது ஆண்ட்ராய்டு 10 ஓஎஸ் மூலம் இயங்குகிறது மற்றும் ஆண்ட்ராய்டு 11 ஓஎஸ் அப்டேட்டை பெறும் என்றும் உறுதியளிக்கப்பட்டுள்ளது.

இந்த ஸ்மார்ட்போன் 20: 9 என்கிற அளவிலான திரை விகிதம், துளை-பஞ்ச் வடிவமைப்பை கொண்ட 6.81 இன்ச் புல் எச்டி + ப்யூர் டிஸ்ப்ளேவை கொண்டுள்ளது.

ஹூட்டின் கீழ், ஒரு ஆக்டா கோர் குவால்காம் ஸ்னாப்டிராகன் 765 ஜி SoC உள்ளது, இது 6 ஜிபி மற்றும் 8 ஜிபி எல்பிடிடிஆர் 4 எக்ஸ் ரேம் விருப்பங்களுடன் இணைக்கப்பட்டுள்ளது.

நோக்கியா 8 வி 5 ஜி யு.டபிள்யூ ஒரு குவாட் ரியர் கேமரா அமைப்பைக் கொண்டுள்ளது, அதில் 64 மெகாபிக்சல் முதன்மை சென்சார், 12 மெகாபிக்சல் அல்ட்ரா-வைட்-ஆங்கிள் ஷூட்டர் மற்றும் 2 மெகாபிக்சல் மேக்ரோ ஷூட்டர் மற்றும் 2 மெகாபிக்சல் டெப்த் சென்சார் ஆகியவற்றைக் கொண்டுள்ளது.

செல்பீக்கள் மற்றும் வீடியோ சாட்களுக்கு, முன்பக்கத்தில் 24 மெகாபிக்சல் கேமரா சென்சார் உள்ளது. ஸ்மார்ட்போனின் முன் மற்றும் பின்புற கேமராக்கள் Zeiss optics மூலம் உருவாக்கம் பெற்றுளளன.

நோக்கியா 8 வி 5 ஜி யுடபிள்யூ ஸ்மார்ட்போன் 64 ஜிபி மற்றும் 128 ஜிபி இன்டர்னல் ஸ்டோரேஜ் பதிப்புகளில் வருகிறது. இணைப்பு விருப்பங்களை பொறுத்தவரை, இது 5 ஜி, 4 ஜி எல்டிஇ, வைஃபை 802.11 ஏசி, ப்ளூடூத் வி 5.0, ஜிபிஎஸ் / ஏ-ஜிபிஎஸ், என்எப்சி, எஃப்எம் ரேடியோ, யூ.எஸ்.பி டைப்-சி மற்றும் 3.5 மிமீ ஹெட்ஜாக் ஆகியவைகளை கொண்டுள்ளது.

போர்டில் உள்ள சென்சார்களை பொறுத்தவரை, accelerometer, ambient light, gyroscope, magnetometer மற்றும் proximity சென்சார் ஆகியவைகளை கொண்டுள்ளது. இது பக்கவாட்டில் பொருத்தப்பட்ட கைரேகை சென்சார் உடன் வருகிறது. மேலும், இந்த ஸ்மார்ட்போன் ஒரு பிரத்யேக Google அசிஸ்டென்ட் பட்டனையும் கொண்டுள்ளது.

நோக்கியா 8 வி 5 ஜி யு.டபிள்யூ ஸ்மார்ட்போனின் மொத்த அமைப்பும் ஒரு 4,500 எம்ஏஎச் பேட்டரி மூலம் சக்தியூட்டப்படுகிறது. இது 18W பாஸ்ட் சார்ஜிங்கை ஆதரிக்கிறது. இதில் இடஞ்சார்ந்த ஒலி அனுபவத்திற்கு OZO ஆடியோவும் உள்ளது. கடைசியாக இந்த ஸ்மார்ட்போன் அளவீட்டில் 171.9x78.5x8.9 மிமீ மற்றும் 226 கிராம் எடையையும் கொண்டுள்ளது.