புதன், 27 நவம்பர், 2019

லண்டனுக்குச் செல்லும் ஓலா டாக்ஸிகள்!

புதிய பொடியன் புதன், நவம்பர் 27, 2019

இந்த செய்தியை படித்துவிட்டு உங்கள் எண்ணங்களை கீழே பதிவு செய்யுங்கள்.. இந்த செய்தி பிடித்திருந்தால் உங்கள் நட்பு வட்டத்தில் பகிர்ந்து கொள்ளுங்கள்..

இதுபோன்ற எங்களின் பல்வேறு பதிவுகளை உடனுக்குடன் உங்கள்

மின்னஞ்சலில் பெற பதிவு செய்து கொள்ளுங்கள்.

Twitter: www.twitter.com/Pudhiyapodiyan

Facebook:https://www.facebook.com/Pudhiyapodiayan

Instagram: pudhiya.podiyan

Contact us : oorkodangi@gmail.com

இந்தியாவின் ஓலா நிறுவனம் விரைவில் லண்டன் நகரில் டாக்ஸி போக்குவரத்துச் சேவையைத் தொடங்கவுள்ளதாக அறிவித்துள்ளது.

பெங்களூருவைத் தலைமையிடமாகக் கொண்டு டாக்ஸி போக்குவரத்து சேவைகளை வழங்கிவரும் நிறுவனம்தான் ஓலா. இந்நிறுவனம் இந்தியா மட்டுமல்லாமல் ஆஸ்திரேலியா, நியூசிலாந்து, இங்கிலாந்து ஆகிய நாடுகளிலும் தனது சேவையை விரிவாக்கம் செய்துள்ளது.

இங்கிலாந்தின் சவுத் வேல்ஸ் பகுதியில் உள்ள கார்டிஃப் நகரில் தனது சேவையைத் தொடங்கிய ஓலா, பின்னர் நியூபோர்ட், பிர்மிங்கம், லிவர்பூல், எக்ஸெட்டர், ரீடிங், பிடிஸ்டால், பாத், காவெண்ட்ரி, வார்விக் ஆகிய இடங்களிலும் தனது சேவையை விரிவாக்கம் செய்தது. இந்நிலையில் விரைவில் லண்டன் நகரிலும் டாக்ஸிகளை இயக்கப்போவதாக ஓலா நிறுவனம் தெரிவித்துள்ளது.

இந்த ஆண்டின் தொடக்கத்திலேயே லண்டன் டிரான்ஸ்போர்ட் அமைப்பிடமிருந்து டாக்ஸிகளை இயக்குவதற்கான உரிமத்தை ஓலா நிறுவனம் பெற்றது. தற்போது டாக்ஸி ஓட்டுநர்களுக்கான தேர்வுப் பணியில் ஓலா ஈடுபட்டுள்ளது. லண்டன் நகரில் மட்டும் 50,000 ஓட்டுநர்கள் சேவையில் இணைக்கப்படுவார்கள் என்று ஓலா நிறுவனம் கூறுகிறது.

லண்டனில் அடுத்த சில வாரங்களில் டாக்ஸி போக்குவரத்து சேவை தொடங்கப்படும் எனவும், அங்கு தரமான சேவையை வாடிக்கையாளர்களுக்குத் தொடர்ந்து வழங்குவோம் எனவும் ஓலா நிறுவனத்தின் சர்வதேசப் பிரிவு தலைவரான சைமன் ஸ்மித் கூறியுள்ளார்.

இந்தியாவில் ஓலா நிறுவனத்துக்கு அமெரிக்காவைச் சேர்ந்த உபேர் கடுமையான போட்டியை வழங்கி வருகிறது. அதிக முதலீடுகளைக் கொட்டி டாக்ஸிகளின் எண்ணிக்கையையும் சொகுசான பயணத்தையும் வழங்கி வாடிக்கையாளர்களை அதிகமாக ஈர்த்து வருகிறது. எனவே இந்தியா மட்டுமல்லாமல் சர்வதேச நாடுகளிலும் தனது சேவையை விரிவுபடுத்தும் முனைப்பில் ஓலா மும்முரமாக உள்ளது.