Follow Us:

Join Our Whatsapp Group

Twitter: www.twitter.com/Pudhiyapodiyan

Facebook:https://www.facebook.com/Pudhiyapodiayan

Instagram: pudhiya.podiyan

Contact us : oorkodangi@gmail.com

இந்திய அரசு 2000 ரூபாய் நோட்டுக்களை அச்சடிப்பதை நிறுத்திவிட்டதாக தகவல்கள் பரவி வருகின்றன. அந்த 2000 ரூபாயால் நாம் அடைந்த பலன்களை விட அதிகம் நம் துன்பங்கள். ஆனால் அதே 2000 ரூபாய் செலவில் சுற்றுலா செல்ல உங்களைத் தயார் படுத்துவதே இந்த கட்டுரையின் நோக்கம். ஆமா 2000 ரூபாய் செலவுல அப்படி எங்கதான் சுற்றுலா போவீங்க?

 

அழகான கடற்கரைகள், பிரெஞ்சு பாணி கட்டிடங்கள், கழிமுகங்கள், படகுச்சவாரிகள் முக்கியமா இளைஞர்களுக்கான சோமபானம் என பல சுவாரஸ்யமான அம்சங்களைக் கொண்டுள்ள பாண்டிச்சேரிக்கு போக 2000 ரூபாய் கூட தேவையில்லைனு சொன்னா உங்களால நம்ப முடியுமா? நம்பித்தானே ஆகணும்.. சென்னையில இருந்து பாண்டிச்சேரிக்கு போய்ட்டு திரும்ப 2000 ரூபாய் மட்டும் போதும்.

அதே நேரம் உங்கள் குடும்பத்தோட போய்ட்டு, இஷ்டம் போல செலவு பண்ணிட்டு திரும்பவும் பாண்டிச்சேரி உங்களுக்கு பல அருமையான வாய்ப்புகள வழங்கும். என்ன ஒரு பாண்டிச்சேரி பயணத்துக்கு பிளான் பண்ணிடலாமா?

பாண்டிச்சேரி எப்படி செல்வது : சென்னையிலிருந்து பாண்டிச்சேரி போக அதிகபட்சம் 4 மணி நேரம் ஆகும். ரயில் மூலமும், அரசு மற்றும் தனியார் பேருந்துகள் மூலமும் 3 மணி நேரத்தில் எளிதில் அடையலாம்.

வழித்தடம் : கிழக்கு கடற்கரை சாலை


2 ஏற்காடு

1515 மீ உயரத்தில் அசரவைக்கும் அம்சங்களோடு, கண்ணுக்கு இனிமை தரும் அழகான இதமான வானிலையோடு கூடிய சூப்பரான ஒரு சுற்றுலாத் தளத்துக்கு போக 2000 ரூபாய் கூட தேவையில்லைனு சொன்னா நிச்சயமா நீங்க நம்பமாட்டீங்க! அட நம்ம ஏற்காடு மலைக்கு சென்னையிலிருந்து பயணித்து சுற்றுலாவை அனுபவிக்க ஒரு ஆளுக்கு வெறும் 2000 ரூபாய் போதும்னா இப்பவே முதல் ஆளா கிளம்பிடுவீங்கத்தானே..

உங்கள் குடும்பத்தோடு ஏற்காடு சென்று மகிழ்ந்து வாருங்கள்.

ஏற்காடு எப்படி செல்வது : சேலம் மாவட்டத்தில் அமைந்துள்ள ஏற்காட்டிற்கு சேலம் விமான நிலையத்தில் இறங்கியும் செல்லலாம். சென்னையிலிருந்து சேலம் ரயில் மற்றும் பேருந்துகள் மூலமாக எளிதில் அடையலாம்.

