-----------------------------------------------------------------------       சிரிக்க... சிரிக்க... சிரிப்பு...!!

-----------------------------------------------------------------------

அரண்மனை பாதுகாவலர் : இதுல உக்காராதீங்க. இது திப்பு சுல்தானோட நாற்காலி.

சீனு : கவலைப்படாதே! அவர் வந்ததும் எந்திரிச்சிடுறேன்.

அரண்மனை பாதுகாவலர் : 😏😏

-----------------------------------------------------------------------(விமான நிலையத்துக்கு பக்கத்துல வியாபாரி ஒருவன் கடை போட்டு பாராசூட்டுக்களை விற்று கொண்டிருந்தான்.)

கடைக்காரர் : சார்... பாராசூட் வாங்கிக்கிட்டு போங்க! விமானம் திடீர்னு விபத்துல சிக்கும்போது கீழே குதிச்சு உயிர் பிழைச்சுக்கலாம் சார்...

பயணி : பாராசூட் என்ன விலை?

கடைக்காரர் : ரெண்டாயிரம் ரூபாய் சார்..

பயணி : சரி.. வாங்கிக்கிறேன். விமானம் விபத்துக்குள்ளாகி நான் பாராசூட்டிலிருந்து குதிக்கும்போது அது விரியலன்னா?

கடைக்காரர் : பணம் வாபஸ் சார்.

பயணி : 😳😳

-----------------------------------------------------------------------

ராஜா : கண்டக்டருக்கும், டிரைவருக்கும் என்ன வித்தியாசம்?

பாபு : தனித்தனியா டிக்கெட் கொடுத்தா கண்டக்டர்... மொத்தமா கொடுத்தா டிரைவர்!

ராஜா : 😂😂

-----------------------------------------------------------------------

             பொன்மொழிகள்...!!

-----------------------------------------------------------------------

⭐ நீ செல்லும் பாதை சரியாக இருந்தால் வேகமாக அல்ல... மெதுவாக ஓடினாலும் வெற்றிதான்.

⭐ எந்த சூழ்நிலையாக இருந்தாலும் அதை ஏற்றுக் கொள்வதுதான். அதை வெற்றி கொள்வதற்கான ஒரே வழி.

⭐ வெற்றி பெற வேண்டும் என்ற பதற்றம் இல்லாமல் செயல்பட்டால் வெற்றியை இலகுவாக அடைந்துவிடலாம்.

-----------------------------------------------------------------------

               இன்றைய கடி...!!

-----------------------------------------------------------------------

பல் வலிக்கு முக்கியமான காரணம் என்ன தெரியுமா?

.

.

.

பல்லுதான்...

கடல்ல அரிப்பு ஏற்பட்டால் என்ன செய்யலாம்?

.

.

.

சொரிஞ்சு விடலாம்.

புல்லு (புட்கள்) சாப்பிட்டா கண்ணு நல்லா தெரியும்... எப்படின்னு தெரியுமா?

.

.

.

எந்த மாடாவது கண்ணாடி போட்டு பாத்துருக்கியா?

-----------------------------------------------------------------------

-----------------------------------------------------------------------

வருவிருந்து வைகலும் ஓம்புவான் வாழ்க்கை

பருவந்து பாழ்படுதல் இன்று.

விருந்தினரை நாள்தோறும் வரவேற்று மகிழ்பவரின் வாழ்க்கை, அதன் காரணமாக துன்பமுற்று கெட்டொழிவதில்லை.