பிஎஸ்என்எல் நிறுவனம் அதன் பிரபலமான 56 ஜிபி
திட்டமொன்றின் விலையை அதிகரித்துள்ளது... புதிய ஜனவரி 1 முதல் நடைமுறைக்கு
வரும்... சில வாரங்களுக்கு முன்பு, பிஎஸ்என்எல் நிறுவனம் அதன் புதிய ரூ.199
ப்ரீபெய்ட் ரீசார்ஜ் பிளானை அறிமுகம் செய்தது. இந்த திட்டம் ஏற்கனேவே இருந்த 199
எஸ்டிவி திட்டத்தை மாற்றுவதாக நம்பப்பட்டது.
ஆனால் அது (ரூ.199 திட்டம் அல்லது) 199 எஸ்.டி.வி-க்கான மாற்று அல்ல, அது (ரூ.186
திட்டம் அல்லது) 186 பி.வி மீதான விலையேற்றம் என்பதை பி.எஸ்.என்.எல் இப்போது
தெளிவுபடுத்தியுள்ளது. அதாவது முன்னதாக அனைத்து தொலைத் தொடர்பு வட்டங்களிலும்
ரீசார்ஜ் செய்ய கிடைத்த ரூ.186 (பி.வி 186) திட்டமானது விலையேற்றத்திற்கு பின்னர்
ரூ.199 திட்டமாக (199 பிவி ) ரீசார்ஜ் செய்ய கிடைக்கும்.
மறுகையில் உள்ள ரூ.199 (எஸ்.டி.வி 199) ப்ரீபெய்ட் திட்டமானது விலையேற்றத்திற்கு
பின்னர் ரூ.201 திட்டமாக (எஸ்.டி.வி 201) ரீசார்ஜ் செய்ய கிடைக்கும்.
இந்த புதிய மாற்றங்கள் ஜனவரி 1, 2021 முதல் நடைமுறைக்கு வரும். பி.எஸ்.என்.எல்
நிறுவனத்தின் பி.வி 186 பிளான் அனைத்து தொலைத் தொடர்பு வட்டங்களிலும் கிடைக்கிறது,
அதே நேரத்தில் எஸ்.டி.வி 199 பிளான் ஆனது சென்னை, தமிழ்நாடு, கேரளா போன்ற சில
வட்டங்களுக்கு மட்டுமே அணுக கிடைக்கிறது.
பி.வி 186 திட்டம் நாளை முதல் பி.வி
199 என அழைக்கப்படும். இந்த திட்டம் ஹோம் எல்எஸ்ஏ மற்றும் எம்டிஎன்எல் மும்பை
மற்றும் டெல்லி உள்ளிட்ட தேசிய ரோமிங்கில் ஒரு நாளைக்கு 250 நிமிட இலவச குரல்
அழைப்புகளை வழங்குகிறது. மேலும் இது ஒரு நாளைக்கு 2 ஜிபி அளவிலான டேட்டா மற்றும்
செல்லுபடியாகும் 28 நாட்களுக்கும் தினமும் 100 இலவச எஸ்எம்எஸ்களையும் வழங்குகிறது.
இதேபோல எஸ்.டி.வி 199 நாளை முதல்
எஸ்.டி.வி 201 என அழைக்கப்படும். இது ஹோம் எல்எஸ்ஏவில் உள்ள எந்தவொரு
நெட்வொர்க்குக்கும் 250 நிமிட குரல் அழைப்புகள், ஒரு நாளைக்கு 1 ஜிபி டேட்டா
மற்றும் செல்லுபடியாகும் 28 நாட்களுக்கு தினமும் 100 இலவச எஸ்எம்எஸ்களை
வழங்குகிறது.
தவிர எஸ்.டி.வி 201 திட்டமானது இலவ கிரிக்கெட் பிஆர்பிடி, இலவச பிஆர்பிடி மற்றும்
கிரிக்கெட் எஸ்எம்எஸ் அலெர்ட்களையும் வழங்குகிறது.
பிஎஸ்என்எல்-இன் இந்த நடவடிக்கையை பெரும்பாலான பயனர்ஜல் விரும்ப மாட்டார்கள்.
ஏனென்றால் ரூ.186 ஆனது அனைத்து வட்டங்களிலும் மிகவும் பிரபலமான ஒரு திட்டமாகு
ஒன்றாகும், அதற்கு காரணம் இது வழங்கும் 56 ஜிபி அளவிலான மொத்த டேட்டா நன்மையே
ஆகும். இதன் மீதான விலையேற்றம் பட்ஜெட்வாசிகளை எரிச்சலடையச் செய்யும் என்பதில்
சந்தேகமே வேண்டாம்.
இன்னும் எரிச்சலூட்டும் விடயம் என்னவென்றால், பி.வி 186 திட்டம் சில மாதங்களுக்கு
முன்பு ஒரு நாளைக்கு 3 ஜிபி அளவிலான டேட்டாவை 24 நாட்களுக்கு வழங்க பயன்பட்டது.
பின்னர் அது ஒரு நாளைக்கு 2 ஜிபியாக குறைக்கப்பட்டு, அதன் செல்லுபடி 28 நாட்களாக
அதிகரிக்கப்பட்டது. தற்போது இதன் விலை மட்டும் அதிகரிக்கப்பட்டுள்ளது.
கருத்துகள் இல்லை:
கருத்துரையிடுக