வழித்தடம் :- சென்னை - சேலம் வழித்தடம்

3 மாமல்லபுரம்

இந்திய பிரதமர் மோடி வியந்து விவரிக்க மூக்கின் மேல் விரல் வைத்து ரசித்த சீன அதிபர் வந்து சென்ற உலகப் புகழ் பெற்ற இடம் மாமல்லபுரம் எனும் மகாபலிபுரம். மாமல்லபுரம் சென்னையிலிருந்து பாண்டிச்சேரி செல்லும் வழியிலேயே அமைந்துள்ளது. இங்கு செல்லவும் உங்களுக்கு பெரிய அளவிலான செலவுகள் எதுவும் இல்லை. வெறும் 2000 ரூபாய் செலவுல நீங்க மாமல்லபுரத்த அழகா சுத்திப் பாத்துட்டு திரும்பிடலாம்.

எப்படி அடைவது : சென்னையிலிருந்து பாண்டிச்சேரிக்கு கிழக்கு கடற்கரைச் சாலையில் பயணிக்குறீர்களா.. அப்ப என்ன பிரச்சனை தடுக்கி விழுந்தா மாமல்லபுரம்.. ஆமா உங்களுக்கு அது மகாபலிபுரம்.

வழித்தடம் : ஈ சி ஆர் சாலை

4 கோவளம்

சென்னைக்கு மிக அருகில் இருக்கும் இந்த கோவளம் உள்நாட்டு சுற்றுலா பயணிகள் மட்டுமல்லாது, வெளிநாட்டு சுற்றுலா பயணிகளிடேயும் மிகவும் பிரபலமானது. இங்கு சென்னையிலிருந்து பயணிக்க அதிக செலவு ஆகாது என்பது சென்னை வாசிகளுக்கு நிச்சயம் தெரிந்திருக்கும். ஆனால், வெளியிலிருந்து சென்னை வருபவர்களுக்கு இது ஆச்சர்யமாகத் தான் இருக்கும். கோவளம் பீச்சுக்கு செலவே இல்லாமல் (உணவு பிரயான செலவு தவிர) சென்று மகிழ்ந்துவிட்டு வரலாம். ஆனால் அங்கிருக்கும் தனியார் விடுதிகளில் அதிகம் செலவு ஆகும் என பலர் நினைக்கின்றனர். அது 2000 ரூபாய்க்கும் குறைவுதான் என்பதுதான் இப்ப மேட்டரே..

ரொம்ப நாள் ஆசையா... அட உடனே கோவளம் போய்ட்டு வாங்க..

எப்படி அடைவது : சென்னை - பாண்டிச்சேரி பயணத்தின் போது தென் சென்னையிலிருந்து ஒரு மணி நேர பயணத் தொலைவில் எளிதில் அடையும் வகையில்தான் இருக்கிறது இந்த கோவளம். நம்ம மோடி கூட வந்துருக்கார்... ஹக்காம்பா..

5 காஞ்சிபுரம்

காஞ்சிபுரம் தமிழகத்தின் பல்லவர் கால ஆட்சியின் சுவடு நிறைந்திருக்கும் மிகப் பெரிய பிரபலமான கோவில் நகரம். எங்கே திரும்பினாலும் கோவில்களும், மண்டபங்களும் நிறைந்து காட்சி தரும் இந்த காஞ்சிபுரத்துக்கு செல்ல 2000 ரூபாய் கூட தேவையில்லைனா பாத்துக்கோங்களேன்..

தாம்பரம், பெருங்களத்தூர், திருப்பெரும்புதூர் உள்ளிட்ட பகுதிகளிலிருந்து பஸ் ஏறினா அவ்ளோ பெரிய அமௌன்ட்லாம் செலவாகாதுனு பதிலுக்கு திரும்பி கேக்குறீங்களா? அட அது இல்லிங்க.. நீங்க தனியா காஞ்சிபுரத்த ஒரு நாள் புல்லா சுத்தி திரும்பினாகூட உங்களுக்கு 2000 ரூபாய் செலவாகாதுனா பாத்துக்கோங்களேன்.

எப்படி அடைவது : சென்னையின் பல்வேறு பகுதிகளிலிருந்து காஞ்சிபுரத்துக்கு பேருந்து, வாடகை வண்டிகள் மூலம் எளிதில் அடையலாம்.