செவ்வாய், 19 ஏப்ரல், 2022

WhatsApp, Messenger, Telegram டிரிக்ஸ்: எரிச்சலூட்டும் மெசேஜ்களை எப்படி மியூட் செய்வது? இனி பிளாக் வேண்டாம்..


மெசேஜிங் பயன்பாடுகளால் நாம் இப்போது 24 ,மணி நேரமும் நமக்குப் பிடித்தவர்களுடன் இணைப்பில் இருக்கிறோம். அதாவது, WhatsApp, Messenger மற்றும் Telegram போன்ற மெசேஜிங் பயன்பாடுகள் மூலம் ஒருவருக்கொருவர் மைல்களுக்கு அப்பால் அமர்ந்திருந்தாலும் கிட்டத்தட்ட நம்மை நெருக்கமாக்கியுள்ளன. எந்த பண்டிகையாக இருந்தாலும் சரி, அன்றாட உரையாடலாக இருந்தாலும் சரி, அரட்டை பயன்பாடுகள் சில சமயங்களில் ஒரு அறையில் நண்பர் அல்லது குடும்பத்தினருடன் ஒன்றாக அமர்ந்து பேசுவதைப் போன்ற உணர்வை ஏற்படுத்துகின்றன.

எரிச்சலூட்டும் மெசேஜ்களை இனி பிளாக் செய்ய வேண்டாம்? இதை செய்தால் போதும்

தொடர்ந்து இணைந்திருப்பது ஒரு அழகான உணர்வு என்றாலும், சில சமயங்களில் அது சற்று அதிகமாக இருக்கலாம். தொடர்ச்சியான மெசேஜ்கள் எல்லா நேரத்திலும் சுகமான அனுபவத்தை வழங்காது, சில நேரங்களில் இது நமக்கு எரிச்சலூட்டும். குறிப்பாக நீங்கள் பல பங்கேற்பாளர்கள் இருக்கும் அரட்டை குழுக்களிலிருந்தால், நிச்சயம் இந்த தொல்லை பற்றி உங்களுக்குத் தெரிந்திருக்கும். அதிர்ஷ்டவசமாக, இந்த எல்லா பயன்பாடுகளும் ஒரு குழு அரட்டை அல்லது குறிப்பிட்ட அரட்டையைச் சிறிது நேரம் அல்லது நிரந்தரமாக முடக்க அல்லது மியூட் செய்ய அனுமதிக்கும் முடக்கு அம்சத்துடன் வருகின்றன.

அமைதியான மெசஜ்ஜிங் அனுபவத்தை பெற இதைச் செய்யுங்கள்

மெசஞ்சர், வாட்ஸ்அப் மற்றும் டெலிகிராம் என்று இந்த மூன்று பயன்பாடுகளில் நீங்கள் எதை வைத்திருந்தாலும் சரி, இந்த பதிவு உங்களுக்கானது தான். தொடர்ச்சியான மெசேஜ்களால் தொல்லை அடையாமல், அமைதியான மெசஜ்ஜிங் அனுபவத்தைப் பெற இந்த அம்சத்தை நீங்கள் பயன்படுத்துங்கள். பிரபலமான மற்றும் மிகவும் பரவலாகப் பயன்படுத்தப்படும் அரட்டை பயன்பாடுகளில் அரட்டையை எவ்வாறு மியூட் அல்லது முடக்கம் செய்வது என்பதை நாங்கள் உங்களுக்குக் கற்றுத்தரப் போகிறோம்.

வாட்ஸ்அப்பில் அரட்டைகளை மியூட் செய்வது எப்படி?

உங்கள் தனிப்பட்ட மற்றும் குழு அரட்டைகளை 8 மணிநேரம் அல்லது 1 வாரம் அல்லது நிரந்தரமாக முடக்குவதற்கு WhatsApp உங்களை அனுமதிக்கிறது.

நீங்கள் முடக்க விரும்பும் WhatsApp இல் உள்ள அரட்டைக்குச் செல்லவும்.

அந்த அரட்டையின் சுயவிவர ஐகானில் நீண்ட நேரம் அழுத்தவும்.

நீங்கள் மேலே ஒரு முடக்கு ஐகானைக் காண்பீர்கள் அதைத் தட்டவும்.

அது உங்களுக்கு மூன்று விருப்பங்களைக் காண்பிக்கும்.
8 மணிநேரம், 1 வாரம் மற்றும் எப்போதும் என்று காண்பிக்கப்படும்.

விரும்பிய பெட்டியைத் தேர்ந்தெடுத்துச் சரி என்பதைக் கிளிக் செய்யவும்.

பேஸ்புக் மெசஞ்சரில் அரட்டைகளை முடக்குவது எப்படி?

Facebook Messenger ஆனது அறிவிப்புகளை முடக்கவும் உங்களை அனுமதிக்கிறது.

மெசஞ்சரைத் திறந்து, நீங்கள் முடக்க விரும்பும் தொடர்பை நீண்ட நேரம் அழுத்தவும்.

இது உங்களுக்கு மூன்று விருப்பங்களைக் காண்பிக்கும்.

செய்தி அறிவிப்புகளை முடக்கு, அழைப்பு அறிவிப்புகளை முடக்கு, செய்தியை முடக்கு மற்றும் அழைப்பு அறிவிப்புகள் ஆகியவற்றைக் காண்பிக்கும்.

நீங்கள் செல்ல விரும்பும் விருப்பத்தைத் தேர்ந்தெடுக்கவும்.

கடைசி விருப்பம், அந்தத் தொடர்பிலிருந்து அழைப்பு மற்றும் செய்திகள் ஆகிய இரண்டிற்கும் அறிவிப்புகளை மறைக்கும்.

சரி என்பதைத் தட்டவும்.

டெலிகிராமில் அரட்டைகளை முடக்குவது எப்படி?

டெலிகிராம் மற்றொரு பிரபலமான அரட்டை பயன்பாடாகும். இது அரட்டைகளை முடக்கவும் உங்களை அனுமதிக்கிறது. இது வாட்ஸ்அப் போன்றது.

டெலிகிராமைத் திறந்து, நீங்கள் முடக்க விரும்பும் அரட்டையை நீண்ட நேரம் அழுத்தவும்.

உங்களுக்கு மேலே முடக்கு விருப்பம் காட்டப்படும்.

நீங்கள் 1 மணிநேரம், 8 மணிநேரம் அரட்டையை முடக்கலாம், 2 நாட்களுக்கு முடக்கலாம் மற்றும் முழுமையாக முடக்கலாம் என்று காண்பிக்கப்படும்.

விருப்பத்தைத் தேர்ந்தெடுத்து முடித்துவிடுங்கள்.

அவ்வளவு தான், இந்த முறையைப் பின்பற்றி நீங்கள் உங்களுக்கு எரிச்சலூட்டும் மெசேஜ்களை பிளாக் செய்யாமல் மியூட் செய்யலாம்.

கருத்துகள் இல்லை:

கருத்துரையிடுக

Follow and Join with US

தினமும் எங்கள் வாசகர்கள் மற்றும் நண்பர்கள் பல்வேறு செய்திகளை பெறுகின்றனர் நீங்களும் இணைத்து எங்களை வழி நடத்துங்கள்