கை, கால்களில் தேவையற்ற முடிகளை நீக்கிய பிறகு எல்லோருக்குமே சருமத்தில் எரிச்சல் உண்டாக கூடும்.

தேவையற்ற முடிகளை ரேஸர் கொண்டு அல்லது வாக்ஸிங் முறை என எப்படி செய்தாலும் அது சருமத்தில் எரிச்சலை உண்டாக்கிவிடக்கூடும். வேக்ஸிங் செய்யும் போது பயன்படுத்தும் மெழுகு சமயங்களில் தவறாக கையாண்டாலும் முடிகளை வேகமாக இழுக்கும் போதும் அது சருமத்தில் எரிச்சலுக்கும் தடிப்புக்கும் வழிவகுக்கும். சிலர் வீட்டில் வேக்ஸிங் செய்யும் போது எப்படியாவது முடி வெளியேறினால் போதும் என்று கடுமையான பராமரிப்பை மேற்கொள்வதும் உண்டு.

அப்போது சருமத்துக்கு ஒவ்வாத பொருள்களை பயன்படுத்தும் போதும் இந்த சரும பிரச்சனைகளை எதிர்பார்க்க முடியும். இவை தீவிரமாகும் போது அது சருமத்தில் பருக்களையும் தடிப்புகளையும் உண்டாக்க கூடும்.. அப்படி ஆகாமல் இருக்க என்ன விதமான பராமரிப்புகளை செய்யலாம் என்று பார்க்கலாம்.

சருமத்தை நீரில் வைத்திருங்கள்

வேக்ஸிங் செய்த பிறகு நீங்கள் முதலில் செய்ய வேண்டியது அந்த இடத்தை நீரில் நனைத்தபடி வையுங்கள். குளிர்ந்த நீராகவோ அல்லது மந்தமான நீராகவோ இருக்கலாம். அகலமான பாத்திரம் அல்லது பாத்டப்பில் நீரை நிரப்பி, அதில் சிறிது நேரம் படுத்திருங்கள். அல்லது வேக்ஸிங் செய்த இடத்தில் ஈரத்துணியை வைத்து எடுக்கலாம். சற்று வெதுவெதுப்பான நீரில் துணீயை நனைத்தும் சருமத்தின் மீது ஒத்தடம் போ கொடுக்கலாம்.

இது அந்த இடத்தில் பருக்கள், தடிப்பு வராமல பாதுகாக்கும். அதே போன்று பருக்கள் இருக்கும் பகுதியில் அதை தொடுவதோ இலேசாக தேய்ப்பதோ கூட சரியானது அல்ல ஏற்கனவே வேக்ஸிங் செய்த பரு அங்கு இருந்தாலும் அந்த இடத்தில் அழுத்தமாக தேய்ப்பதால் பருக்கள் சருமத்தை அதிகமாக சேதம் செய்துவிடும்.

​ஆப்பிள் சீடர் வினிகர்

ஆப்பிள் சீடர் வினிகர் சரும எரிச்சலோடு கூடிய பருக்களுக்கும் புடைப்புக்கும் சிகிச்சை அளிக்க உதவும். இது அமிலத்தன்மை கொண்டிருந்தாலும் அழற்சி எதிர்ப்பு, பூஞ்சை, காளான், நுண்ணுயிர் எதிர்ப்பு, கிருமி நாசிகள் மற்றும் வைரஸ் பண்புகளை கொண்டிருக்கிறது.சரும ஒவ்வாமைக்கு நல்ல மருந்தாக இது இருக்கும்.

ஆப்பிள் சீடர் வினிகருடன் சம அளவு தண்ணீர் கலந்து பயன்படுத்த வேண்டும். காட்டன் பஞ்சில் நனைத்து முடிகளை நீக்கிய இடத்தில் தடவி 10 நிமிடங்களுக்கு பிறகு சுத்தமான நீரில் கழுவினால் போதும். தேவையற்ற முடிகளை நீக்கிய பிறகு சரும மென்மையாகும் வரை இதை பயன்படுத்தலாம்.

​வெள்ளரிக்காய்

வெள்ளரிக்காய் சருமத்துக்கு குளிர்ச்சித்தரக்கூடியது. சரும எரிச்சலுக்கு எப்போதுமே இயற்கை பொருளை விரும்பினால் நீங்கள் வெள்ளரிக்காயை தேர்வு செய்வது சரியாக இருக்கும். வேக்ஸிங் பிந்தைய சரும எரிச்சல், வீக்கம், பருக்கள் போன்றவற்றை குணப்படுத்த வெள்ளரிக்காய் பயன்படுத்தலாம்.

