சியோமி நிறுவனத்திடம் இருந்து
மிகவும் எதிர்பார்க்கப்படும் ஒரு ஸ்மார்ட்போனான Redmi K30 ஆனது வருகிற டிசம்பர் 10
ஆம் தேதி நடைபெறும் ஒரு நிகழ்வில் அறிமுகமாகும் என்று எதிர்பார்க்கப்படுகிறது. சமீபத்தில்
வெளியான ரெட்மி கே30 ஸ்மார்ட்போனின் போஸ்டர் ஆனது ஸ்மார்ட்போனின் பின்பக்க மற்றும்
முன்பக்க வடிவமைப்பானது எப்படி இருக்கும் என்கிற யோசனையை நமக்கு வழங்குகிறது.
பழசாகிவிட்ட
பாப்-அப் செல்பீ கேமரா, இனிமேல்...
வெளியான
போஸ்டர் வழியாக ஸ்மார்ட்போனின் முன்பக்க வடிவமைப்பில் ஒரு பெரிய மாற்றத்தை
வெளிப்படையாக காண முடிக்கிறது. அதாவது பாப்-அப் செல்பீ கேமராக்களுக்கு பதிலாக
பஞ்ச்-ஹோல் டூயல் கேமராக்கள் இடம்பெற்றுள்ளது. இந்த கட்அவுட் வடிவமைப்பு ஆனது
சமீபத்திய பிரீமியம் ஸ்மார்ட்போன் ஆன ஹவாய் மற்றும் சாம்சங் ஸ்மார்ட்போன்களில்
மட்டுமே காணப்பட்டது. தற்போது சியோமி ஸ்மார்ட்போனிலும் இடம்பெறுகிறது.
பக்கவாட்டில் கைரேகை
சென்சார்?!
வெளியான
மற்றொரு போஸ்டர் ஆனது, ரெட்மி கே 30 ஸ்மார்ட்போனின் மையத்தில் செங்குத்தாக
உட்பொதிக்கப்பட்ட கேமரா அமைப்பை வெளிப்படுத்துகிறது. மேலும் சியோமி ரெட்மி கே 30
ஸ்மார்ட்போனின் பின்புறத்தில் எந்தவிதமான பிரத்யேக கைரேகை சென்சார் ஸ்லாடும்
இல்லை. ஆக இதன் கைரேகை சென்சார் ஆனது டிஸ்பிளேவில் உட்பொதிக்கப்படும் அல்லது
ஸ்மார்ட்போனின் பக்கவாட்டில் அமைந்திருக்கலாம். இன்-டிஸ்பிளே கைரேகை சென்சாருக்கான
சாத்தியங்கள் மிகவும் அதிகமாக உள்ளன.
எதிர்பார்க்கப்படும்
அம்சங்கள் பற்றி...
ரெட்மி
கே 30 ஆனது ஆண்ட்ராய்டு 10 அடிப்படையிலான MIUI 11 கொண்டு இயங்கும் என்று
எதிர்பார்க்கப்படுகிறது. இதன் லீக்ஸ் புகைப்படங்கள் ஆனது இது 396ppi பிக்சல்
அடர்த்தி மற்றும் 120Hz என்கிற அளவிலான ரெஃப்ரெஷ் ரேட் கொண்ட 6.66 இன்ச் அளவிலான்
முழு எச்டி+ (1080x2400 பிக்சல்கள்) டிஸ்பிளேவை கொண்டிருக்கும் என்று பரிந்துரைக்கின்றன.
மேலும், இந்த ஸ்மார்ட்ப்பின் ஆனது க்வால்காம் ஸ்னாப்டிராகன் 7 எக்ஸ் தொடர் SoC
ப்ராசஸர் உடன் வரக்கூடும் என்றும் கூறப்படுகிறது. ஒருவேளை இது 5G- ஆதரவை கொண்டு
வெளியானால் இதில் மீடியா டெக் SoC -ஐ எதிர்பார்க்கலாம். சீனாவின் 3 சி
தரவுத்தளத்தில் கானாவூட்ட சமீபத்திய பட்டியலின்படி, ரெட்மி கே 30 ஆனது 30W பாஸ்ட்
சார்ஜிங் ஆதரவுடன் வரும்.
