Learn Carnatic Music in Online

Click here to join our WhatsApp channel

Click here to join our Telegram Channel

வெள்ளி, 26 ஜூன், 2020

எதை மூடி மறைக்கிறது அமெரிக்கா, அப்படி என்னதான் நடக்கிறது ஏரியா 51ல்?

இங்கு அமெரிக்க ராணுவம் ரகசிய ஆயுத ஆராய்ச்சிகளை செய்து பார்ப்பதாக சிலர் கூறுகின்றனர். அதே போல ஏலியன் என்னும் வேற்றுகிரக வாசிகள் குறித்த சோதனைகளை அமெரிக்கா ரகசியமாக செய்து வருவதாகவும் பலர் நம்புகின்றனர். சிலர் யூ.எஃப்.ஓ என்னும் வேற்றுகிரக விமானம் இறங்கிய இடம்தான் ஏரியா 51 என்றும் கூறி வருகின்றனர்.


25.ஹோமி விமான நிலையம் அல்லது க்ரூம் லேக்

ஏரியா 51 பற்றி பல வதந்திகள் பரவி வருகின்றன. முதலில் ஏரியா 51 இடத்தின் உண்மையான பெயர் என்ன? அதற்கு இரண்டு பெயர்கள் கூறப்படுகின்றன. ஹோமி விமான நிலையம் மற்றும் க்ரூம் ஏரி.

உண்மையில் அங்கு ஒரு விமான தளம் இருந்ததால் ஹோமி விமான நிலையம் (கே.எக்ச்.டி.ஏ) என அந்த இடம் அழைக்கப்படுவது சரிதான். அதே போல அதற்கு அருகே ஒரு உப்பு ஏரி உள்ளது. எனவே இந்த இரண்டு பெயர்களுமே ஒரு விதத்தில் அந்த இடத்திற்கு சரியான பெயர்கள்தான்.

24.ஏரியா 51 என்ற பெயர் ஏன்?


இந்த ஆணையம் ஏரியா 51 பகுதியில் இல்லாவிட்டாலும் அதற்கு அருகில் உள்ளது. அந்த 51 என்ற எண் எப்படி வந்தது எனபதற்கு சில காரணங்கள் கூறப்படுகிறது.வரைப்படத்தில் அதன் இடத்தை குறிக்கும் எண்ணாக 51 பயன்படுத்தப்பட்டு இருக்கலாம் என சி.ஐ.ஏ உளவாளிகள் கூறுகின்றனர். இதற்கு முன்னர் இந்த பகுதியின் பெயர் “பாரடைஸ் ராஞ்ச்” என்று வைக்கப்பட்டிருந்தது.

23.இதன் ஆரம்பம்

ரோஸ்வெல் டெய்லி ரெக்கார்ட் என்ற பத்திரிக்கையில் ஜூலை 1947 இல் ஒரு தலைப்பு செய்தி வந்தது. ஆர்.ஏ.ஏ.எஃப் (ராயல் ஆஸ்திரேலியன் ஏர் ஃபோர்ஸ்) ரோஸ்வெல் பகுதியின் பண்ணையில் சாஸர் போன்ற அமைப்புடைய ஒரு விண்கலத்தை கைப்பற்றியது.

இந்த செய்திதான் முதன் முதலாக ஏரியா 51 பகுதி பற்றிய செய்திகளுக்கு ஆரம்ப புள்ளியாக அமைந்தது.

அடுத்த நிகழ்வாக அடையாளம் தெரியாத ஒரு பொருளால் வானிலை பார்க்க உதவும் பலூன்கள் சேதமடைந்ததாக அமெரிக்க ராணுவம் கூறியது. அவர்கள் அதை ஒரு அன்னிய விண்கலமாக இருக்கும் என நினைத்தனர்.

ரோஸ்வெல் பண்ணையில் எடுக்கப்பட்ட வேற்றுகிரக விண்கலம் பரிசோதனைக்கு ஏரியா 51க்கு எடுத்து செல்லப்பட்டதாக கூறப்படுகிறது.

1947 இல் வானிலை பலூன்கள் உடைந்ததாக கூறப்பட்டபோதும் கூட மக்கள் அதுப்பற்றி பெரிதாக யோசிக்கவில்லை.

