ஏர்டெல் நிறுவனம் ரூ.78 மற்றும் ரூ.248 மதிப்பில்லா இரண்டு புதிய டேட்டா ஆட் ஆன் பேக்குகளை அதன் அனைத்து வட்டங்களிலும் அறிமுகம் செய்துள்ளது

பாரதி ஏர்டெல் நிறுவனம் சத்தமின்றி ரூ.78 மற்றும் ரூ.248 என்கிற விலையில் இரண்டு டேட்டா பேக்குகளை அறிமுகப்படுத்தியுள்ளது. சமீபத்தில் அறிமுகப்படுத்தப்பட்ட ப்ரைம் வீடியோ மொபைல் எடிஷன் டேட்டா திட்டங்களைப் போலவே, இந்த இரண்டு புதிய திட்டங்களும் விங்க் பிரீமியம் சந்தாவுடன் தொகுக்கப்பட்டுள்ளன.

வாய்ஸ் மற்றும் எஸ்எம்எஸ் சலுகைகள் இல்லாமல் டேட்டா நன்மையை மட்டுமே வழங்கும் ரீசார்ஜ்களாக ஏர்டெல் இந்த இரண்டு திட்டங்களையும் அறிமுகப்படுத்தி உள்ளது.

ரூ.78 பேக் ஆனது 5 ஜிபி அளவிலான டேட்டாவை வழங்குகிறது, மறுகையில் உள்ள ரூ.248 பேக் ஆனது 25 ஜிபி டேட்டாவுடன் வருகிறது.

இந்த திட்டங்கள் எதாவது ஒரு ஆக்டிவ் ரீசார்ஜ்க்கும் மேல் ரீசார்ஜ் செய்யப்பட வேண்டும். ஆக்டிவ் பேக் அல்லது ஸ்மார்ட் பேக்குகளைக் கொண்ட எந்தவொரு பயனருமே இந்த விங்க் பிரீமியம் டேட்டாத் திட்டங்களுக்கு தகுதியுடையவர்கள் என்று ஏர்டெல் நிறுவனம் கூறுகிறது.

புதிதாக தொடங்கப்பட்ட இந்த இரண்டு திட்டங்களும் அனைத்து வட்டங்களிலும் ரீசார்ஜ் செய்ய கிடைக்கின்றன. இந்த திட்டங்களை நிறுவனத்தின் ஏர்டெல் தேங்க்ஸ் ஆப் அல்லது அதிகாரப்பூர்வ வலைத்தளம் வழியாகவும், ரீசார்ஜ் செய்யலாம்.

பாரதி ஏர்டெல் ரூ.78 டேட்டா பேக்கின் நன்மைகள்:

ரூ.78 பாரதி ஏர்டெல் டேட்டா பேக் ஒரு பயனருக்கு 5 ஜிபி அளவிலான டேட்டாவை வழங்குகிறது. இதன் செல்லுபடியாகும் காலம் (வேலிடிட்டி) உங்களிடம் இருக்கும் ஆக்டிவ் பிளானிங் செல்லுபடியாகும் காலத்துடன் ஒற்றுப்போகும்.

மேலே குறிப்பிட்டுள்ளபடி, ரூ.78 மற்றும் ரூ.248 ஆகிய இரண்டு திட்டங்களும் வெறும் டேட்டா பேக்குகள் மட்டுமே ஆகும். இது ஆக்டிவ் ஆக இருக்கும் ப்ரீபெய்ட் திட்டத்தை கொண்ட பயனர்களுக்கு மட்டுமே பொருந்தும். இந்த ப்ரீபெய்ட் திட்டத்தின் பிரதான நன்மை என்னவென்றால் - விங்க் பிரீமியம் சந்தா ஆகும். இதன் கீழ் கிடைக்கும் விங்க் பிரீமியம் சந்தாவின் செல்லுபடியாகும் காலம் 30 நாட்கள் ஆகும்.

பாரதி ஏர்டெல் ரூ.248 டேட்டா பேக்கின் நன்மைகள்:

பாரதி ஏர்டெல் ரூ.248 பேக் ஆனது கிட்டத்தட்ட ரூ.78 திட்டத்தை போன்றது தான். ஆனால் இது ரூ.78-ஐ விட ஐந்து மடங்கு அதிக டேட்டாவை வழங்குகிறது, அதாவது 25 ஜிபி டேட்டா நன்மையை வழங்குகிறது மற்றும் இது விங்க் பிரீமியம் சந்தா நன்மையை ஒரு வருடத்திற்கு வழங்குகிறது.

தெரியாதவர்களுக்கு, விங்க் பிரீமியம் அல்லது விங்க் மியூசிக் பிரீமியம் என்பது பாரதி ஏர்டெல்-இன் ம்யூசிக் சர்வீஸ் ஆகும். இந்தியாவில் ஏர்டெல் மற்றும் ஏர்டெல் அல்லாத பயனர்களுக்கு அணுக கிடைக்கும் இலவச கோ-டு மியூசிக் ஸ்ட்ரீமிங் ஆப்பில் விங்க் மியூசிக்கும் ஒன்றாகும்.

அனைத்து ஏர்டெல் ப்ரீபெய்ட் மற்றும் போஸ்ட்பெய்ட் திட்டங்களும் வரம்பற்ற பாடல் பதிவிறக்க விருப்பத்துடன் இலவச விங்க் மியூசிக் சந்தாவுடன் தொகுக்கப்பட்டுள்ளன. இருப்பினும், விங்க் மியூசிக் இலவச சேவையுடன் ஒரு குறிப்பிட்ட வரம்பு உள்ளது. இந்த இடத்தில் தான் விங்க் பிரீமியம் சேவை வருகிறது.

விங்க் பிரீமியம் வரம்பற்ற ஹலோட்யூன்ஸ் பாடல் மாற்ற விருப்பம், இலவச பாட்காஸ்ட்கள் மற்றும் நேரடி நிகழ்ச்சிகளுக்கான இலவச அணுகலை வழங்குகிறது. ஏற்கனவே உள்ள ஏர்டெல் வாடிக்கையாளர்களுக்கு விங்க் பிரீமியம் சந்தாவானது மாதத்திற்கு ரூ.29 க்கு அணுக கிடைக்கிறது. ஏர்டெல்-அல்லாத பயனர்களுக்கு ரூ.49 க்கு ரீசார்ஜ் செய்ய கிடைக்கிறது. இதுதவிர்த்து, விங்க் பிரீமியம் ஆண்டு திட்டமானது ரூ.299 க்கு அணுக கிடைக்கிறது.