Learn Carnatic Music in Online

Click here to join our WhatsApp channel

Click here to join our Telegram Channel

வெள்ளி, 24 ஏப்ரல், 2020

புதிய Bajaj Platina H Gear BS6 பைக் விற்பனைக்கு அறிமுகம்- விலை எவ்வளவு தெரியுமா..?

பிஎஸ்-6 விதிகளுக்குட்பட்டு தயாரிக்கப்பட்டுள்ள புதிய பஜாஜ் பிளாட்டினா ஹெச் கியர் 110 பைக் ரூ. 59,802 ஆரம்ப விலையில் (எக்ஸ்-ஷோரூம், டெல்லி) விற்பனைக்கு அறிமுகம் செய்துள்ளது.
இந்தியாவில் பஜாஜ் நிறுவனத்தின் ஆரம்ப விலை மாடலாக பிளாட்டினா ஹெச் கியர் 110 பைக் நிலை நிறுத்தப்பட்டுள்ளது. தற்போது இதனுடைய பிஎஸ்-6 மாடல் ஒரேயொரு வேரியன்டுக்கு கீழ் மட்டுமே விற்பனைக்கு கொண்டுவரப்பட்டுள்ளன.

புதிய பிஎஸ்-6 மாடல் குறிப்பிட்ட அப்டேட்டுகளுடன் மேம்படுத்தப்பட்டுள்ளன. அதன்படி புதிய பிளாட்டினா ஹெச் கியர் பிஎஸ்-6 பைக்கில் புதிய விதிக்கு ஏற்றவாறான 115.45 சிசி சிங்கிள் சிலிண்டர் ஏர்-கூல்டு எஞ்சின் இடம்பெற்றுள்ளது.

இது 8 பிஎச்பி பவர் மற்றும் 9.81 என்.எம் டார்க் திறனை அதிகப்பட்சமாக வழங்கௌம். பைக்கினுடைய எஞ்சின் 5 ஸ்பீடு கியர்பாக்ஸுடன் கூட்டணி அமைத்துள்ளது. ஃப்யூவெல் எஞ்ஜெக்‌ஷன் கொண்டிருப்பதால் முந்தைய வெர்ஷனை விட புதிய மாடல் குறைந்தளவிலே நச்சுப்புகையை வெளியேற்றும்.

பிஎஸ்6 பிளாட்டினா ஹெச் கியர் பைக்கில் எஞ்சினை தவிர்த்து வேறு எவ்வித கட்டமைப்புகளும் மாற்றப்படவில்லை. இந்த பைக் 2,006 மிமீ நீளம், 713 மிமீ அகலம், 1,110 மிமீ உயரத்தில் உருவாக்கப்பட்டுள்ளது. இதனுடைய ஒட்டுமொத்த எடை 122 கிலோ. இருக்கையின் உயரம் 804 மிமீ ஆகும்.

பிஎஸ்-4 வெர்ஷனில் இடம்பெற்றிருந்த அதே கட்டமைப்பு, கிராஃபிக்ஸ் வடிவமைப்புகள், கருப்பு நிறத்திலான எஞ்சின் மற்றும் புகைப்போக்கி குழாய், ஃபென்டர்கள், அலாய் சக்கரங்கள், செமி-டிஜிட்டல் இன்ஸ்ட்ரூமென்ட் கிளஸ்டர், ஹாலோஜன் முகப்பு விளக்குகள் ஆகியவை பிஎஸ்-6 பிளாட்டினா ஹெச் கியர் 110 மாடலிலும் தொடர்கின்றன.

கருத்துகள் இல்லை:

கருத்துரையிடுக