1908ம் ஆண்டு அமெரிக்காவில் லவ்ஸியானா மாகாண பகுதியில்
வசித்து வந்த லேஸ்ஸி மற்றும் பெர்சி டன்பர் தம்பதிக்கு ஒரு ஆண் குழந்தை பிறந்தது. அந்த
குழந்தைக்கு ராபர்ட் கிளாரன்ஸ் பாபி டன்பர் என பெயரிட்டு வளர்த்து வந்தனர்.
பாபி டன்பர்
1912ம் ஆண்டு ஆகஸ்ட் மாதம் பாபிக்கு சுமார் 4
வயது இருக்கும்போது தன் வீட்டிற்கு அருகே உள்ள ஒரு ஏரிக்கு மீன் பிடிப்பதற்காக
அவரது தந்தை டன்பர் அழைத்துச் சென்றார். அந்த ஏரி பகுதி மிகுந்த கூட்டமாக இருந்த
போது பாபி தொலைந்து போனான். டன்பர் பகுதிகளில் தேடியும் அவனைக் கண்டு பிடிக்க
முடியவில்லை.
தொலைந்து
போன சிறுவன்
இதனால் டன்பரும் அவரது மனைவியும் பாபி
தொலைந்து போனது குறித்து அமெரிக்க போலீசாரிடம் புகார் அளித்தனர். அதன் பேரில்
புகாரை பதிவு செய்த போலீசார் பாபியை பல இடங்களில் தேடினர். ஆனால் கண்டுபிடிக்க
முடியவில்லை. மாதங்கள் ஆகியும் பாபி எங்கு இருக்கிறான் யாருடன் இருக்கிறான்,
எப்படி அந்த ஏரிப்பகுதியில் வைத்துத் தொலைந்து போனான் என யாருக்கும் தெரியாது.
வில்லியம்
வால்டர்
இந்நிலையில் பாபி தொலைந்து சுமார் 8 மாதம் கழித்து
ஒரு நாள் அமெரிக்காவின் மிசிசிபி பகுதியில் போலீசார் சாதாரணமாக சோதனை செய்து கொண்டிருந்த
போது அங்கு வில்லியம் காண்ட்வெல் வால்டர் என்பவரை விசாரித்தனர். அப்பொழுது அவருடன்
சுமார்5 வயது மதிக்கதக்க ஒரு சிறுவன் இருந்தான்.
விசாரணை
அந்த சிறுவன் குறித்து விசாரித்தபோது அது தனக்குச்
சொந்தமான நிலத்தில் பணியாற்றும் ஜூலியா ஆண்டர்சன் என்ற பெண்ணின் மகன் என்றும் அவன்
பெயர் சார்லஸ் ப்ரூஸ் ஆண்டர்சன் என்றும் ஜூலியாவிடம் அனுமதி பெற்று அவரது மகனை என்னுடன்
அழைத்து வருவதாகவும் கூறினார்.
சந்தேகம்
ஆனால் போலீசாருக்கு அந்த சிறுவனைப் பார்க்கும்போது
அவனது உருவம் சில மாதங்களுக்கு முன்பு தொலைந்து போன பாபியின் உருவம் போலவே இருந்தது.
இதனால் போலீசாருக்கு சந்தேகம் ஏற்பட்டு வால்டர் என்பவரை அவருடன் வந்த சிறுவனையும்
போலீஸ் ஸ்டேஷனிற்கு அழைத்துச் சென்றனர்.
ஜூலியா
அண்டர்சன்
போலீஸ் ஸ்டேஷனில் நடந்த விசாரணையில் போது வால்டர்
இது ஜூலியாவின் மகன் தான் என்று தெரிவித்தார். ஆனால் போலீசார் அவர் மீது நம்பிக்கையின்றி
பாபி டன்பரை காணவில்லை எனப் புகார் அளித்த லேஸ்ஸி டன்பருக்கு தகவல் தெரிவித்தனர். நடப்பது
என்னவென்றே தெரியாமல் அந்த சிறுவன் போலீஸ் ஸ்டேஷனில் அமர்ந்திருந்தான்.
அழைப்பு
இதற்கிடையில் வால்டர் சொல்வதையும் உறுதி செய்ய
அவர் கூறும் அவரது இடத்தில் பணியாற்றும் ஜூலியா என்ற பெண்ணையும் போலீஸ் ஸ்டேஷன் வர
அழைப்பு விடுக்கப்பட்டது. இந்நிலையில் லேஸ்ஸி டன்பர் போலீஸ் ஸ்டேஷனிற்கு வந்தார்.
