இதனால், அதிர்ச்சியடைந்த நேரு மருத்துவமனை நிர்வாகத்திடம் தன்னையும் தனது மனைவியையும் உடனடியாக டிஸ்ஜார்ஜ் செய்ய வேண்டும் என்றும், தாங்கள் செலுத்திய ரூ.8 லட்சம் கட்டணத்தை திருப்பி தர வேண்டும் என்றும் கோரியுள்ளார். ஆனால், மருத்துவமனை நிர்வாகம் ரூ.1 லட்சத்தை மட்டும் திருப்பிக் கொடுத்துவிட்டு எஞ்சிய பணத்தை கொடுக்க முடியாது என்று தெரிவித்துள்ளது.
எனவே, மாவட்ட நிர்வாகம் மற்றும் தமிழக அரசுக்கு இதுதொடர்பாக நேரு மனு அளித்துள்ளார். ஆனால், எந்த நடவடிக்கையும் எடுக்கப்படவில்லை என தெரிகிறது. அதனைத்தொடர்ந்து, தாங்கள் செலுத்திய பணத்தை மீட்டு தருமாறு கோரிக்கை விடுத்து உயர் நீதிமன்ற மதுரை கிளையில் நேரு வழக்கு தொடர்ந்துள்ளார்.
இந்த வழக்கானது நீதிபதி ஜி.ஆர்.சுவாமிநாதன் அமர்வு முன்பு இன்று விசாரணைக்கு வந்த போது, இல்லாத கொரோனாவுக்கு 8 லட்சம் ரூபாய் வசூல் செய்தது எப்படி என கேள்வி எழுப்பிய நீதிபதிகள், இதுதொடர்பாக தமிழக அரசும், மருத்துவமனை நிர்வாகமும் பதிலளிக்க உத்தரவு பிறப்பித்து, வழக்கு விசாரணையை 21ஆம் தேதிக்கு ஒத்தி வைத்தனர்.
கருத்துகள் இல்லை:
கருத்துரையிடுக