ஆனால் 1980களின் பிற்பகுதியில் இதை பற்றிய புரளிகள் வெளிவர துவங்கின. அந்த இடத்தில் பணிப்புரிந்ததாக கூறிய ஒருவர், ஒரு மீட்கப்பட்ட வேற்றுகிரக விண்கலத்தை அமெரிக்க அரசாங்கம் சோதனை செய்து வருவதாக கூறினர்.

21.ஏரியா 51 உள்ள இடம்

ஏரியா 51 லாஸ் வேகாஸில் இருந்து 120 மைல்களுக்கு அப்பால் அமைந்துள்ளது. இந்த பகுதி பொதுமக்களுக்கு தடை செய்யப்பட்ட பகுதியாகும்.

இந்த பகுதியை சுற்றி எப்போதும் ஆயுதமேந்திய காவலர்கள் இருக்கின்றனர். (ஒரு வேளை உண்மையிலேயே அவர்கள் எதையோ மறைக்கிறார்களோ?)

ஏரியா 51க்கு மேல் விமானங்கள் பறக்க கூட அமெரிக்க அரசு தடை விதித்துள்ளது. ஆனாலும் செயற்கை கோள்கள் எடுத்த படங்களில் ஏரியா 51 பற்றி சில தகவல்கள் கிடைக்கின்றன.

அந்த புகைப்படங்களை ஆராய்ச்சி செய்தவர்கள் அந்த இடத்தின் அடித்தளத்தில் 12000 அடி நீளத்திற்கு பாதை செல்வதாக கூறுகின்றனர்.

19.ஏரியா 51க்கு அருகே ஒரு பகுதி

ஏரியா 51 மக்களுக்கான தடை செய்யப்பட்ட பகுதியாக உள்ளது. ஆனால் ஏலியன் உண்மை என நம்புகிறவர்கள் ஏரியா 51க்கு அருகில் இருக்கும் ரேச்சல் என்னும் நகரத்தை புனிதமான இடமாக கருதுகின்றனர்.

நெவாடா அரசின் ஆளுமைக்குள் இல்லாத ஒரு சிறிய நகரம் ரேச்சல். இது ஏரியா 51க்கு அருகில் உள்ளது.

லிட்டில் ஏலீன் எனப்படும் உணவகம் மற்றும் மது கடையானது ரேச்சல் நகரில் வளர்ந்து வரும் வணிக நிறுவனங்களில் ஒன்றாகும்.

ஏரியா 51ஐ பார்க்க விரும்பும் விரும்பிகளுக்காக இந்த நிறுவனம் இசை நிகழ்ச்சியை நிகழ்த்தும். அவர்கள் ஒரு இரவு அல்லது இரண்டு நாட்கள் ரேச்சலில் தங்கி நிகழ்ச்சியை கொண்டாடிவிட்டு செல்லலாம்.

17.வேற்று கிரக சாலை:

லாஸ் ஏஞ்சல்ஸில் இருந்து மூன்று மணி நேர பயண தொலைவில் ரேச்சல் நகரம் உள்ளது. அங்கு நாம் செல்ல வேண்டும் என்றால் அமெரிக்காவின் புகழ்பெற்ற நெடுஞ்சாலையான நெவேடா நெடுஞ்சாலை 375 இல் தான் நமது வாகனத்தை ஓட்ட வேண்டும்.

இந்த சாலை வேற்று கிரக நெடுஞ்சாலை என்று அழைக்கப்படுகிறது. இந்த சாலையில் பயணம் செய்த பலர் யு.எஃப்.ஓ என்னும் வேற்றுகிரக விண்கலத்தை பார்த்ததாக கூறுகின்றனர்.அதன்பிறகு 1996 ஆம் ஆண்டு முதல் இது வேற்று கிரக நெடுஞ்சாலை என அழைக்கப்படுகிறது.

16.இரண்டாவது எல் டோராடோ

எல் டோரோடா என்னும் சொல் அதிகப்படியான புதையல் உள்ள இடங்களை குறிக்க பயன்படுத்தப்படும் சொல் என்பது கே.ஜி.எப் திரைப்படம் பார்த்தவர்களுக்கு கண்டிப்பாக தெரிந்திருக்கும்.

க்ரூம் லேக் என அழைக்கப்படும் ஏரிக்கு அருகே இரண்டாம் உலக போருக்கு முன்னர் வெள்ளி மற்றும் ஈய சுரங்கங்கள் இருந்தது பெரும்பாலான மக்களுக்கு தெரியாது.

