பசுபதீஸ்வரர் கோயில் என்பது சாதாரணமான சிவன் கோயில் இல்லை. இங்கு சுயம்பு லிங்கமாக அருள்பாலிக்கும் பசுபதீஸ்வரர், பல வழிபாடுகளுக்கும், அதிசய சம்பவங்களுக்கும் காரணமான தெய்வீக தலம். அவரை அஸ்வந்தநாதர், ஆவூருடையார் என்ற பெயர்களிலும் பக்தர்கள் அழைக்கின்றனர்.

இந்தக் கோயிலின் முக்கிய சிறப்புகளில் ஒன்று – இரண்டு அம்மன்கள்!
மங்களாம்பிகை மற்றும் பங்கஜவள்ளி என்ற இரு தேவிகளும் இங்கு தனித்தனி சன்னதிகளில் பக்தர்களுக்கு அருள்பாலிக்கின்றனர்.

தசரதரின் பக்தி – அம்மன்களின் பிறப்பிடம்
இடையே ஒரு கட்டத்தில் தசரத மன்னர் இங்கே வந்து, சுயம்பு லிங்கமாகக் கிடைத்த பசுபதீஸ்வரரை வழிபட்டார். அவர், பரிவார மூர்த்திகளையும் பிரதிஷ்டை செய்ததுடன், “சிவபெருமானுக்கு பக்கத்தில் அம்மனும் இருக்க வேண்டும்” என எண்ணி, ஸ்ரீ பங்கஜவள்ளியை பிரதிஷ்டை செய்தார்.

பின்னர் ஒரு குளம் வெட்டப்பட்டபோது, அதிலிருந்து மங்களாம்பிகை அம்மன் தானாகவே வெளிவந்தார். நெற்றிக்கணும் உடைய இந்த அம்மன் இப்போது இக்கோயிலின் பிரதான அம்மனாக வழிபடப்படுகிறது.

வில்லுடன் சுப்பிரமணியர், இரு துர்கைகளும்
தெற்குப்புறத்தில் படிக்கட்டுகள் ஏறிச் செல்லும் 30 அடி உயர மண்டபம், ஒரு சிறப்பு. உள்மண்டபத்தில் மூலவர், இரு அம்மன்கள், பஞ்ச பைரவர்கள் என முக்கிய தெய்வங்கள் அனைவரும் அருள்பாலிக்கின்றனர். இதிலேயே, வில்லுடன் உள்ள சுப்பிரமணியர் சன்னதி மற்றும் இரு துர்கைகளும் உள்ளன – துர்கை மற்றும் விஷ்ணு துர்கை.

காமதேனுவின் சாபநிவர்த்தி – ஆவூரின் பெயர் காரணம்
வசிஷ்டர் யாகம் செய்ய காமதேனுவை அழைத்தபோது, காமதேனு மறுத்ததால் வசிஷ்டர் சாபமிட்டார். அந்த சாபம் போக, காமதேனு பூலோகத்திலும், கைலாயத்திலும் செல்லும் நூல் ஏணி வழியாக இங்கு வந்து இறைவனை வழிபட்டார். வழியில் காமதேனு கழிநீர் குடித்த ஊர் – கழிநீர்குடி, மூச்சுவிட்ட ஊர் – ஊத்துக்காடு என பெயரடைந்தன.

இவ்வாறு பசு (மாடு) வழிபட்டதால் – பசுபதி (சிவன்) என்பதன் சேர்க்கையால் – பசுபதீஸ்வரர் என்ற பெயரும், காமதேனு வழிபட்ட ஊராக ‘ஆவூர்’ என்ற பெயரும் வந்தன.

தெய்வீகங்கள் வழிபட்ட பரம் புனித ஸ்தலம்
இந்த இடத்தில் பராசக்தி தவமிருந்தார். அப்போது தேவர்கள் செடிகள், மரங்களாக மாறி அவளைக் காப்பாற்றினர். இதனால் இறைவன் “கவர்தீஸ்வரர்” என்ற பெயரிலும் இங்கு வழிபடப்படுகிறார். காமதேனுவின் கன்றான ‘பட்டி’ என்பதுபோல பல பசுக்களும் இங்கு லிங்கங்களை பாலால் அபிஷேகம் செய்ததற்கான புராணக் கூறுகளும் உள்ளன.

பஞ்ச பைரவர் – பித்ருதோஷ நிவாரணம்
மங்களாம்பிகையை பிரதிஷ்டை செய்தபோது, ஹோமத்திலிருந்து பஞ்ச பைரவர்கள் தோன்றினார்கள். அவர்களை பிரதிஷ்டை செய்து வழிபட்டால், பித்ருதோஷம் நீங்கும் என அசரீரி ஒலித்தது. இதையடுத்து, தசரதர் பஞ்ச பைரவரையும் பிரதிஷ்டை செய்து வழிபட்டதன் பயனாக, அவரது பித்ருசாபம் நீங்கியது.

பஞ்ச பைரவர் மந்திரம்:

சூழமும் கத்தியும் சவுக்கு கயிறும் தண்டமும் கைகளில் கொண்டவர்,
ஆதிமூலமானவர், கரிய திருமேனி கொண்டவர்,
தேவர்கள் முதலியோரை ஆளும் அழிவில்லாதவர்,
நோய்களுக்கு தாண்டவம் ஆடி நிவாரணம் தரும்
எம்மை ஆளும் பஞ்ச பைரவரை போற்றுகிறோம்.

இத்தலம் ஒரு சிறப்பு வாய்ந்த பித்ருதோஷ நிவாரண ஸ்தலமாக, பக்தர்கள் இதை மனமுருகி அடைந்து வழிபட்டால், குடும்ப பாவங்கள், பித்ருசாபங்கள் நிச்சயம் நீங்கும் என்பது உறுதி.

அருள்தரும் ஆலயங்கள்