ஏர்டெல் நிறுவனம் ரூ.45 என்கிற மினிமம் ரீசார்ஜ் பிளானை கட்டாயமாக்கி உள்ளது. ஏன்? எதற்காக? எந்தெந்த திட்டங்களில்? என்பதை பற்றி அறிய தொடர்ந்து படிக்கவும்.

டிசம்பர் 2019 இல் நிகழ்ந்த ரீசார்ஜ் கட்டண திருத்தத்திற்குப் பிறகு, தொலைதொடர்பு ஆப்ரேட்டர்கள் ஆன பாரதி ஏர்டெல் மற்றும் வோடபோன் ஐடியா நிறுவனங்களிடம் ரூ.20, ரூ.50 மற்றும் ரூ.100 போன்ற மலிவு விலையிலான டால்க் டைம் திட்டங்கள் உள்ளன.

ஏர்டெல் இப்போது தனது ப்ரீபெய்ட் பயனர்களுக்கு மொத்தம் ஆறு டால்க் டைம் திட்டங்களை வழங்குகிறது, அவை ரூ.10, ரூ.20, ரூ.100, ரூ.500, ரூ.1000 மற்றும் ரூ.5,000 ஆகும். ஏர்டெல் ரூ.5,000 டால்க் டைம் திட்டமானது ரூ.4,237.29 என்கிற மெயின் பேலன்ஸ் உடன் அனுப்பப்படுகிறது.
 
ஆறு திட்டங்கள் இருந்தாலும் "ஆப்பு" ஒன்றுதான்!

இருப்பினும், ஏர்டெல்-ன் டால்க் டைம் திட்டங்களின் முக்கியமான பின்னடைவு என்னவென்றால், அவைகள் சர்வீஸ் வேலிடிட்டி எதையும் வழங்கவில்லை. உதாரணத்திற்கு நீங்கள் ரூ.5000 என்கிற டால்க் டைம் திட்டத்தை ரீசார்ஜ் செய்தாலும் கூட, அதற்கான பேலன்ஸ் தொகையைப் பயன்படுத்த குறைந்தபட்சம் ரூ.45-ஐ நீங்கள் ரீசார்ஜ் செய்ய வேண்டும், இது கட்டயமாகும்.

ஒரு ஏர்டெல் வாடிக்கையாளர் ரூ.10 மதிப்பிலான டால்க் டைம் திட்டத்தை ரீசார்ஜ் செய்தாலும் கூட, அவர் ரூ.45 என்கிற ஸ்மார்ட் ரீசார்ஜை செய்ய வேண்டும். பாரதி ஏர்டெல்-ன் ரூ.45 ஸ்மார்ட் ரீசார்ஜ் திட்டமானது எந்த விதமான டால்க் டைம் நன்மையுடனும் அனுப்பப்படுவதில்லை, அதற்கு பதிலாக, இது 28 நாட்களுக்கு ரேட் கட்டர் மற்றும் சேவை செல்லுபடியாகும் சலுகைகளை வழங்குகிறது.

 இப்படி இருக்க நீங்கள் ஏன் இந்த டால்க் டைம் திட்டங்களை ரீசார்ஜ் செய்ய வேண்டும் என்று கேட்டால், அதற்கும் அதன் வேலிடிட்டி இல்லாமை தான் காரணமாக இருக்கிறது. ஆம்! இது வரம்பற்ற செல்லுபடியாகும் காலத்தை வழங்குவதால் நீங்கள் எந்த நேரத்திலும் இந்த திட்டங்களின் பேலன்ஸை பயன்படுத்தலாம்.

ஒவ்வொரு 28 நாட்களுக்கும், ஏர்டெல் ப்ரீபெய்ட் வாடிக்கையாளர்கள் தங்கள் கணக்கில் இருக்கும் டால்க் டைம் பேலன்ஸை பயன்படுத்த குறைந்தபட்சம் ரூ.45 ரீசார்ஜ் செய்ய வேண்டும். ரூ .45 ஸ்மார்ட் ரீசார்ஜ் தவிர, ஏர்டெல் நிறுவனத்திடம் இருந்து ரூ.49 மற்றும் ரூ.79 ஸ்மார்ட் ரீசார்ஜ்களும் அணுக கிடைக்கிறது.

வோடபோன் ஐடியாவின் நிலைப்பாடு என்ன?

பாரதி ஏர்டெல்-ஐ போலவே, வோடபோன் ஐடியாவும் ரூ.20, ரூ.50 மற்றும் ரூ.100 போன்ற மலிவு விலையிலான டால்க் டைம் திட்டங்களை மீண்டும் கொண்டு வந்தது. இருப்பினும், பெரும்பாலான வட்டங்களில், வோடாபோனின் ரூ.500, ரூ.1,000 மற்றும் ரூ.5,000 போன்ற பிரீமியம் டால்க் டைம் திட்டங்கள் நீக்கப்பட்டுள்ளது.
 
இப்போது, வோடபோன் ஐடியாவில் ரூ.10, ரூ.20, ரூ.30, ரூ.50 மற்றும் ரூ.100 ஆகிய ஐந்து டால்க் டைம் திட்டங்கள் உள்ளன. வோடபோன் ஐடியா டால்க் டைம் திட்டங்கள் எதுவுமே முழு பேச்சு நேர நன்மைகளை வழங்கவில்லை, இதுவே ஒரு மாபெரும் பின்னடைவு ஆகும். இது இல்லாமல், பாரதி ஏர்டெலைப் போலவே, வோடபோன் ஐடியா பயனர்களும் தங்கள் அக்கவுண்டில் இருக்கும் டால்க் டைம் பேலன்ஸை பயன்படுத்த ஒவ்வொரு 14 நாட்களுக்கும் ரூ.24-ஐ ரீசார்ஜ் செய்ய வேண்டும்.

குறைந்தபட்ச ரீசார்ஜ் விலையை ரூ.45 ஆக உயர்த்திய பாரதி ஏர்டெல்-ஐ போலல்லாமல், வோடபோன் ஐடியா நிறுவனமானது இன்னுமும் ரூ.24-க்கே ஆக்டிவ் ரீசார்ஜ் திட்டத்தை வழங்கி வருகிறது, ஆனால் திட்டத்தின் செல்லுபடியாகும் காலம் வெறும் 14 நாட்களாக குறைக்கப்பட்டுள்ளது.