போர் தொடங்கிய பிறகு இராணுவம் அந்த பகுதியை கையகப்படுத்தி அங்கே ராணுவ அணு ஆயுத சோதனைகளை செய்து வருவதாக கூறப்படுகிறது.

15.ஆற்றல் வாய்ந்த ஆயுதங்கள்

வேற்றுகிரக வாசிகளுடன் ரகசிய சந்திப்பு, செயலலிந்த விண்கலன்களின் சேமிப்பு கூடம், விண்கலன்கள் ஆராய்ச்சி கூடம் என பல வகையான விஷயங்கள் ஏரியா 51 பற்றி கூறப்பட்டு வருகிறது.

அதே போல ஸ்டார்ஜெடிக் டிஃபென்ஸ் இன்டியேட்டிவ் (எஸ்.டி.ஐ) என்னும் குழு அதிக சக்தி ஆற்றல் வாய்ந்த ஆயுதங்களை உருவாக்கவும், செயல்படுத்தவும் ஏரியா 51 ஐ பயன்படுத்தி வருவதாக கூறப்படுகிறது

14.கால பயணம்

ஏரியா 51 பகுதியானது உண்மையில் வானிலை பரிசோதனைக்கு பயன்படுத்தப்பட்டு வருகிறது என்று சிலர் கூறுகின்றனர்.
ஆனால் அதிக கற்பனை சக்திகள் கொண்ட சிலர் காலப்பயணம் செய்யவும் டெலிபொர்டேஷன் என்னும் தொழில்நுட்பத்தை குறித்து ஆய்வு செய்யவும் அந்த பகுதியை பயன்படுத்தி வருவதாக கூறுகின்றனர்.

13.மெஜஸ்டிக் 12

மெஜஸ்டிக் 12 பற்றி உங்களுக்கு தெரிந்திருக்க வாய்ப்புகள் குறைவே. 1947 ஆம் ஆண்டு அப்போதைய ஜனாபதியாக இருந்த ஹாரி எஸ்.ட்ரூமன் வேற்று கிரக விண்கலன்களை பரிசோதனை செய்வதற்கென்று ஒரு ரகசிய குழுவை உருவாக்கினாராம். அந்த குழுவின் பெயரே மெஜஸ்டிக் 12 என கூறப்படுகிறது.

இந்த ரகசிய குழுவில் அரசியல் தலைவர்களும், இராணுவ வீரர்களும் உறுப்பினர்களாக இருந்ததாக கூறப்படுகிறது. ஒருவேளை ஏரியா 51ன் செயல்பாடுகளுக்கும் இவர்களுக்கும் இடையே பெரிய தொடர்பு இருக்கலாம்.

12.தடை செய்யப்பட்ட பகுதி இது மட்டும் கிடையாது.

நெவாடாவில் ஏரியா 51 மட்டும் தடை செய்யப்பட்ட பகுதி கிடையாது. உண்மையில் தடை செய்யப்பட்ட பகுதிகளில் இது மட்டுமே பிரபலமடைந்தது.

1950 இல் இருந்து 1990கள் வரை அமெரிக்க அணு ஆயுதங்கள் நெவாடாவில் தான் பரிசோதனை செய்யப்பட்டன. அங்கே அணு ஆயுத சேதனை செய்யப்பட்ட சோதனை தளம் மற்றும் பயிற்சி நடந்த இடங்கள் ஏற்கனவே அரசால் தடை செய்யப்பட்ட பகுதிகள் ஆகும்.

11.ஒபாமாவும் ஏரியா 51ம்

36 ஆவது கென்னடிக் சென்டர் ஹானர்ஸ் என்ற அமெரிக்காவின் புகழ்பெற்ற விழா 2013 ஆண்டு நடந்தது. அந்த விழாவில் ஒபாமா ஏரியா 51 குறித்து பேசினார். எனவே ஏரியா 51 பற்றி பேசிய முதல் அமெரிக்க அதிபர் ஒபாமா ஆவார்.

ஒபாமா பேசிய போது “ஏரியா 51ல் என்ன நடக்கிறது என அறிய நான் ஷெர்லி மெக்லைனை அழைக்கிறேன்” என்று நகைச்சுவையாக கூறினார். அப்போது அமெரிக்க நடிகை ஷெர்லி யூ.எஃப்.ஓ குறித்து பேசி வந்ததாக கூறப்படுகிறது. மேலும் ஒபாமா “வரலாற்றில் ஏரியா 51 பற்றி பேசிய முதல் அதிபராக நான் ஆகிவிட்டேன்” என கூறினார்.