கேமரா துறையில் பெரிய
முன்னேற்றம்; என்ன முன்னேற்றம்?
வடிவமைப்பில்
சிறிய அளவிலான மாற்றங்களே இருந்தாலும் கூட கேமரா துறையில் பெரிய முன்னேற்றம்
இருக்கும் என்று தகவல்கள் தெரிவிக்கின்றன. ரெட்மி கே 30 ஆனது 64 மெகாபிக்சல்
அளவிலான முதன்மை கேமராவுடன் 8 மெகாபிக்சல் டெலிஃபோட்டோ லென்ஸ் + 12 மெகாபிக்சல்
அளவிலான அல்ட்ராவைடு சென்சார் + 2 மெகாபிக்சல் அளவிலான டெப்த் கேமரா எனும் க்வாட்
கேமரா அமைப்பை கொண்டிருக்கும் என்று கூறப்படுகிறது. முன்பக்கத்தை பொறுத்தவரை, இதன்
டூயல் செல்பீ கேமரா அமைப்பில் 20 மெகாபிக்சல் அளவிலான சென்சார் இருக்கும்.
என்ன விலை? என்ன
ப்ராசஸர்? என்ன பேட்டரி?
செயல்திறனை
பொறுத்தவரை, சியோமி ரெட்மி கே 30 ஆனது ஸ்னாப்டிராகன் 730 ஜி ப்ராசஸர் உடன் 6 ஜிபி
ரேம் மற்றும் 64 ஜிபிஅளவிலான உள்ளடக்க சேமிப்பகத்துடன் இணைக்கப்பட்டு இருக்கலாம்.
இந்த ஒட்டுமொத்த அமைப்பும் 27W ஃபாஸ்ட் சார்ஜிங் ஆதரவு கொண்ட ஒரு 4,500 எம்ஏஎச்
பேட்டரி மூலம் இயக்கப்படலாம். விலை நிர்ணயத்தை பொறுத்தவரை, வெளியான வதந்திகளின்
படி, சியோமி ரெட்மி கே 30 ஆனது (இந்திய மதிப்பின்படி தோராயமாக) ரூ.20,462ஏ என்கிற
புள்ளியை எட்டலாம்.
ரெட்மி கே 30 ப்ரோ
வெளியாகுமா? ஆமாம்!
ரெட்மி
நிறுவனத்தின் பொது மேலாளரான லு வெய்பிங் கூற்றின்படி, "ரெட்மி கே30
ஸ்மார்ட்போனில் உலகின் முதல் உயர் தெளிவுத்திறன் கொண்ட பட சென்சார்
இருக்கும்". இவரின் இந்த கூற்றானது இந்த ஸ்மார்ட்போனில் புதிய 60 மெகாபிக்சல்
சோனி ஐஎம்எக்ஸ் 686 இமேஜ் சென்சாரின் பயன்பாடு இருக்கலாம் என்கிற ஊகங்களைத்
தூண்டியது. சியோமி ரெட்மி கே 30 உடன், சியோமி தனது புதிய முதன்மை மாடல் ஆன ரெட்மி
கே 30 ப்ரோ ஸ்மார்ட்போனையும் அறிமுகப்படுத்தும் என்று எதிர்பார்க்கப்படுகிறது.
இந்த ஸ்மார்ட்போன் ஆனது க்வால்காமின் அடுத்த தலைமுறை ஸ்னாப்டிராகன் SoC ப்ராசஸர்
மற்றும் ரெட்மி கே 20 ப்ரோவில் காணப்பட்டதை விட மேம்படுத்தப்பட்ட அம்சங்களுடன்
வரக்கூடும்.
கருத்துகள் இல்லை:
கருத்துரையிடுக