குழப்பம்
லேஸ்ஸி டன்பர் போலீஸ் ஸ்டேனிற்கு வந்த போது அங்கு
என்ன நடந்தது என்பதில் குழப்பம் உள்ளது. இது குறித்த வெளியான செய்திகளில் சில செய்திகள்
லேஸ்ஸியை பார்த்ததும் அந்த சிறுவன் அம்மா எனக் கத்திக்கொண்டு லேஸ்ஸியிடம் ஓடிச்சென்று
அவரை கட்டிப்பிடித்தாக குறிப்பிடுகிறது. சில செய்திகள் லேஸ்ஸியை பார்த்ததும் அந்த சிறுவனின்
முகத்தில் ஒரு விசித்திரமான குழப்பம் மட்டுமே நிலவியதாகச் செய்திகள் வெளியாகியுள்ளது.
அங்குச் சரியாக என்ன நடந்தது என இதுவரை தெரியவில்லை.
கைது
ஆனால் லேஸ்ஸியை பார்த்ததும் அந்த சிறுவனிடம் ஒரு
மாற்றம் ஏற்பட்டதை அங்கிருந்தவர்கள் உணர்ந்துள்ளனர். இதனால் போலீசார் அது தொலைந்து
போன பாபி டன்பர் தான் அந்த சிறுவன் என்ற முடிவிற்கு வந்தனர். அதன் பின் வால்டரை சிறுவனைக்
கடத்திய வழக்கு தொடர்பாகக் கைது செய்தனர்.
நம்பிக்கை
ஆனால் அப்பொழுதும் வால்டர் விடவில்லை அது ஜூலியா
ஆண்டர்சனின் குழந்தை தான் என தீர்மானமாகச் சொன்னார். லேஸ்ஸிக்கு நடந்தது போல ஜூலியாவிற்கு
நடக்கும் என அவர் தெரிவித்தார். இதையடுத்து முன்னரே விடுத்த அழைப்பின்படி ஜூலியா குறிப்பிட்ட
போலீஸ் ஸ்டேஷனிற்கு வந்தார்.
யோசனை
ஆனால் இத்தனை நாட்கள் ஜூலியாவிடம் குழந்தை வளர
வாய்ப்புகள் உள்ளது. அதனால் ஜூலியாவின் முன்பு குழந்தையை நிறுத்தும்போது வேறு முறையை
கையாள போலீசார் முடிவு செய்தனர். அதனால் பாபி போலவே தோற்றம் கொண்ட 5 சிறுவர்களை
ஒன்று போல நிறுத்தி அவர்களது கண்களைக் கட்டினர். அந்த 5 சிறுவர்களுக்குள் வால்டருடன்
இருந்த சிறுவனும் இருந்தான்.
கண்டுபிடிக்க
முடியவில்லை
இந்த 5 பேரையும் முதலில் பார்த்த ஜூலியா குழம்பி
போனால் அவரால் சரியான குழந்தையைக் கண்டுபிடிக்க முடியவில்லை. இதனால் மீண்டும் போலீசார்
வால்டனுடன் இருந்தது பாபி தான் என்ற முடிவிற்கு வந்தனர். மேலும் ஜூலியாவை விசாரித்த
போது ஜூலியா தனக்கு திருமணம் ஆகவில்லை என வாக்குமூலத்தில் ஒர் இடத்தில் தெரிவித்திருந்தார்.
முடிவு
திருமணமாகாதவர்கள் குழந்தை பெற்றுக்கொள்ளும் பழக்கம்
அந்த காலத்தில் அமெரிக்காவில் அதிகளவில் இல்லை. இதனால் கட்டாயம் இது பாபியாக தான் இருக்கும்
என முடிவு செய்தனர். இருந்தாலும் ஜூலியாவிற்கு இரண்டாவது வாய்ப்பு வழங்க போலீசார்
எண்ணினர்.
இரண்டாவது
வாய்ப்பு
இதையடுத்து மறுநாளும் போலீஸ் ஸ்டேஷனிற்கு வரவழைக்கப்பட்டார்
ஜூலியா. அங்கு இந்த முறை 5 சிறுவர்கள் முகத்தை முழுவதும் மூடிக்கொண்டு வெறும் ஆடையில்லாத
மேல் உடம்பு மற்றும் கீழே டவுசர் மட்டும் அணிவிக்கப்பட்டு நிறுத்தப்பட்டனர்.
