ஸ்ரீநாத யோகம் :

 லக்னத்திற்கு நான்கு, ஏழு மற்றும் பத்தாம் இடங்களில் சூரியன், புதன் மற்றும் சுக்கிரன் இணைந்து அமைந்திருப்பதால் உண்டாவது ஸ்ரீநாத யோகம் ஆகும்.

 ஸ்ரீநாத யோகத்தால் உண்டாகும் பலன்கள் :

 சகல சௌபாக்கியமும் பெற்று வாழக்கூடியவர்கள்.

 சிலர் இல்லற வாழ்க்கையை துறந்து சந்நியாசி வாழ்க்கை வாழக்கூடியவர்.

 கனக யோகம் :

 லக்னம் சரமாக அமையப்பெற்று ஐந்து மற்றும் பத்தாம் அதிபதிகள் பலமாக கேந்திரத்தில் நான்கு, ஏழு மற்றும் பத்தாம் வீடுகளில் அமையப்பெற்றால் உண்டாவது கனக யோகம் ஆகும்.

 கனக யோகத்தால் உண்டாகும் பலன்கள் :

 நினைத்தவை யாவையும் அடையும் வல்லமை உடையவர்கள்.

 ரவி யோகம் :

 சூரியனுக்கு இருபுறமும் சுப கிரகங்கள் அமையப்பெறுவது ரவி யோகம் ஆகும்.

 ரவி யோகத்தால் உண்டாகும் பலன்கள் :

 சாதனைகளை படைக்க வல்லவர்கள்.

 உயர் பதவி அடையக் கூடியவர்கள்.

 புகழ், பெருமை உடையவர்கள்.

 சரஸ்வதி யோகம் :

 குரு, சுக்கிரன், புதன் லக்னத்திற்கு கேந்திரத்தில் அதாவது நான்கு, ஏழு மற்றும் பத்திலோ அல்லது திரிகோணத்திலோ இருப்பின் சரஸ்வதி யோகம் உண்டாகிறது.

 சரஸ்வதி யோகத்தால் உண்டாகும் பலன்கள் :

 பிறரால் மதிக்கப்படுவார்கள்.

 உயர் பதவிகளை வகிக்கக்கூடியவர்கள்.

 எழுத்தாளராகவும், பேச்சாளர்களாகவும் விளங்கக்கூடியவர்கள்.

 சங்க யோகம் :

 ஐந்து மற்றும் ஆறாம் அதிபதிகள் இணைந்து ஒரே வீட்டில் இருப்பினும் அல்லது ஒருவருக்கொருவர் ஏழாம் பார்வையால் பார்த்து கொண்டாலும் சங்க யோகம் உண்டாகிறது.

 சங்க யோகத்தால் உண்டாகும் பலன்கள் :

 உயர் கல்வி கற்ககூடியவர்கள்.

 நீண்ட ஆயுள் உடையவர்கள்.

 நிலையான புகழ் கொண்டவர்கள்.

 சாதனைகள் புரிவதில் வல்லவர்கள்.

 ராஜ யோகம் :

 ஒன்பதாம் அதிபதி குரு பார்வை பெற்று ஆட்சி பெற்றால் ராஜ யோகம் உண்டாகிறது.

 ராஜ யோகத்தால் உண்டாகும் பலன்கள் :

 சகல சௌபாக்கியத்துடன் வாழக்கூடியவர்கள்.

 வசுமதி யோகம் :

 லக்னத்துக்கு மூன்று, ஆறு மற்றும் பதினொன்றாம் அதிபதிகள் பலம் பெற்று இருந்தால் வசுமதி யோகம் உண்டாகும்.

 வசுமதி யோகத்தால் உண்டாகும் பலன்கள் :

 பொருட்செல்வம் மற்றும் செல்வாக்கு உடையவர்களாக இருப்பார்கள்.

 உயர்ந்த அந்தஸ்து, பெருமை, புகழ் போன்ற நற்பலன்கள் உண்டாகும்.

