மௌமியா, அந்த செல்போனை தரமணியைச் சேர்ந்த விஜய் என்பவரிடம் கொடுத்துள்ளார். அந்த செல்போன் பாஸ்வேர்டு மூலம் லாக் செய்யப்பட்டிருந்ததால், என்னை லாக்கை எடுக்க வரும்படி மௌமியா கூறினார். அதன்படி அங்கு நான் சென்றேன். அந்த வீட்டின் மொட்டை மாடிக்குச் சென்ற என்னை 6 பேர் மடக்கிப்பிடித்தனர் பின்னர், என்னுடைய கையைப் பின்பக்கமாகக் கட்டினர். அப்போது மௌமியா, என் பாக்கெட்டிலிருந்த பணத்தை எடுத்தார்.

நான் உடனே சத்தம்போட்டேன். உடனே அங்கிருந்த கும்பல், என் வாயைத் துணியால் கட்டினர். பின்னர் அந்தக் கும்பல் என்னை அடித்து சித்ரவதை செய்தனர். அப்போது அந்தக் கும்பலிடம், `எனக்கு தாகமாக இருக்கிறது. தண்ணீர் வேண்டும்' என்று கேட்டேன். உடனே அவர்கள் தண்ணீர் கொடுத்தனர். தண்ணீர் குடிக்க என் கைகளை அவிழ்த்துவிட்டனர். அந்தச் சந்தர்ப்பத்தைப் பயன்படுத்தி அங்கிருந்து தப்பி ஓடிவந்தேன். எனவே என்னைத் தாக்கிப் பணத்தைப் பறித்தவர்கள் மீது நடவடிக்கை எடுக்கும்படி கேட்டுக்கொள்கிறேன் என்று குறிப்பிட்டிருந்தார். புகாரின்பேரில் சிறப்பு சப்-இன்ஸ்பெக்டர் ராஜேந்திரன் 4 பிரிவுகளின்கீழ் வழக்குப் பதிவு செய்து விசாரித்து வருகிறார்.