கண்டுபிடிப்பு
இந்த முறை ஜூலியா சரியாக வால்டருடன் இருந்த குழந்தையைக்
கண்டுபிடித்துவிட்டார். ஆனாலும் போலீசாருக்கு சந்தேகம். இந்த வழக்கிற்குத் தீர்வு
காண முடியாமல் இந்த வழக்கை கோர்ட்டில் ஒப்படைக்க போலீசார் முடிவு செய்தனர்.
அம்மா
அதன் படி இந்த வழக்கும் கோர்ட்டிற்கு சென்றது.
போலீசாரின் முடிவிற்கு ஏற்ப அந்த சிறுவன் லேஸ்ஸி டன்பரின் வீட்டிற்கு அனுப்பபட்டான்.
அந்த சிறுவன் லேஸ்ஸியை அம்மா என கூறியதால் அவர்களுடன் செல்ல போலீசார் அனுமதித்ததாக
தெரிகிறது.
விசாரணை
கோர்ட்டில் இந்த வழக்கின் விசாரணை நடந்தது. இறுதியில்
தொலைந்து போன சிறுவன் டன்பர் தான் வால்டருடன் இருந்த சிறுவன் என்றும், வால்டர் அவனை
அந்த இடத்தில் இருந்து கடத்தியிருக்கலாம் என்றும், தீர்ப்பு வெளியானது. இதையடுத்து
5 வயது சிறுவன் டன்பர் குடும்பத்துடன் வளர ஆரம்பித்தான்.
காசு இல்லை
ஆனால் ஜூலியா, டன்பர் குடும்பத்துடன் வாழ்வது தனது
மகன் தான் என்றும், தனக்கு ஒரு வக்கீல் வைத்து வாதாட முடியாததால் எனது தரப்பு நியாயத்தை
கோர்ட்டில் நிரூபணம் செய்ய முடியவில்லை என்று கூறினார்.
புரியாத
புதிர்
அந்த வழக்கு பல ஆண்டுகளாக ஒரு புரியாத புதிராகவே
இருந்துள்ளது. இந்நிலையில் பாபிக்கு வளர்ந்து பெரியவனானார். அவருக்குத் திருமணமானது.
ஜூலியாவும் இறந்து போனார். லேஸ்ஸியும் இறந்து போனார்கள். பாபிக்கு குழந்தைகள் பிறந்தது.
அந்த குழந்தையும் வளர்ந்து பெரியவனாகி திருமணம் செய்தனர்
பேத்தி
பாபி ஒரு கட்டத்தில் இறந்து போக பாபியின் மகனின்
மகளான மார்கெரெட் டன்பர் கட்ரைட் என்பவர் தன் தாத்தாவின் இந்த கதையைப் பற்றித் தெரிந்து
கொள்கிறார். தன் தாத்தா சிறுவயதில் காணாமல் போய் வேறு ஒரு இடத்தில் வளர்ந்ததை அறிகிறார்.
பின்னர் அது தொடர்பாக போலீஸ் ஸ்டேஷனில் நடந்த விஷயங்கள் வழக்குகள் குறித்து அறிகிறார்.
உண்மையான
பாபி டன்பர்
அந்த வழக்கில் இன்றும் தனது தாத்தா தான் உண்மையான
பாபி டன்பர் என்பது தெளிவாகவில்லை என புரிகிறது. அவர் இதை பற்றி ஆய்வு செய்ய விரும்புகிறார்.
இந்த உலகத்திற்கு தன் தாத்தா தான் பாபி டன்பர் என்பதை அறிவிக்க நினைக்கிறார்.
ஜூலியா
வாரிசுகள்
இதற்காக அவர் ஜூலியாவின் வாரிசுகளைத் தேடிச்செல்கிறார்.
அவர்களைச் சந்தித்து நடந்ததைக் கூறி அவர்களிடம் உள்ள தகவல்கள் மற்றும் ஆதாரங்களை பார்க்கிறார்.
அவர்களிடம் வால்டரின் ஜெயில் தண்டனை குறித்த தகவல்கள், மற்றும் வால்டர் குறித்த சில
குறிப்புகள் எல்லாம் இருந்தன.
ஆவணங்கள்
அதில் ஒரு ஆதாரத்தில் போலீஸ் தரப்பில் எழுதப்பட்டிருந்த
ஆவணத்தில் வால்டரின் பக்கத்து வீட்டுக்காரர்கள் சிலர் பாபி தொலைந்ததாகச் சொல்லப்படும்
நாளுக்கு முன்பே வால்டனுடன் ப்ரூஸ் என்ற சிறுவன் இருந்ததை வாக்குமூலமாக அளித்திருந்ததை
காண்கிறார். இது தன் தாத்தா தான் பாபி என்ற அவரது நம்பிக்கைக்கு எதிராக இருந்தது. இதனால்
அவர் குழப்பத்திற்கு ஆளானர்.