 பூமி பாக்கிய யோகம் :

 நான்கு மற்றும் ஒன்பதாம் அதிபதிகள் மறைவு ஸ்தானங்களில் அமராமலும், நீசம் பெறாமலும் மற்றும் பாபர் சேர்க்கை இல்லாமலும் இருப்பதால் அமைவது பூமி பாக்கிய யோகம் ஆகும்.

 பூமி பாக்கிய யோகத்தால் உண்டாகும் பலன்கள் :

 மனை சேர்க்கை உண்டாகும்.

 செல்வங்கள் நிலைத்து நிற்கும்.

 லட்சுமி யோகம் :

 ஒன்பதாம் அதிபதி ஒன்பதாம் வீட்டில் ஆட்சி பெறுவதால் உண்டாவது லட்சுமி யோகம் ஆகும்.

 லட்சுமி யோகத்தால் உண்டாகும் பலன்கள் :

 லட்சுமி கடாட்சம் பெற்று வாழ்வார்கள்.

 எதிர்பாராத செல்வ செழிப்பு உண்டாகும்.

 பாபகத்ரி யோகம் :

 லக்னமோ அல்லது மதியோ(சந்திரன்) இரு அசுப கிரகங்களுக்கு இடையில் அமர்ந்திருக்க உண்டாவது பாபகத்ரி யோகம் ஆகும்.

 பாபகத்ரி யோகத்தால் உண்டாகும் பலன்கள் :

 செல்வ செழிப்புடன் இன்னல்கள் கொண்ட வாழ்க்கை இருக்கும்.

 தரித்திர யோகம் :

 ஒன்பதாம் அதிபதி (பாக்யாதிபதி) பனிரெண்டாம் வீட்டில் மறைவு பெற்றால் உண்டாவது தரித்திர யோகம் ஆகும்.

 தரித்திர யோகத்தால் உண்டாகும் பலன்கள் :

 பிறருக்கு உதவி செய்து அவச்சொல் வாங்குதல்.

 நிலையான செல்வம் இல்லாமை.

 வாழ்க்கை துன்பம் நிறைந்ததாக இருக்கும்.

 அந்திய வயது யோகம் :

 லக்னாதிபதி மற்றும் இரண்டாம் அதிபதிகள் பரிவர்த்தனை பெற்றாலும், லக்னத்தில் அமர்ந்தாலும் உண்டாவது அந்திய வயது யோகம் ஆகும்.

 அந்திய வயது யோகத்தால் உண்டாகும் பலன்கள் :

 இளமையில் துன்பம் நிறைந்த வாழ்க்கை அமையும்.

 பிற்காலத்தில் உயர் பதவி பெற்று பெருமையுடனும், கீர்த்தியுடனும் வாழ்வார்கள்.

 திரிலோசனா யோகம் :

 சூரியன், சந்திரன், செவ்வாய் ஆகியோர் கேந்திர திரிகோண வீடுகளில் அமைவதால் உண்டாவது திரிலோசனா யோகம் ஆகும்.

 திரிலோசனா யோகத்தால் உண்டாகும் பலன்கள் :

 எதிரிகளை வெற்றி கொள்வார்கள்.

 மிகுந்த செல்வம் மற்றும் நீண்ட ஆயுள் கொண்டவர்கள்.

 பர்வத யோகம் :

 லக்னாதிபதி நின்ற வீட்டின் அதிபதி ஆட்சி அல்லது உச்சம் பெறுவது அல்லது லக்னத்திற்கு கேந்திர அதிபதிகள் பலம் பெற்றாலும் அமைவது பர்வத யோகம் ஆகும்.

 பர்வத யோகத்தால் உண்டாகும் பலன்கள் :

 உலகம் போற்றும் அளவுக்கு புகழ், பெருமை உடையவர்கள்.

 அரச யோகம் :

 மதியானவன் லக்னத்திற்கு கேந்திரத்தில் ஆட்சி அல்லது உச்சம் பெற்று அந்த மதியை சுக்கிரன் மற்றும் குரு பார்வை பெற்றால் அரச யோகம் உண்டாகும்.

அரச யோகத்தால் உண்டாகும் பலன்கள் :

அரசாளும் யோகம் உண்டாகும்.