10.சி.ஐ.ஏ உறுதிபடுத்தும் ஏரியா 51

ஒபாமா இவ்வாறு கேலி செய்வதற்கு சில மாதங்கள் முன்பே, ஏரியா 51 இருப்பதை அதிகாரபூர்வமாக உறுதிப்படுத்தியது அமெரிக்க உளவுத்துறையான சி.ஐ.ஏ.
ஆகஸ்ட் 2013 அன்று புதிதாக வகுக்கப்பட்ட வரலாற்றில் ஏரியா 51 இருப்பதற்கான ஒப்புதல் ஆவணங்கள் இடம்பெற்றன.

செவன் சாப்டர் ஹிஸ்டரி என்னும் அந்த ஆவணம், ஏரியா 51 வான்வழி சோதனைகளுக்கான மையமாக பயன்படுத்தபட்டதாக கூறியது மேலும் யூ-2 (விமானம்) மற்றும் ஆஸ்கார்ட் வான்வழி திட்டம் என்னும் விமானங்கள் குறித்த ஆவணங்களை கொண்டுள்ளது.

09.கார்சன் சிங்க்

நெவாடாவில் கார்சன் சிங்க் என்னும் பகுதியில் 24 ஜூலை 1952 ஆம் ஆண்டு இரண்டு விமான படை கர்னல்கள் மூன்று டெல்டா விங் என்னும் அசாதரண விமானம் வி வடிவத்தில் வானில் பறப்பதை கண்டனர்.
ஏரியா 51க்கு அருகில் மக்கள் யு.எஃப்.ஓ பார்த்த நிகழ்வுகளில் இதுவும் ஒன்றாகும். இதை கூறியது யாரோ சாதரண மனிதர்கள் கிடையாது. அமெரிக்க விமான படையை சேர்ந்தவர்கள்.

08.ஏலியன்களுக்கு சூதாட்டம் பிடிக்கும்

1965 முதல் 1967 வரை நெவாடாவில் உள்ள நெல்லிஸ் விமானப்படை தளத்தில் பணிப்புரிந்தவர் சார்லஸ் ஹால். அவர் வித்தியாசமான உயரமான வெள்ளை மனிதரை பார்த்ததாகவும் அந்த மனிதர் சூதாட்டத்தை மிகவும் விரும்பினார் என்றும் கூறினார்.

அவர் கூறிய சிறிது நாட்களில் அந்த ஊரில் உள்ள பல கெசினோக்களை சி.ஐ.ஏ அடிக்கடி வந்து சோதனையிட்டதாக கூறப்படுகிறது.

07.ஏலியன் அஞ்சல்பெட்டி

ஏரியா 51 இல் தான் வேலைபார்த்ததாகவும் வேற்று கிரக ஆராய்ச்சிகள் அங்கு நடப்பதாகவும் வெளியே சொன்னவர்தான் பாப் லாசர்.
அவரின் கூற்றுப்படி மக்கள் யு.எஃப்.ஓ விமானங்களை காணவும் ஏலியன்களிடம் பேசவும் உகந்த இடம் ஒன்று உள்ளது. அந்த இடம்தான் ப்ளாக் மெயில் பாக்ஸ்.

ஏரியா 51லிருந்து 12 மைல் தொலைவில் இருக்கும் இந்த இடத்தில் நின்று பேச வேற்றுகிரக வாசிகளை நம்புவோர் இன்றும் வந்து செல்கின்றனர். அதாவது மனிதனுக்கு வேற்றுகிரகவாசிக்கும் இடையே உள்ள அஞ்சல் பெட்டி இந்த இடம் என கூறப்படுகிறது.

06.யார் இந்த பாப் லாசர்

யார் இந்த பாப் லாசர் இவருக்கும் ஏரியா 51க்கும் என்ன தொடர்பு என பலர் யோசிக்கின்றனர்.
1980களில் வேற்றுகிரக தொழில்நுட்பத்தை ஆராய வேலைக்கு அமர்த்தப்பட்ட பொறியாளர்களில் தானும் ஒருவன் என கூறிக்கொள்பவர் தான் இந்த பாப் லாசர்.

05.அமெரிக்க கடற்படையே உறுதிப்படுத்தியது

செப்டம்பர் 2019 அன்று அமெரிக்க நேவி கடற்படையிடம் சில விசித்திர காட்சிகள் கிடைத்தன. அதில் யூ.எஃப்.ஓ எனும் வேற்றுகிரக விண்கலம் இருப்பதை உறுதிப்படுத்தியது.

