கொரோனா மக்களை வீட்டுக்குள்ளேயே முடக்கியுள்ளது. சினிமா உட்பட அனைத்து தொழில்களும் பாதிக்கப்பட்டுள்ளன. பொருளாதார பாதிப்பு அனைத்து துறைகளிலும் அதிகம் உள்ளது. பல கோடி பட்ஜெட்டில் உருவாகியுள்ள பல படங்களும் ரிலீஸ் ஆக முடியாமல் அப்படியே தேங்கி உள்ளன.

மக்களுக்கு கொரோனா பரவாமல் இருக்க தியேட்டர்களை தான் முதலில் மூடியது அரசு. தற்போது ஒரு மாதத்திற்கும் மேலாக மூடப்பட்ட நிலையில் இருக்கும் தியேட்டர்கள் திறக்கப்பட இன்னும் இரண்டு மாதங்கள் கூட ஆகலாம் என கூறப்பட்டு வரும் நிலையில் தற்போது, மக்கள் அனைவரும் படம் பார்க்க அதிகம் பயன்படுத்தும் OTT தளங்களில் புது படங்களை வெளியிட தயாரிப்பாளர்கள் அதிக ஆர்வம் காட்டி வருகின்றனர்.

ஜோதிகா நடித்துள்ள பொன்மகள் வந்தாள் படம் அமேசான் ப்ரைம் தளத்தில் வெளிவரவுள்ளது. அதற்க்கு கடும் எதிர்ப்பு தெரிவித்து தியேட்டர் உரிமையாளர்கள் போர்க்கொடி தூக்கியுள்ளார். அதுபற்றி தியேட்டர் உரிமையாளர்கள் மற்றும் தயாரிப்பாளர்கள் மோதி வருகின்றனர்.

இந்நிலையில் மேலும் பல படங்கள் OTTயில் ரிலீஸ் செய்ய பேச்சுவார்த்தை நடந்து வருகிறது. இந்நிலையில் சித்தார்த் நடித்துள்ள டக்கர் என்கிற படம் தற்போது அமேசான் ப்ரைம் நிறுவனத்திற்கு விற்கப்பட்டுவிட்டதாக தகவல் வெளியாகியுள்ளது.

படத்தின் பட்ஜெட் தொகையை அப்படியே அமேசான் நிறுவனம் தர முன்வந்ததால் நேரடி OTT ரிலீஸுக்கு தயாரிப்பாளர் ஒப்புக்கொண்டிருப்பதாக தெரிகிறது. இருப்பினும் நேரடி OTT ரிலீசுக்கு சித்தார்த் ஒப்புக்கொள்ளவில்லை என சொல்லப்படுகிறது.

அதனால் டக்கர் நேரடி OTT ரிலீஸா என்பது அதிகாரபூர்வ அறிவிப்பு வந்தால் தான் உறுதியாகும்.

கார்த்திக் க்ரிஷ் இயக்கிய இந்த படத்தில் சித்தார்த், திவ்யன்ஸா கௌஷிக், அபிமன்யு சிங், முனிஷ் காந்த், ஆர்ஜே விக்னேஷ் உள்ளிட்ட பலர் நடித்துள்ளனர்.