சிறிது நேரத்தில் ஒரு தூக்கணாங்குருவி பறந்து வந்தது. தன் கூட்டுக்குள் சிட்டுக்குருவி இருப்பதைப் பார்த்து, குருவி அக்கா எங்கள் வீட்டிற்குள் எதற்கு நுழைந்தாய் வெளியே போ என்றது. நான் போகமாட்டேன். 

உன்னால் முடிந்ததை பார்த்துக் கொள். இனிமேல் இது என் வீடு என்றது குருவி.

தூக்கணாங்குருவி அங்கிருந்து வருத்தத்துடனும், யோசனையுடனும் பறந்து போனது. சிட்டுக்குருவி, கூட்டில் மகிழ்ச்சியாக உட்கார்ந்துக் கொண்டிருந்தது. 

திடீரென்று தூக்கணாங்குருவிகளின் கூட்டம் பறந்து வந்து, ஒவ்வொன்றும் ஈரமண்னை அலகில் கொத்தி வந்து, கூட்டின் வாசலைக் கொஞ்சம் கொஞ்சமாக அடைத்தன. அந்த சிட்டுக்குருவியை கூட்டுக்குள் வைத்து அடைத்துப் பூசிவிட்டுப் பறந்து போயின. 

அடுத்தவர்களின் வீட்டிற்குள் நுழைந்தது தவறு என தாமதமாக உணர்ந்த சிட்டுக்குருவி, அந்தக் கூட்டிற்க்குள்ளேயே மூச்சடைத்து இறந்து போனது.

நீதி :

அடுத்தவர் பொருளுக்கு ஆசைப்படக் கூடாது.