சனி, 26 டிசம்பர், 2020

நீண்ட நாட்களாக எதிர்பார்த்த Realme X7 Pro அறிமுகத்திற்கு ரெடி.. இந்த போன்ல இது எல்லாமே இருக்கு..

ஊர்க்கோடாங்கி சனி, டிசம்பர் 26, 2020

ரியல்மி எக்ஸ் 7 சீரிஸ் ஸ்மார்ட்போன் பட்டியலின் கீழ் ரியல்மி எக்ஸ் 7 மற்றும் ரியல்மி எக்ஸ் 7 ப்ரோ ஆகிய இரண்டு ஸ்மார்ட்போன்கள் இந்த ஆண்டு செப்டம்பரில் சீனாவில் அறிமுகப்படுத்தப்பட்டது. இதனை தொடர்ந்து இந்த ஸ்மார்ட்போன் இந்தியாவில் எப்பொழுது அறிமுகம் செய்யப்படும் என்று காத்திருந்தவர்களுக்கு இந்த செய்தி மகிழ்ச்சி அளிக்கும். இப்போது ரியல்மி நிறுவனம் இந்தியாவில் இந்த ஸ்மார்ட்போனை அறிமுகம் செய்ய ரெடி ஆகிவருகிறது.

ரியல்மி எக்ஸ் 7 ப்ரோ

ரியல்மி எக்ஸ் 7 ப்ரோ ஸ்மார்ட்போனின் ஆதரவு பக்கத்தை ரியல்மி நிறுவனம் இந்தியாவின் இணையதளத்தில் உருவாக்கியுள்ளது. இதன்படி, நீண்ட நாட்களாக எதிர்பார்த்துக் காத்திருந்த ரியல்மி எக்ஸ் 7 ப்ரோ ஸ்மார்ட்போனின் அறிமுகம் விரைவில் இந்தியாவில் நடைபெறும் என்பதை இது குறிக்கிறது. ரியல்மி இந்தியாவின் ஆதரவு பக்கத்தில் ரியல்மி எக்ஸ் 7 ப்ரோ பட்டியலிடப்பட்டுள்ளதாக டிப்ஸ்டர் முகுல் சர்மா தெரிவித்துள்ளார்.

அறிமுகம் எப்போது?

ரியல்மி எக்ஸ் 7 ப்ரோ ஸ்மார்ட்போன் 2020 ஆம் ஆண்டின் இறுதிக்குள் அல்லது 2021 இன் தொடக்கத்தில் இந்தியாவில் அறிமுகப்படுத்தப்படலாம் என்று இப்போது எதிர்பார்க்கப்படுகிறது. முந்தைய கசிவுகளின் படி , ரியல்மி எக்ஸ் 7 சீரிஸ் இந்த ஆண்டு டிசம்பரில் இந்தியாவில் அறிமுகப்படுத்தப்படும் என்று தெரிவித்திருந்தது. காரணம், மாடல் எண் RMX2121 உடன் கூடிய ரியல்மி எக்ஸ் 7 ப்ரோ 5 ஜி இந்திய தர நிர்ணய பணியகம் (பிஐஎஸ்) சான்றிதழில் காணப்பட்டது என்பது குறிப்பிடத்தக்கது.