சமையல் சிலிண்டர் டெலிவரியில் நீங்களே சிலிண்டரை எடுத்துவந்தால் உங்களுக்கு ரூ.19.50 கிடைக்கும். உங்களுக்குத் தெரியாத தகவல்...
அனைத்து வீடுகளிலும் சமையல் சிலிண்டர் இல்லாமல்
இருக்காது. மிகவும் அத்தியாவசியப் பொருளாக உள்ள சமையல் சிலிண்டர்கள் தொடர்பான இந்த
விதிமுறை பெரும்பாலானோருக்குத் தெரிந்திருக்காது. சமையல் சிலிண்டர்களை நாம்
முன்பதிவு செய்தால் அவை வீட்டுக்கே வந்து டெலிவரி செய்யப்படுகின்றன. ஒருவேளை
நீங்கள் சிலிண்டர் வாங்கும் ஏஜென்சியிடமிருந்து உங்களுக்கு சிலிண்டர் டெலிவரி
வந்துசேரவில்லையென்றால் நீங்களே சென்று சிலிண்டரை எடுத்து வருவதாக இருக்கும்.
இப்படிப்பட்ட சூழ்நிலையில் உங்களுக்குப் பணம் கிடைக்கும்.
இது என்ன விதிமுறை தெரியுமா? நீங்கள் சிலிண்டர் வாங்கும் ஏஜென்சியின்
குடவுனிலிருந்து நீங்களே சிலிண்டரை எடுத்து வந்தால் அதற்கான டெலிவரி கட்டணத்தை
சம்பந்தப்பட்ட சிலிண்டர் ஏஜென்சி உங்களுக்குத் தரவேண்டும். ஏனெனில், சிலிண்டர்
விலை நிர்ணயம் செய்யப்படும்போதே அதற்கான டெலிவரி கட்டணமும் அதனுடன் சேர்த்தே
நிர்ணயம் செய்யப்படுகிறது. நீங்கள் காசு கொடுத்து வாங்கும் சிலிண்டரின் விலையில்
அதற்கான டெலிவரி கட்டணமும் அடங்கியிருக்கிறது. விதிமுறைப்படி உங்களுக்கு ரூ.19.50
வழங்க வேண்டும். இது டெலிவரி கட்டணமாகும்.
நீங்களே சென்று சிலிண்டரை எடுத்துவந்தால் இந்தப் பணம் உங்களுக்குக் கிடைக்கும்.
இதற்கு முன்னர் இதற்கான கட்டணம் 15 ரூபாயாக மட்டுமே இருந்தது. அதன் பின்னர்தான்
ரூ.19.50 ஆக உயர்த்தப்பட்டது. ஒருவேளை சிலிண்டர் டெலிவரிக்கான பணத்தை
சம்பந்தப்பட்ட ஏஜென்சி உங்களுக்குக் கொடுக்காவிட்டால் நீங்கள் 18002333555 என்ற
எண்ணில் தொடர்பு கொண்டு புகார் கொடுக்கலாம்.
தற்போதைய நிலையில் மானிய விலை சிலிண்டர்கள் ஒரு வருடத்துக்கு 12 சிலிண்டர்கள்
மட்டுமே கொடுக்கப்படுகின்றன. அதை விட அதிகமாகத் தேவைப்பட்டால் சந்தை விலையில்தான்
வாங்க வேண்டும்.
குறிப்பு: படங்கள் அனைத்தும் மாதிரிக்காக / உதாரணத்திற்காக கூகிளில் இருந்து எடுத்து வழங்கப்படுபவையே
இது
போன்ற பல்வேறு செய்திகள், கதைகள் ,பொழுதுபோக்கு துணுக்குகள்,மின்னணு புத்தகங்கள்
போன்றவற்றை பெற எங்கள் டெலிகிராம்
சேனல்-லில் இணைந்து கொள்ளவும்அறிந்து கொள்வோம் , உள்ளூர் முதல் உலகம் வரை
கருத்துகள் இல்லை:
கருத்துரையிடுக