அந்த புகைப்படம் துல்லியமாக இருந்தும் உயர் அதிகாரிகள் அது யூ.எஃப்.ஓ இல்லை என கூறினார்கள். அதற்காக அவர்கள் அதை பொய் என்றும் கூறவில்லை.

04.பாப் லாசரின் விளக்கங்கள்

பாப் லாசரை உண்மையில் ஊடகங்கள் நம்பவில்லை. உண்மையில் அவர் கூறும் பல கூற்றுகள் அவர் தானாக உருவாக்கி கொண்டு தான் பிரபலமாவதற்காக செய்வதாக பலர் கூறினர்.

ஆனால் சில காலங்களுக்கு பிறகு அவரது கூற்றிலும் உண்மை இருப்பது தெரிந்தது. ஏனெனில் யூ.எஃப்.ஓ வை பார்த்த கடற்படை அதிகாரிகளில் மூவரில் ஒருவர் கூறியது பாப் லாசரின் கருத்தோடு ஒத்திருந்தது.

03.வேலிகள் இல்லாத இடம்

அமெரிக்காவின் மிகவும் தடைசெய்யப்பட்ட பகுதிகளில் ஒன்றாக ஏரியா 51 உள்ள போதும் அதை சுற்றி எந்த வேலியும் போடப்படவில்லை.
ஏரியை போல ஒரு அகன்ற குழியில் ஏரியா 51 அமைக்கப்பட்டதால் அவ்வளவு எளிதாக யாரும் அங்கே வந்துவிட முடியாது. எனவேதான் அங்கே எந்த வேலிகளும் அமைக்கபடவில்லை.

மேலும் அது பாலைவனம் போன்ற பிரமாண்டமான தரிசான நிலத்துக்கு நடுவே அமைந்துள்ளது. இதனால் இந்த இடத்துக்கு வேலி போட வேண்டிய எந்த அவசியமும் நேரவில்லை.

02.புயல் ஏரியா 51

ஜூன் 20,2019 ஆம் ஆண்டு பாட்காஸ்டர் ஜோ ரோகன் என்பவர் பாப் லாசருடன் ஒரு நேர்காணலை நிகழ்த்தி அதை வெளியிட்டார். மில்லியன் கணக்கான மக்கள் அந்த நேர்காணலை கண்டனர். அந்த நேர்காணலை கண்டவர்களில் 21 வயதான கல்லூரி மாணவரும், டை ஹார்டு கேமரும் ஆன மெட்டி ராபட்ஸும் ஒருவர்.

இந்த நேர்காணலால் ஈர்க்கப்பட்ட மெட்டி ராபர்ட்ஸ் “ஸ்ட்ரோம் ஏரியா 51 அவர்களால் நம்மை தடுத்து நிறுத்த முடியாது” என்கிற பெயரில் ஃபேஸ்புக் பக்கத்தை துவங்கினார். இந்த குழுவில் உள்ளவர்கள் செப்டம்பர் 20 ஆம் தேதி காலையில் ரேச்சல் நகரில் கூட வேண்டும் என திட்டமிட்டனர்.

அரசாங்கம் உண்மையில் அங்கு வேற்றுகிரக உயிரினங்களை மறைத்து வைத்துள்ளார்களா? என்பதை கண்டுப்பிடிக்க ஒரு கூட்டத்தை கூட்டினர்.

01.ஏலியன் கேட் ஹவுஸ்

ஏலியனை விரும்பும் மக்கள் ரேச்சலுக்கு வருபவர்கள் தனியாக இருக்க விரும்பினால் அவர்களுக்காக ரேச்சலுக்கு அருகே ஒரு இடம் இருக்கிறது. அதுதான் ஏலியன் கேட் ஹவுஸ்.

இந்த இடத்தில் சரியாக என்ன நடக்கிறது என்றால் பாலியல் தொழில்கள், விபச்சாரங்கள், ஏலியன்கள் போல் செய்யப்பட்ட பொருட்கள் விற்கும் கடைகள் கொண்ட ஒரு சட்ட்பூர்வமான விபச்சார விடுதி இந்த ஏலியன் கேட் ஹவுஸ் ஆகும்.

கருத்துகள் இல்லை:

கருத்துரையிடுக