Contact us : oorkodangi@gmail.com






நாமக்கல் மலைக்கோட்டை, வரலாற்று சிறப்புமிக்க கோட்டையாகும். இக்கோட்டை நாமக்கல் நகரின் மையப்பகுதியில் அமைந்துள்ளது.

சிறப்புகள் :

மிகப்பெரிய ஒற்றை பாறையின் மலை உச்சியில் இந்த கோட்டை அமைந்துள்ளது.

மலையை செதுக்கி குடைவரை கோவில்கள் கட்டப்பட்டுள்ளன.

இக்கோட்டை 246 அடி உயரம் கொண்டது. இந்த கோட்டையில் ஒரு கோவிலும், மசூதியும் உள்ளன. இவை இரண்டும் இந்நகரின் பிரபல சுற்றுலாத்தலங்களாக உள்ளன. தற்சமயம் இந்தக் கோட்டை தமிழக அரசின் தொல்லியல் துறையின் கட்டுப்பாட்டில் உள்ளது.

திப்பு சுல்தான் ஆங்கில கிழக்கிந்தியக் கம்பெனியை எதிர்த்துப் போரிட இக்கோட்டையைப் பயன்படுத்தினார் என்று வரலாறு கூறுகிறது.

கோட்டைக்கு அருகில் உள்ள கோட்டை மாரியம்மன் கோவில், ஆஞ்சநேயர் கோவில் ஆகியவை மிகவும் புகழ் பெற்றவை.

இங்குள்ள நரசிம்மர் கோவிலும், அரங்கநாதர் கோவிலும் மலையை குடைந்து செய்யப்பட்டவையாகும். மலையின் கிழக்கு பகுதியில் அரங்கநாதர் கோவிலும், மேற்கு பகுதியில் நரசிம்மர் கோவிலும் உள்ளது.

கோட்டையின் வாயிற்கதவின் அருகில் ஒரு யாழியின் உருவம் வெளிச்சுவற்றில் செதுக்கப்பட்டுள்ளது.

உள்ளே ஒரு பாசி படிந்த குளம் உள்ளது. சிறு நுழைவாயிலை கொண்ட பெரிய கற்சுவற்றையுடைய ஆயுதக்கிடங்கும் இருக்கிறது. கோட்டையிலுள்ள கர்ப்பகிரகத்தில் சிலையற்று ஒரு கோவிலும் உள்ளே இருக்கிறது.

நாமக்கலின் மலைக்கோட்டையில் இருந்து பார்த்தால் வண்ண வண்ண வீடுகளைச் சுமந்து நாமக்கல் நகரம் அழகாய் காட்சியளிக்கும். நாமக்கலில் உள்ள பூங்காவிற்குச் சுற்றுலாப் பயணிகள் குடும்பத்துடன் சென்று வரலாம்.

எப்படி செல்வது?

நாமக்கலில் இருந்து தமிழகத்தின் அனைத்து முக்கிய நகரங்களுக்கும் பேருந்து வசதி உள்ளது.

விமானம் வழியாக :

சேலம் விமான நிலையம்.

திருச்சி சர்வதேச விமான நிலையம்.

கோயம்புத்தூர் சர்வதேச விமான நிலையம்.

ரயில் வழியாக :

நாமக்கல் ரயில் நிலையம்.

செல்லும் நேரம் :

அனைத்து காலங்களிலும் செல்லலாம்.

பார்க்க வேண்டிய இடங்கள் :

நாமக்கல் ஆஞ்சநேயர் கோவில்.

நரசிம்மர் கோவில்.

நாமகிரி அம்மன் திருக்கோவில்.

இதர சுற்றுலாத்தலங்கள் :

கொல்லிமலை.

திருச்செங்கோடு அர்த்தநாரீஸ்வரர் கோவில்.

ஜேடர்பாளையம் தடுப்பணை.