வெள்ளரிக்காயை நறுக்கி மிக்ஸியில் அடைத்து மெல்லிய துணியில் வடிகட்டி சாற்றை பிரித்தெடுக்கவும்.இதில் இருக்கும் வைட்டமின்களும் தாதுக்களும் வேக்ஸிங் செய்த பிறகு உண்டாகும் சரும எரிச்சலை போக்க கூடவை. இதை அந்த இடத்தில் நன்றாக படும்படி வைத்து எடுக்கவும். எப்போதெல்லாம் சருமத்தில் எரிச்சல் இருக்கும் போதெல்லம் பஞ்சை வைத்து நனைத்து ஒற்றி எடுக்கவும். வேகமாக பலன் கிடைக்கும்.

பால்

பால் சருமத்துக்கு இயற்கையான மாசுரைசர் என்றே சொல்லலாம். இது சருமத்தில்பருக்கள் மற்றும் புடைப்புகளை குணப்படுத்தும் பண்புகாஇ கொண்டவை. வரும் முன் காப்போம் என்பதற்கேற்ப வேக்ஸிங் செய்த உடன் சருமத்துக்கு இதை பயன்படுத்தினால் பருக்களை தடுத்துவிடலாம். பாலை குளிர வைத்து காட்டன் பஞ்சால் நனைத்து பாதிக்கப்பட்ட சருமத்தின் பகுதியில் தடவி விடவும்.

ஐந்து நிமிடங்கள் கழித்து குளிர்ந்த நீரில் சருமத்தை கழுவி எடுக்கவும். பால்பயன்படுத்துவதற்கு முன்பு சருமத்தை சுத்தமாக நீரில் துடைத்துவிட வேண்டும். அப்போதுதான் அது சருமத்தின் ஆழம் வரை சென்று சருமத்துளைகளை சுத்தம் செய்து மூட செய்யும். இதனால் புண், சரும சிவப்பு தீவிரமாகாமல் தடுக்கப்படும்.

​ஐஸ் கட்டி

நீங்கள் ஏற்கனவே வேக்ஸிங் செய்த பிறகு அந்த இடத்தில் அதிக எரிச்சல், உபாதை கொண்டிருந்தால் நீங்கள் ஐஸ் க்யூப் பயன்படுத்தலாம். ஆனால் வேக்ஸிங் செய்த ஒரு மணி நேரத்தில் இதை பயன்படுத்திவிட வேண்டும்.

ஐஸ்க்யூப் பயன்படுத்துவதற்கு முன்பு வேக்ஸிங் செய்த இடத்தை சுத்தமான நீரில் கழுவி எடுத்து பிறகு அந்த இடத்தில் ஐஸ்க்யூப் வைக்க வேண்டும். அதை நேரடியாக வைக்காமல் மெல்லிய துனியில் சுற்றி ஒத்தடம் போன்று வைத்து எடுக்கவும்..இது சருமம் வீங்குவதை குறைக்க செய்யும். ஒரு மணி நேர இடைவெளியில் மூன்று முறை ஐஸ் க்யூப் பயன்படுத்தி பிறகு இயற்கை மாய்சுரைசர் க்ரீம் பயன்படுத்தவும்.

​வாழைப்பழம்

முகத்துக்கு ஃபேக் போன்று வாழைப்பழத்தை பயன்படுத்துவதா என்று கேட்கலாம். ஆனால் உங்கள் சருமம் மென்மையானதாக இருந்தாலும், வறட்சியாக இருந்தாலும் அதிக பாதிப்பை அடையும். இது வேக்ஸிங் செய்த இடத்தின் சரும நிறத்தையே மாற்றும் அளவுக்கு இருக்கும். நீங்கள் மற்ற தேர்வுகளை காட்டிலும் வாழைப்பழ பேக் பயன்படுத்துவதன் மூலம் சரும பாதிப்பு நேராமல் பாதுகாக்கலாம்.

வேக்ஸிங் பிறகு நன்றாக பழத்த வாழைப்பழத்தை எடுத்து மிக்ஸீயில் மசித்து கொள்ளவும். இதை பருக்கள், சிவப்பு தடிப்புகள் இருக்கும் இடத்தில் தடவி மசாஜ் செய்யவும். 15 நிமிடங்கள் கழித்து குளிர்ந்த நீரில் கழுவி எடுக்கவும்.

மேற்கண்ட பராமரிப்புகளை வேக்ஸிங் செய்த பிறகு மேற்கொண்டால் சருமம் பாதிப்பில்லாமல் பார்த்துகொள்ளலாம். முகம், கை, கால், அக்குள் பகுதிகள் என எல்லா இடங்களுக்கும் இந்த பராமரிப்பு மேற்கொள்ளலாம். ஆண்கள், பெண்கள் இருவருமே இதை செய்துகொள்ளலாம்.