ஒன்பிளஸ் நிறுவனத்தின் அடுத்த ஸ்மார்ட்போன்களான
ஒன்பிளஸ் 8 மற்றும் ஒன்பிளஸ் 8 ப்ரோவில் ஒரு அட்டகாசமான அம்சம் இடம்பெற உள்ளது
"கிட்டத்தட்ட" உறுதியாகிவிட்டது.
ஒன்பிளஸ் நிறுவனம் அதன் வரவிருக்கும் ஒன்பிளஸ் 8-தொடர்
ஸ்மார்ட்போன்களில் வயர்லெஸ் சார்ஜிங்கை இணைக்கலாம் என்கிற வதந்திகள் பரவின.
தற்போது அது உறுதியாகியுள்ளது.
சீன ஸ்மார்ட்போன் தயாரிப்பாளரான ஒன்பிளஸ் நிறுவனம், வயர்லெஸ் பவர் கன்சோர்டியம் (WPC) உடன் இணைந்துள்ளது. வயர்லெஸ் பவர் கன்சோர்டியம் என்பது வயர்லெஸ் சார்ஜிங் தரங்களின் வளர்ச்சி மற்றும் பராமரிப்புக்கு பொறுப்பான ஒரு குழுவாகும்.
ஒன்பிளஸ் அதன் ஸ்மார்ட்போன்களில் வயர்லெஸ் சார்ஜிங்கைச் சேர்க்கத் திட்டமிட்டாலொழிய, WPC உடன் சேருவதில் எந்த அர்த்தமும் இல்லை.
ஆக மொத்தம் அடுத்து வரும் ஒன்பிளஸ் ஸ்மார்ட்போன்களில் வயர்லெஸ் சார்ஜிங் ஆதரவு இருக்கும் என்பது உறுதியாகிவிட்டது. ஆனாலும் கூட, இந்த அம்சம் ஒன்பிளஸ் 8 தொடர் ஸ்மார்ட்போன்களில் கிடைக்குமா, அல்லது ஒன்பிளஸ் 8 டி தொடர் ஸ்மார்ட்போன்கள் வரும் வரை நாம் காத்திருக்க வேண்டுமா என்பதற்கு எங்களிடம் பதில் இல்லை.
WPC இணையதளத்தில் பட்டியலிடப்பட்ட WPC உறுப்பினர்கள் பட்டியலில் ஒன்பிளஸ் நிறுவனமானது தரநிலைக் குழுவின் முழு உறுப்பினராக உள்ளது. ஏற்கனவே இந்த பட்டியலில் ஆப்பிள், சாம்சங், எல்ஜி, ஒப்போ, எச்எம்டி குளோபல், ஹூவாய், ஆசஸ் மற்றும் பிற ஸ்மார்ட்போன் தயாரிப்பாளர்கள் உள்ளன. முதலில் இந்த பட்டியலை முதலில் MobileScout.com என்பது குறிப்பிடத்தக்கது.
ஒன்பிளஸ் நிறுவனம் "பாரம்பரியமாக" அதன் ஸ்மார்ட்போன்களில் வயர்லெஸ் சார்ஜிங் ஆதரவைச் சேர்ப்பதில் இருந்து விலகியே இருந்தது. ஏனெனில் வயர்லெஸ் சார்ஜிங் ஆதரவானது ஒன்பிளஸ் ஸ்மார்ட்போன்களில் விலை நிர்ணயத்தை நிச்சயமாக அதிகரிக்கும்.
இந்த ஒரு காரணத்திற்காகவே வயர்லெஸ் சார்ஜிங் ஆதரவில் அதிகம் பணியாற்றாமல் பாஸ்ட் சார்ஜிங்கில் கவனம் செலுத்தி வந்தது. ஒருவழியாக இந்த 2020 இல் வயர்லெஸ் சார்ஜிங்கிற்குள் காலடி எடுத்து வைத்துள்ளது.
ஒன்ப்ளஸ் 8-சீரிஸைப் பற்றிய லீக்ஸ் தகவல்கள் சுட்டிக்காட்டியுள்ளதிலிருந்து, ஒன்பிளஸ் 8 ப்ரோ ஆனது 120 ஹெர்ட்ஸ் ரெஃப்ரெஷ் ரேட் அளவிலான டிஸ்பிளேவுடன் வர வாய்ப்புள்ளது. கூடுதலாக, 5 ஜி ஆதரவு மற்றும் கேவால்காம் ஸ்னாப்டிராகன் 865 SoC ப்ராசஸர் போன்ற அம்சங்களும் எதிர்பார்க்கப்படுகிறது. இதே க்வால்காம் சிப் ஆனது ஒன்பிளஸ் 8 ஸ்மார்ட்போனிற்கும் செல்ல வாய்ப்புள்ளது.
கருத்துகள் இல்லை:
கருத்துரையிடுக