இந்த மேட்டர் தெரிஞ்சா 2017இல் அறிமுகமாகி விற்காத ஐபோன்களுக்கும் சேர்த்து 2021 இல் பில் போடப்படுகிறதா என்று யோசிக்க தோன்றும்.
ஐபோன் 12 மாடலிற்கான தயாரிப்பு பொருட்செலவானது முன்னதாக அறிமுகமான ஐபோன் 11 மாடலை ட 21 சதவீதம் அதிகமாகி உள்ளதாக கவுண்டர் பாயிண்ட் ஆராய்ச்சி நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளது.
இந்த அறிக்கை "வெண்ணிலா" ஐபோன் 12 மாடலின் 128 ஜிபி ஸ்டோரேஜ் வேரியண்ட்டிற்கான BoM (அதாவது பில் ஆப் மெட்டீரியல்ஸ்), சப்-6 ஜிஹெர்ட்ஸ் மற்றும் எம்எம்வேவ் (mmWave) வகைகளை விவரிக்கிறது.
குறிப்பாக, சப்-6GHz அடிப்படையிலான ஐபோன் 12 128 ஜிபி ஸ்டோரேஜ் மாடலை தயாரிக்க 414 அமெரிக்க டால்ரகள் (இந்திய மதிப்பின்படி சுமார் ரூ.30,300) செலவாகும் என்பதை இந்த அறிக்கை சுட்டிக்காட்டுகிறது.
இந்த ஸ்டோரேஜ் மாடல் தற்போது அமெரிக்காவைத் தவிர மற்ற அனைத்து சந்தைகளிலும் விற்கப்படுகிறது, இந்தியாவில் இதன் விலை ரூ.84,900 ஆகும்.
அதாவது வெறும் ரூ.30,300 என்கிற தயாரிப்பு செலவை உள்ளடக்கிய ஒரு ஐபோன் மாடல் இந்தியாவில் உள்ள ஒருவரின் கைகளுக்கு வந்து சேரும் போது ரூ.54,600 என்கிற கூடுதல் விலையை பெறுகிறது.
அதே ஸ்டோரேஜ் உடன் கூடிய எம்.எம்.வேவ் ஐபோன் 12 மாடல் தயாரிக்க 431 அமெரிக்க டாலர்கள் (இந்திய மதிப்பின்படி தோராயமாக ரூ.31,500) செலவாகிறதாம். இது ஐபோன் 11 மாடலின் தயாரிப்பு செலவை விட 26 சதவீதம் அதிகமாகும்.
ஐபோன் 12 மாடல் மீதான செலவினங்களின் அதிகரிப்பிற்கு பிரதான காரணமான 5ஜி ஆதரவு மற்றும் எல்சிடியிலிருந்து ஓஎல்இடி டிஸ்பிளேவிற்கான முன்னேற்றம் ஆகிவைகள் தான் என்பது வெளிப்படை!
மேலும், ஆப்பிளின் கூறுகளான A14 பயோனிக், பி.எம்.ஐ.சி, ஆடியோ மற்றும் யு.டபிள்யூ.பி சிப் ஆகியவை ஒட்டுமொத்த பில் ஆப் மெட்டீரியல்ஸ் செலவில் 16.7 சதவீதத்திற்கும் அதிகமான இடத்தை எடுத்துக்கொள்கிறது.
எல்சிடியிலிருந்து ஓஎல்இடி பேனலுக்கு மாற்றப்பட்டதன் விளைவாக 23 அமெரிக்க டாலருக்கும் அதிகமாக (சுமார் 1,600 ரூபாய்) செலவு அதிகரித்தது. இது தவிர, சாம்சங் டிஸ்ப்ளே மற்றும் எல்ஜி டிஸ்ப்ளே ஆகியவைகள் ஐபோனுக்கு அதிக பேனல்களை வழங்குவதாக கூறப்படுகிறது.
5 ஜி தொடர்பான கூறுகள் 5 ஜி மோடம், டிரான்ஸ்ஸீவர் மற்றும் ஆர்எஃப்-ஃப்ரண்ட்-எண்ட் சிஸ்டம் ஆகியவை கூட்டாக சேர்த்து 34 அமெரிக்க டாலர்கள் (தோராயமாக ரூ .2,400) விலை அதிகரிப்புக்கு பங்களிக்கின்றன.
மேலும் ஆப்பிள் நிறுவனம் டிஎஸ்எம்சியின் 5 என்எம் ப்ராசஸ்-பவர்டு அப்ளிகேஷன் ப்ராசஸரையும் பயன்படுத்தியுள்ளது, இது 17 அமெரிக்க டாலர்கள் (சுமார் ரூ. 1,200) செலவாகும் என்று கூறப்படுகிறது.
அதிகரித்த செலவுகளை ஈடுசெய்ய குப்பர்டினோவை தலமாக கொண்ட ஆப்பிள் நிறுவனம் ரேம், ஸ்டோரேஜ், கேமரா சப் சிஸ்டம், ஃபேஸ் ஐடி போன்ற கூறுகளுக்கான செலவினங்களை குறைத்துள்ளதாகவும் கவுண்டர் பாயிண்ட் ஆராய்ச்சி அறிக்கை கூறுகிறது.
வெளியான அறிக்கையின்படி, ஆப்பிள் நிறுவனம் செலவுகளை மிச்சப்படுத்தவும், மெமரி ஆர்டர்களைப் பிரிக்கவும், நிறுவனத்தின் விநியோக ஆதாரங்களை பன்முகப்படுத்தியதாகவும் கூறப்படுகிறது.
சாம்சங் மற்றும் கியோக்ஸியா (தோஷிபா) ஆகியவை NAND ஃபிளாஷை வழங்குவதாகவும், எஸ்.கே.ஹினிக்ஸ் மற்றும் மைக்ரான் ஆப்பிள் நிறுவனத்திற்கு எல்பிடிடிஆர் 4 எக்ஸ்-ஐ சப்ளை செய்கின்றன என்றும் கூறப்படுகிறது. கேமராக்களைப் பொறுத்தவரை, ஆப்பிள் நிறுவனம் சோனி, எல்ஜி இன்னோடெக் மற்றும் ஷார்ப் நிறுவனங்களுக்கு ஆர்டர்களை வழங்கியிருந்தது.
குறிப்பு: படங்கள் அனைத்தும் மாதிரிக்காக / உதாரணத்திற்காக கூகிளில் இருந்து எடுத்து வழங்கப்படுபவையே
இது போன்ற பல்வேறு செய்திகள், கதைகள் ,பொழுதுபோக்கு துணுக்குகள்,மின்னணு புத்தகங்கள் போன்றவற்றை பெற எங்கள் டெலிகிராம் சேனல்-லில் இணைந்து கொள்ளவும்
கருத்துகள் இல்லை:
கருத்துரையிடுக