கணவன் : ச்ச்சீ! காப்பியாடி இது? நாய்கூட இதை குடிக்காது.
மனைவி : ஆமாங்க! அதனாலதான் நம்ம நாய்க்கு ஹார்லிக்ஸ் போட்டு வெச்சுருக்கேன்.
கணவன் : 😩😩
---------------------------------------------------------------------
ராமு : 'அந்த டாக்டர், அஞ்சல் வழியில் சட்டம் படிக்கிறாரு."
சோமு : 'எதுக்கு?"
ராமு : 'ஆப்ரேஷன் பண்ண வர்றவங்களுக்கு அவரே உயில் எழுத போறாராம்."
சோமு : 😳😳
---------------------------------------------------------------------
விமல் : அந்த பட்டாசு கடைக்காரர் இதுக்கு முன்னாடி பூக்கடை வெச்சிருந்திருப்பாரு போல தெரியுது.
கமல் : எப்படி சொல்ற?
விமல் : சரவெடி கொடுங்க-ன்னு கேட்டா, எத்தனை முழம்-னு கேட்குறாரே.
கமல் : 😝😝
---------------------------------------------------------------------
கணவன் : நம்ம பையன் எல்லா பாடத்திலும் முதல் மார்க்-னு சொன்னான், அதுக்கு நீ ஏன்டி முழிக்கிற?
மனைவி : அவன் சொன்னது எல்லா பாடத்திலும் ஒவ்வொரு மார்க் வாங்கியிருக்கிறதை.
கணவன் : 😬😬

---------------------------------------------------------------------
முடிஞ்சா இதை சொல்லுங்க...!!

🌟 கூட்டுக் களவாணிகள் கூட்டமாக கோட்டுப் போட்டு ஏட்டு வீட்டில் திறந்த பூட்டை பூட்டிப் பூட்டிப் பார்த்தார்கள்.

🌟 தக்காளி தக்காளி அக்கா வாங்கின தக்காளி, தக்காளி தக்காளி அழுகிப் போன தக்காளி.

---------------------------------------------------------------------
குறளும்... பொருளும்...!!

அன்போ டியைந்த வழக்கென்ப ஆருயிர்க்கு
என்போ டியைந்த தொடர்பு.

விளக்கம் :

அருமையான உயிருக்கு உடம்போடு பொருந்தி இருக்கின்ற உறவு, அன்போடு பொருந்தி வாழும் வாழ்க்கையின் பயன் என்று கூறுவர்.
---------------------------------------------------------------------
இதுக்கு இதுதான் அர்த்தமா?... கடி ஜோக்ஸ்..!

🌟 காலேஜ் கேட்டுக்கு வெளியே நின்னா சஸ்பெண்டுன்னு அர்த்தம்.
கல்யாணத்துக்கு அப்புறம் வீட்டுக்கு வெளியே நின்னா ஹஸ்பெண்டுன்னு அர்த்தம்.

🌟 மெக்கானிக்கல் இன்ஜீனியர் மெக்கானிக் ஆகலாம்.
ஆனா சாப்ட்வேர் இன்ஜீனியர் சாப்ட்வேர் ஆக முடியுமா...?