ஆய்வு
மார்கெரெட்டின் இந்த ஆய்வு குறித்து அப்பொழுது
மீடியாக்களின் செய்திகள் வெளியானது. ஆனால் மார்கெரெட்டால் எதையும் ஆதாரப்பூர்வமாக நிரூபணம்
செய்ய முடிவில்லை. தன் தாத்தா குறித்த ஆய்வை செய்து கொண்டே இருந்தார். அப்பொழுது தான்
அவருக்கு ஒரு வழி பிறந்தது.
டிஎன்ஏ
பரிசோதனை
ஆசோசியேட் பிரஸின் பத்திரிக்கையாளர் ஒருவர் மார்கரெட்டை
கடந்த 2004ம் ஆண்டு பார்த்து இந்த ஆய்விற்கு இருக்கும் ஒரே அறிவியல் பூர்வமாக தீர்வு
டிஎன்ஏ பரிசோதனை என்றும், மார்கெரெட்டின் தாத்தாவின் மூலம் தான் மார்கெரெட்டின் தந்தை
பிறந்துள்ளார். அதே போல பாபி டென்பருக்கு ஒரு ஆலோஸோ டன்பர் என்ற தம்பி இருந்தார்.
அவரது வாரிசுகளின் டிஎன்ஏவை ஒப்பிட்டு பார்க்கலாம் என முடிவுக்கு வந்தனர்.
பரிசோதனை
தோல்வி
அதன் படி பாபி டன்பரின் மகனின் டிஎன்ஏவையும் ஆலோஸோ
டன்பரின் மகனின் டிஎன்ஏவையும் ஒப்பிட்டு பார்த்தனர். அப்பொழுது முடிவுகள் இருவரும்
ஒருவருக்கு ஒருவர் ரத்த சம்மந்தம் இல்லாதவர்கள் என்றும். இவருடன் டிஎன்ஏவும் எந்த இடத்திலும்
ஒத்துப்போகவில்லை என்ற அதிர்ச்சிகரமான தகவல் வெளியானது. இது அப்பொழுது உலகம் முழுவதும்
பெரிதும் பேசப்பட்டது.
என்ன நடத்திருக்கும்?
இந்நிலையில் 2008ம் ஆன்வு மார்கெரெட் ஒரு ரேடியோஷோவில்
பேசினார் அப்பொழுது அவர் பாபி டன்பர் தன் தந்தையுடன் ஏரிக்கு சென்றிருந்தபோது தெரியாமல்
ஏரியில் விழுந்திருக்கலாம் அவரை முதலை சாப்பிட்டிருக்கலாம். எனவும் கூறினார். இந்த
பேச்சும் மிகப்பெரிய அளவில் வைரலானது.
தீராத மர்மம்
பல ஆண்டுகளுக்கு முன்பு கோர்ட் சொன்ன ஒரு தீர்ப்பு
தவறு என அறிவியல் நிரூபித்தது. ஆனால் இந்த விஷயத்தில் மர்மம் என்னவென்றால் வால்டரின்
இருந்த பையல் பாபி இல்லை என்றால் அவர் ஏன் லேஸ்ஸியை பார்த்ததும் அம்மா என கத்தி அவரை
கட்டிப் பிடிக்க வேண்டும். அல்லது மற்ற சிலர் சொல்லும் படி அவனது முகத்தில் ஏன் குழப்பம்
வர வேண்டும் என்பது ஒரு மர்மம். அடுத்ததாக ஜூலியாவின் தன் மகனைக் கண்டுபிடிக்கச் சொல்லி
போலீசார் கேட்கும் போது ஏன் ஜூலியாவல் தன் குழந்தையை முன் முறையே கண்டு பிடிக்கமுடியவில்லை
என்பது அடுத்த மர்மம். இது எல்லாம் சரி வால்டரிடம் இருந்தது பாபி இல்லை என்றால் பாபி
என்னதான் ஆனான்? இந்த மர்மத்திற்கு தற்போது விடையில்லை வரும் காலத்திலும் விடை கிடைக்குமா
என்பதும் தெரியவில்லை.
கருத்துகள் இல்லை:
கருத்துரையிடுக