வியாழன், 28 மார்ச், 2019

பைனாப்பிள் கேசரி!

ஊர்க்கோடாங்கி வியாழன், மார்ச் 28, 2019

தேவையானவை:

அன்னாசிப் பழம் – கால் பாகம்
ரவை – 1 கப்
சர்க்கரை – 2 கப்
நெய் – கால் கப்
எண்ணெய் – 1 டேபிள் ஸ்பூன்
அன்னாசி எசன்ஸ் – 2 டீஸ்பூன்
ஃபுட் கலர் (மஞ்சள்) – கால் டீஸ்பூன்
முந்திரிப் பருப்பு – 6.

செய்முறை:

அன்னாசிப் பழத்தை தோல், முள் நீக்கி பொடியாக நறுக்குங்கள். அதனுடன் சர்க்கரை கலந்து, அரை மணி நேரம் வையுங்கள். ரவையை 2 டீஸ்பூன் நெய் சேர்த்து வறுத்தெடுங்கள். மீதமுள்ள நெய், எண்ணெயை காய வைத்து முந்திரிப்பருப்பைப் போட்டு தாளித்து, 3 கப் தண்ணீர் சேருங்கள். அதில் மஞ்சள் கலர் சேர்த்து, தண்ணீர் கொதித்ததும் வறுத்த ரவையைச் சேர்த்து கட்டி படாமல் கிளறுங்கள். நன்கு கிளறியபின், தீயைக் குறைத்து 5 நிமிடம் நன்கு வேகவிடுங்கள்.

பின்னர் அன்னாசி, சர்க்கரை கலவையையும் அதில் சேருங்கள். இது சற்று இளகி, மீண்டும் கெட்டிப்படும். அதை நன்கு கிளறி, எசன்ஸ் சேர்த்து கலந்து பரிமாறுங்கள். விருந்துகளுக்கு ஏற்ற, சுவையான ஸ்வீட் இது.

என்னுடைய வலைத்தளத்தில் வெளிவரும் அனைத்து பதிவுகளுக்கும் உங்களின் மேலானகருத்துக்கள் வரவேற்கபடுகின்றன மேலும் இதுபோன்ற எங்களின் பல்வேறு பதிவுகளை உடனுக்குடன் உங்கள் மின்னஞ்சலில் பெற பதிவு செய்து கொள்ளுங்கள்.

சமையல் குறிப்புகள்