---------------------------------------------------------
கொஞ்சம் சிரிங்க பாஸ்!!
---------------------------------------------------------
ராமு : யானைக்கு உடம்பு சரியில்லைன்னு ஆஸ்பத்திரிக்குப் போச்சு. எறும்பு நானும் வரேன்னு சொல்லி கூடவே போச்சு. ஏன்?
சோமு : தெரியலையே?
ராமு : யானைக்கு ரத்தம் தேவைப்பட்டால் கொடுக்கத்தான்.
சோமு : 😂😂
---------------------------------------------------------
பாபு : உன் மனைவி யாருக்கு ஓட்டுப் போடுவாங்க?
கோபு : நான் யாருக்கு ஓட்டுப் போடுவனோ, அவருக்குத்தான்.
பாபு : யார் அவர்?
கோபு : அதை இன்னும் என் மனைவி முடிவு செய்யலையே!
பாபு : 😏😏
---------------------------------------------------------
பாபு : என் தாத்தா ஐம்பத்தைந்து வயதில் மரணமடைந்தார். எனக்கு அறுபத்தைந்து வயது. இன்னும் உயிருடன் இருக்கிறேன்.
கோபு : இரண்டுமே வருத்தப்பட வேண்டிய விஷயந்தான்.
பாபு : 😬😬
---------------------------------------------------------
குறளும், பொருளும்...!!
---------------------------------------------------------
பழியஞ்சிப் பாத்தூண் உடைத்தாயின் வாழ்க்கை
வழியெஞ்சல் எஞ்ஞான்றும் இல்.
பொருள் :
பொருள் சேர்க்கும்போது பழிக்கு அஞ்சிச் சேர்த்து, செலவு செய்யும் போது பகுந்து உண்பதை மேற்கொண்டால், அவ்வாழ்கையின் ஒழுங்கு எப்போதும் குறைவதில்லை.
---------------------------------------------------------
விடுகதைகள்...!!
---------------------------------------------------------
1. நாளெல்லாம் நடந்தாலும் நாற்பதடி செல்லாது, அந்த நாயகனுக்கோ உடல் மேல் கவசம். அது என்ன?
2. நீளவால் குதிரையின் வால் ஓடஓடக் குறையும். அது என்ன?
3. வீட்டுக்கு வந்த தொந்தியப்பன் தினமும் கரைகிறான். அவன் யார்?
4. முறையின்றித் தொட்டால், ஒட்டிக் கொண்டு உயிரை எடுப்பான். அவன் யார்?
5. வீட்டுக்கு வந்த விருந்தாளியை வரவேற்க ஆளில்லை. அது என்ன?
விடைகள் :
1. நத்தை
2. தையல் ஊசியும், நூலும்
3. நாட்காட்டி
4. மின்சாரம்
5. செருப்பு
பொழுதுபோக்கு
கருத்துகள் இல்லை:
கருத்துரையிடுக