பாரதி ஏர்டெல் தனது ரூ.199 ப்ரீபெய்ட் ரீசார்ஜ் திட்டத்தில் அதிரடி திருத்தம் ஒன்றை நிகழ்த்தி உள்ளது. என்ன திருத்தம்... இது அனைவருக்கும் அணுக கிடைக்குமா... இதோ முழு விவரங்கள்...
பாரதி ஏர்டெல் தனது ரூ.199 ப்ரீபெய்ட் ரீசார்ஜ் மூலம் 1.5 ஜிபி அளவிலான தினசரி டேட்டாவை வழங்கத் தொடங்கியுள்ளது. ஜனவரி 1, 2021 முதல் இண்டர்கனெக்ட் பயன்பாட்டுக் கட்டணங்களை நீக்குவதாக அறிவித்தபோது, ரிலையன்ஸ் ஜியோ நிறுவனம் தாங்கள் டெலிகாம் துறையின் சிறந்த ப்ரீபெய்ட் திட்டங்களைக் கொண்டுள்ளதாக கூறி, அவற்றை ஏர்டெல் மற்றும் வோடபோன் ஐடியாவுடன் ஒப்பிட்டது.
இந்நிலைப்பாட்டி, முன்னதாக டெய்லி 1 ஜிபி டேட்டாவை வழங்கிய ஏர்டெல்லின் ரூ.199 ப்ரீபெய்ட் ரீசார்ஜ் இப்போது ஒரு நாளைக்கு 1.5 ஜிபி அளவிலான டேட்டாவை 24 நாட்களுக்கு வழங்குகிறது. தேர்ந்தெடுக்கப்பட்ட பயனர்களுக்கு மட்டுமே இந்த நன்மை பொருந்தும் என்பதையும் நினைவில் கொள்க.
ஏர்டெல்லின் வலைத்தளம் மற்றும் ஏர்டெல் தேங்க்ஸ் ஆகியவற்றில் இந்த சலுகை கிடைப்பதாக டெலிகாம் டால்க் வலைத்தளம் அறிக்கை வெளியிட்டுள்ளது.மேலும் இது தற்போது வரை ஆந்திரா மற்றும் தெலுங்கானா, கர்நாடகா வட்டத்தில் மட்டுமே அணுக கிடைப்பதாகவும் அறிவிக்க்கப்பட்டுள்ளது.
அதாவது தேர்ந்தெடுக்கப்பட்ட பயனர்களுக்கு மட்டுமே பாரதி ஏர்டெல் ரூ.199 ப்ரீபெய்ட் ரீசார்ஜ் திருத்தப்பட்டுள்ளது. தெரியாதவர்களுக்கு, ஏர்டெல்-இன் ரூ.199 ப்ரீபெய்ட் திட்டம் தற்போது நாடு முழுவதும் 24 நாட்களுக்கு ஒரு நாளைக்கு 1 ஜிபி அளவிலான டேட்டாவை வழங்குகிறது.
இது இப்போது ஜியோவின் ரூ.199 ப்ரீபெய்ட் ரீசார்ஜ் (28 நாட்களுக்கு ஒரு நாளைக்கு 1.5 ஜிபி டேட்டா) நேரடியாக போட்ட்டியிடுகிறது.
குறிப்பிடத்தக்க வகையில், பாரதி ஏர்டெல் ரூ.249 என்கிற ப்ரீபெய்ட் திட்டத்தையும் கொண்டுள்ளது, இது பொதுவாக ஒரு நாளைக்கு 1.5 ஜிபி டேட்டாவை மொத்தம் 28 நாட்களுக்கு செல்லுபடியாகும் வண்ணம் வழங்குகிறது, அதனால்தான் ரூ.199 திட்டம் தேர்ந்தெடுக்கப்பட்ட பயனர்களுக்கு மட்டுமே திருத்தப்பட்டுள்ளது.
பாரதி ஏர்டெல் அதன் ரூ.199 ப்ரீபெய்ட் திட்டத்தை ஒரு நாளைக்கு 1.5 ஜிபி டேட்டாவை வழங்கும்படி திருத்தி உள்ளதால், இதன் மொத்த டேட்டா அளவு மட்டுமே 42 ஜிபி ஆக மாறி உள்ளது. மற்றபடி வழக்கமான - இந்தியாவிற்குள் எந்த நெட்வொர்க்குக்கும் வரம்பற்ற குரல் அழைப்பு மற்றும் ஒரு நாளைக்கு 100 எஸ்எம்எஸ்கள், கூடுதல் நன்மைகளான இலவச ஹலோ ட்யூன்கள், வரம்பற்ற பதிவிறக்கங்களுடன் கூடிய விங்க் மியூசிக் சந்தா மற்றும் 350 க்கும் மேற்பட்ட லைவ் டிவி சேனல்களைக் கொண்ட ஏர்டெல் எக்ஸ்ஸ்ட்ரீம் ஆப் சந்தா -.நன்மைகளில் எந்த மாற்றமும் இருக்காது.
இந்த திட்டத்தை ரூ.249 உடன் ஒப்பிடும் போது, அது ஒரு வருடத்திற்கு ஷா அகாடமி ஆன்லைன் கோர்ஸ், ரூ.100 ஃபாஸ்டேக் கேஷ்பேக் போன்ற கூடுதல் நன்மைகளை வழங்குகிறது.
ஏர்டெல் ரூ.199 மற்றும் ரூ.249 திட்டங்களுக்கு இடையில், ஏர்டெல் நிறுவனம் ரூ.219 மதிப்புள்ள பேக் ஒன்றையும் வைத்திருக்கிறது, இது ஒரு நாளைக்கு 1 ஜிபி டேட்டாவுடன் 28 நாட்கள் என்கிற செல்லுபடியையும் வழங்குகிறது.
ஏர்டெல் நிறுவனத்தின் இந்த புதிய நடவடிக்கைக்கு ஜியோ நிறுவனம் எவ்வாறு பிரதிபலிக்கிறது என்பதைப் பார்ப்பது சுவாரஸ்யமாக இருக்கும். உங்கள் ப்ரீபெய்ட் அக்கவுண்டிற்கு, உங்கள் வட்டத்தில் திருத்தப்பட்ட ஏர்டெல் ரூ.199 திட்டம் கிடைக்கிறதா? என்பதை கமெண்டில் தெரியப்படுத்துங்கள்.
தொலைத்தொடர்பு நிறுவனங்கள்
கருத்துகள் இல்லை:
கருத்துரையிடுக