ரியல்மி நிறுவனம் தனது புதிய பட்ஜெட் ஸ்மார்ட்போன் ஆன ரியல்ம் சி11 மாடலை அறிமுகம் செய்துள்ளது. என்ன விலை, என்னென்ன அம்சங்கள், இதோ முழு விவரங்கள்.
இருப்பினும் இது டூயல் ரியர் கேமரா அமைப்பு, 5,000 எம்ஏஎச் பேட்டரி போன்ற அட்டகாசமான அம்சங்களை கொண்டுள்ளது. பவர் பேங்க் போல இணக்கமான சாதனங்களை சார்ஜ் செய்ய அனுமதிக்க உதவும் ரிவர்ஸ் சார்ஜிங் ஆதரவும் இதில் உள்ளது. மேலும் ரியல்மி சி11 கேமராவில் புகைப்படங்களை மேம்படுத்த செயற்கை நுண்ணறிவு (AI) ஆதரவு போன்ற அம்சங்கள் உள்ளது.
ரியல்மி C11 ஸ்மார்ட்போனின் விலை மற்றும் விற்பனை:
ரியல்மி சி 11 ஸ்மார்ட்போனின் சிங்கிள் 2 ஜிபி ரேம் + 32 ஜிபி மாடலானது இந்திய மதிப்பின்படி தோராயமாக ரூ.7,600 என்று நிர்ணயம் செய்யப்பட்டுள்ளது. இந்த ஸ்மார்ட்போன் மின்ட் க்ரீன் மற்றும் பெப்பர் ஆஷ் வண்ண விருப்பங்களில் வருகிறது. மேலும், இது ஆரம்பத்தில் மலேசியாவில் மட்டுமே வாங்க கிடைக்கும். ரியல்மி சி 11 ஸ்மார்ட்போனின் உலகளாவிய வெளியீடு குறித்த விவரங்கள் இன்னும் அறிவிக்கப்படவில்லை.
ரியல்மி C11 ஸ்மார்ட்போனின் அம்சங்கள்:
டூயல் சிம் (நானோ) ஆதரவு கொண்ட ரியல்மி சி11 ஸ்மார்ட்போன் ஆனது ஆண்ட்ராய்டு 10 ஓஎஸ் அடிப்படையிலான ரியல்மி யுஐ கொண்டு இயங்குகிறது. இது 6.5 இன்ச் அளவிலான எச்டி+ (720x1600 பிக்சல்கள்) டிஸ்ப்ளேவை கொண்டுள்ளது. இது 20: 9 என்கிற அளவிலான திரை விகிதம் மற்றும் 88.7 சதவீதம் என்கிற ஸ்கிரீன்-டு-பாடி விகிதத்துடன் வருகிறது.
இந்த ஸ்மார்ட்போன் ஆக்டா கோர் மீடியாடெக் ஹீலியோ ஜி 35 SoC மூலம் இயக்கப்படுகிறது, இது 2 ஜிபி ரேம் உடன் இணைக்கப்பட்டுள்ளது. கேமரத்துறையை பொறுத்தவரை, எஃப் / 2.2 லென்ஸுடன் 13 மெகாபிக்சல் முதன்மை சென்சார் மற்றும் எஃப் / 2.4 போர்ட்ரெய்ட் லென்ஸுடன் 2 மெகாபிக்சல் செகண்டரி சென்சார் ஆகியவற்றை உள்ளடக்கிய இரட்டை பின்புற கேமரா அமைப்பு உள்ளது.
முன்பக்கத்தை பொறுத்தவரை, எஃப் / 2.4 லென்ஸுடன் 5 மெகாபிக்சல் கேமரா சென்சார் உள்ளது. இதில் AI பியூட்டி, பில்டர் மோட், எச்டிஆர், போர்ட்ரெய்ட் மோட் மற்றும் டைம்லேப்ஸ் போன்ற கேமரா அம்சங்களும் அணுக கிடைக்கிறது.
சேமிப்பிடத்தைப் பொறுத்தவரை, ரியல்மி சி11 ஆனது 32 ஜிபி உள் சேமிப்பிடத்தைக் கொண்டுள்ளது, இது மைக்ரோ எஸ்டி கார்டு வழியாக பிரத்யேக ஸ்லாட் மூலம் விரிவாக்கக்கூடிய ஆதரவினையும் கொண்டுள்ளது.
இணைப்பு விருப்பங்களை பொறுத்தவரை, 4 ஜி எல்டிஇ, வைஃபை 802.11 பி / ஜி / என், ப்ளூடூத் வி 5.0, ஜிபிஎஸ் / ஏ-ஜிபிஎஸ், மைக்ரோ-யூ.எஸ்.பி மற்றும் 3.5 மிமீ ஹெட்ஜாக் ஆகியவைகளை கொண்டுள்ளது. மேலும் இதில் ஆக்சலேரோமீட்டர், அம்பியண்ட் லைட் மற்றும் ப்ராக்சிமிட்டி போன்ற சென்சார்களையும் கொண்டுள்ளது.
ரியல்மி சி11 ஆனது 5,000 எம்ஏஎச் பேட்டரியை கொண்டுள்ளது. இது 12.1 மணிநேர கேமிங் அல்லது 31.9 மணிநேர பேச்சு நேரத்தை ஒரே சார்ஜில் வழங்கும் என்று மதிப்பிடப்படுகிறது. அளவீட்டில் இது 164.4x75.9x9.1 மிமீ மற்றும் 196 கிராம் எடை கொண்டது.
கருத்துகள் இல்லை:
கருத்துரையிடுக