சமீபத்தில் அறிமுகமான Samsung நிறுவனத்தின் Galaxy S20, Galaxy S20 Plus மற்றும் Galaxy S20 ultra மீது ஏற்கனவே பல சலுகைகள் அறிவிக்கப்பட்டுள்ள நிலையில் தற்போது மீண்டும் ஒரு சலுகை அறிவிக்கப்பட்டுள்ளது!
சாம்சங் நிறுவனம் பழைய ஸ்மார்ட்போன்களுக்கு ஈடாக, அதன் கேலக்ஸி S20 தொடர் ஸ்மார்ட்போன்களின் மீது ரூ.5,000 வரை கூடுதல் போனஸை அறிவித்துள்ளது.
கேலக்ஸி எஸ்20 ஆனது காஸ்மிக் கிரே, கிளவுட் ப்ளூ, கிளவுட் பிங்க் ஆகிய வண்ணங்களில் வருகிறது; மறுகையில் உள்ள கேலக்ஸி எஸ்20+ ஆனது காஸ்மிக் கிரே, கிளவுட் ப்ளூ, காஸ்மிக் பிளாக் போன்ற வண்ணங்களில் வாங்க கிடைக்கிறது. கடைசியாக கேலக்ஸி எஸ் 20 அல்ட்ரா மாடலானது காஸ்மிக் கிரே மற்றும் காஸ்மிக் பிளாக் போன்ற வண்ணங்களில் வருகிறது.
விலையைப் பொறுத்தவரை, இந்தியாவில் சாம்சங் கேலக்ஸி எஸ்20 ஆனது ரூ. 66,999 க்கும், கேலக்ஸி எஸ்20+ ஆனது ரூ.73,999 க்கும் மற்றும் கேலக்ஸி எஸ்20 அல்ட்ரா ஆனது ரூ.92.999 க்கும் வாங்க கிடைக்கிறது.
கேலக்ஸி எஸ் 20+ மற்றும் கேலக்ஸி எஸ் 20 அல்ட்ரா ஆகியவற்றை முன்பதிவு செய்யும் வாடிக்கையாளர்கள் கேலக்ஸி பட்ஸ்+ ஆனது வெறும் ரூ.1,999 க்கும் மற்றும் கேலக்ஸி எஸ்20 மாடலை வாங்குபவர்களுக்கு அது வெறும் ரூ.2,999 க்கும் வாங்க கிடைக்கும் என்பதும் இங்கே குறிப்பிடத்தக்கது.
தவிர சாம்சங் கேர்+ (தற்செயலான மற்றும் லிக்விட் சேத பாதுகாப்பு) ஆனது வெறும் ரூ.1,999 க்கு கிடைக்கும். இதன் அசல் விலை ரூ.3,999 ஆகும். கூடுதலாக, சாம்சங் நிறுவனம், கேலக்ஸி எஸ் 20 வாங்கும் பயனர்களுக்கு தள்ளுபடி திட்டங்களை வழங்க ஜியோ, ஏர்டெல் மற்றும் வோடபோன் போன்ற பல்வேறு நெட்வொர்க்குகளுடனும் இணைந்துள்ளது.
அதன்படி, ஜியோவின் ஆண்டு திட்டமான ரூ. 4,999 மீது டபுள் டேட்டா சலுகை மற்றும் கூடுதல் ஓராண்டு வரம்பற்ற சேவை அணுக கிடைக்கும். ஏர்டெல் ரூ.298 அல்லது ரூ.398 பிளானை முதல் 10 முறை தொடர்ச்சியாக ரீசார்ஜ் செய்யும் பயனர்களுக்கு டபுள் டேட்டா நன்மைகள் கிடைக்கும் இதேபோல், வோடபோன் மற்றும் ஐடியா வாடிக்கையாளர்கள் ரூ.399 மீதான முதல் ஆறுமுறை ரீசார்ஜ்களின் மீது டபுள் டேட்டா நன்மையை பெறலாம்.
கருத்துகள் இல்லை:
கருத்துரையிடுக