இந்தியாவில் வாகனங்களை மாடிஃபிகேஷன் செய்வது சட்டப்படி குற்றமாகும். இருந்தாலும் ஏராளமான வாகனங்கள் மாடிஃபிகேஷன் செய்யப்படுவதும், அந்த வாகனங்கள் சாலையில் சென்று பலருடைய கவனத்தை ஈர்ப்பது போன்ற செயல்கள் நடந்து கொண்டே தான் உள்ளன.

அரசும், காவல்துறையும் கண்டிப்பு காட்டினாலும் கூட வாகனங்களை மாடிஃபிகேஷன் செய்வது குறைந்தபாடில்லை. தென்னிந்தியாவில் கேரளாவிலும், வட இந்தியாவில் பஞ்சாபிலும் வாகனங்கள் மாடிஃபிகேஷன் செய்யப்படுவது அதிகரித்து வருகிறது.

தமிழகம், ஆந்திரா, மேற்கு வங்கம், மஹாராஷ்டிரா போன்ற மாநிலங்களிலும் வாகனங்கள் மாடிஃபிகேஷன் செய்யப்படுவது புதிய டிரென்டாக உருவாகியுள்ளது. ஒரு காலத்தில் மாடிஃபிகேஷன் செய்யப்பட்ட வாகனங்கள், அது சார்ந்துள்ள பகுதியில் மட்டுமே பிரபலமாக இருக்கும்.

தற்போது சமூகவலைதள பயன்பாடு அதிகரித்துவிட்டதால், மாடிஃபிகேஷன் செய்யப்படும் வாகனங்கள் அங்கே வந்து சேர்ந்துவிடுகின்றன. அதை பார்க்கும் பலருக்கும் வாகனங்களை மாடிஃபிகேஷன் செய்யும் ஆசை வந்துவிடுகிறது. இதனால் தற்போது வாகன மாடிஃபிகேஷன் ஒரு பெரும் வணிகமாக மாறி வருகிறது.

புதிய தோற்றத்திற்கு மாறும் விதமாகவும், புதுமையான வண்ணப்பூச்சு தேர்வுகளை பெறும் விதத்திலும், அதிக ஆற்றல் கொண்ட சவுண்டு சிஸ்டத்திற்கு மெருகேற்றுவது உள்ளிட்ட தேவைகளுக்காக தான் பெரும்பாலான வாகனங்கள் மாடிஃபிகேஷன் செய்யப்படுகின்றன.

இந்நிலையில் யூ-டியூப் வலைதளம் பக்கம் ஒன்றில் பிரபலமான மஹிந்திரா ‌‌ஸ்கார்பியோ கார் லிமஸீன் காருக்கு மாற்றப்பட்டுள்ள வீடியோ வெளியாகி ஆச்சரியத்தை ஏற்படுத்தியுள்ளது. ஓட்டுமொத்த காரையே இப்படி மாற்றப்பட்டுள்ளது அதிர்ச்சியையும் உருவாக்கியுள்ளது.

வழக்கமான மஹிந்திராவின் கார்களில் காணப்படும் ஐந்து டோர் செட்-அப் தான் இப்புதிய மாடலிலும் வழங்கப்பட்டுள்ளன. இதனுடைய நீளம் மட்டும் 32 அடி ஆகும். காரின் முன் மற்றும் பின் பகுதிகள் வழக்கமான மஹிந்திரா ஸ்கார்பியோ போலவே காட்சியளிக்கிறது. இதில் 17 அங்குலத்தினாலான அலாய் சக்கரங்கள் பொருத்தப்பட்டுள்ளன.

காரினுடைய உட்புறத்தில் மது அருந்துபவர்களுக்கு என்று தனியாக பார் வசதி, அவர்கள் மது அருந்துவதற்கு வசியாக மேஜை, ஜன்னலை மூடும் திரைச்சீலை மற்றும் பவர் விண்டோ போன்ற மிகவும் ஆடம்பரமான வசதிகளை இந்த கார் பெற்றுள்ளது.

சாலையில் செல்லும் உல்லாச கப்பல் போல காட்சியளிக்கும் இந்த காரினுள் 32 அங்குலத்தில் எல்.இ.டி டிவி பொருத்தப்பட்டுள்ளது. சுற்றுச்சூழலுக்கு தகுந்தால் போல இயங்கும் விளக்கு அமைப்பு, கைகள் வைப்பதற்கு ஆர்ம் ரெஸ்ட், கால்களை நன்கு தாராளமாக வைப்பத்ற்கு இட வசதி உள்ளிட்ட பல்வேறு வசதிகளை இந்த லிமோஸின் காரில் வழங்கப்பட்டுள்ளது.

டிரைவருக்கு தனியான கேபின் அமைப்பு வழங்கப்பட்டுள்ளது. டிரைவரிம் பேச வேண்டும் என்றால் இன்டர்காம் தொலைதொடர்பு சாதனத்தை பயன்படுத்திக் கொள்ளலாம். ஆனால் இதற்கு மஹிந்திராவிடன் முன் அனுமதி பெறப்பட்டுள்ளதா என்று தெரியவில்லை. இந்தியாவில் வாகனங்களை மாடிஃபிகேஷன் செய்வது சட்டவிரோதமானது எனது நினைவில் கொள்ளுங்கள்.