சியோமி நிறுவனம் விரைவில் இந்தியாவில் Redmi நோட் 10T 5G ஸ்மார்ட்போன் மாடலை அறிமுகம் செய்யுமென்று எதிர்பார்க்கப்படுகிறது. கடந்த மாதம் ரஷ்யாவில் வெளியான இந்த ஸ்மார்ட்போன் மீடியா டெக் டைமன்சிட்டி 700 சிப்செட் உடன் அறிமுகம் செய்யப்பட்டது. ரெட்மி நோட் 10 தொடரின் முதல் 5 ஜி தொலைப்பேசியாக இது அமைக்கப்பட்டுள்ளது என்பது குறிப்பிடத்தக்கது. மூன்று பின்புற கேமரா அமைப்பு மற்றும் 5,000 எம்ஏஎச் பேட்டரி போன்ற பல அம்சங்களுடன் வருகிறது.

சியோமி தனது அதிகாரப்பூர்வ வலைத்தளத்திலும், அமேசானிலும் இந்த புதிய ரெட்மி ஸ்மார்ட்போனின் வருகையை வெளிப்படுத்தும் புதிய டீஸரை பதிவிட்டுள்ளது. டீஸர் குறிப்பாகச் சாதனத்தின் பெயரை வெளிப்படுத்தவில்லை என்றாலும், பட இணைப்பு இது ரெட்மி நோட் 10T 5 ஜி ஆக இருக்கப்போகிறது என்பதை வெளிப்படுத்துகிறது. விரைவில் வெளியிடப்படவுள்ள சாதனத்தை வரையறுக்க நிறுவனம் 'வேகமான மற்றும் எதிர்காலம்' என்ற வார்த்தையைப் பயன்படுத்தியுள்ளது.

சியோமி ரஷ்யாவில் அறிமுகப்படுத்தப்பட்ட ரெட்மி நோட் 10T இன் அதே மாறுபாட்டை அறிமுகப்படுத்தினால், இந்த சாதனம் இதே சிறப்பம்சங்களைக் கொண்டிருக்கும். இது 6.5' இன்ச் எஃப்.எச்.டி பிளஸ் 1080 × 2400 பிக்சல்கள் கொண்ட பஞ்ச் ஹோல் டிஸ்ப்ளேவை கொண்டுள்ளது. இது 90 ஹெர்ட்ஸ் புதுப்பிப்பு வீதத்துடன் வரலாம். புதிய ரெட்மி நோட் 10 டி 5 ஜி ஸ்மார்ட்போன் மீடியா டெக் டைமன்சிட்டி 700 சிப்செட் மூலம் இயக்கப்படுகிறது. அதோடு 6 ஜிபி ரேம் மற்றும் 128 ஜிபி ஸ்டோரேஜ் இதில் வழங்கப்பட்டுள்ளது.

இந்த தொலைபேசி ஆண்ட்ராய்டு 11-அடிப்படையிலான MIUI 12 இல் இயங்கும் படி உருவாக்கப்பட்டுள்ளது. இது 48MP பிரைமரி சென்சார், 2MP மேக்ரோ மற்றும் 2MP டெப்த் சென்சார் கொண்ட ட்ரிபிள் கேமரா அமைப்பை கொண்டிருக்கலாம். முன்பக்கத்தில் இந்த ஸ்மார்ட்போன் 8MP செல்பி கேமராவை கொண்டிருக்கும். இது 18W ஃபாஸ்ட் சார்ஜிங் உடன் 5000 எம்ஏஎச் பேட்டரியை கொண்டுள்ளது.

இது டூயல் சிம் ஸ்லாட், 4 ஜி, என்எப்சி, டூயல் பேண்ட் வைஃபை, புளூடூத் v 5.1, 3.5 மிமீ ஆடியோ ஜாக் மற்றும் யூ.எஸ்.பி டைப்-சி போர்ட் ஆகியவை அடங்கும். சியோமியின் டீஸர் ரெட்மி நோட் 10 டி விரைவில் அறிமுகப்படுத்தப்பட உள்ளது என்று தெரிவிக்கிறது. இருப்பினும் நிறுவனம் சாதனத்திற்கான சரியான வெளியீட்டுத் தேதியை வெளியிடவில்லை. இந்த மாத இறுதியில் தொலைப்பேசி அறிமுகம் செய்யப்படும் என்று நாங்கள் எதிர்பார்க்கிறோம்.