தொழில் வாழ்க்கையில் பிரச்சனை என்றாலோ, வீட்டில் தீராத பிரச்சனை இருந்தாலும் உங்கள் வீட்டில் இருக்கும் படிக்கட்டுகள் காரணமாக இருக்கலாம். அதனால், கீழ்கண்ட விஷயத்தை பின்பற்றினால், உங்கள் தடை கற்கள் எல்லாம் படிக்கற்களாக மாறும்.
இதனால், உங்களுடையை பிரச்சனைக்கு ஒரு விடிவுகாலம் பிறக்கும் என்பது உறுதி. வீட்டில் அமைந்துள்ள படிக்கட்டுகளுக்கும், அந்த வீட்டில் வாழும் மக்களின் மகிழ்ச்சி,வளம் மற்றும் முன்னேற்றத்திற்கும் ஆழமாக தொடர்பு உள்ளது எனவாஸ்து சாஸ்திரம் கூறுகிறது. இதனால்தான் உங்கள் வீட்டில் படிக்கட்டுகளை கட்டும் போது சில விஷயங்களை கவனித்துக்கொள்ள வேண்டும் (Vastu Tips).
படிக்கட்டுகள் அமைந்துள்ள திசை மற்றும் அதன் எண்ணிக்கையை குறிப்பாக கவனத்தில் கொள்ள வேண்டும்.
1. மேற்கு, தென்மேற்கு, மத்திய
மேற்கு மற்றும் வடமேற்கு எந்த ஒரு கட்டிடத்திலும் படிக்கட்டுகளை கட்ட ஏற்றது என்று
கூறப்படுகிறது.
2. வாஸ்து சாஸ்திரப்படி, வடகிழக்கில் படிகட்டுகளை அமைக்கக்கூடாது. வீட்டின் வடகிழக்கில்
படிகட்டுகள் இருந்தால், வீட்டில் பண தட்டுப்பாடு இருக்கும்.
3. இரு முனைகளிலும் நுழைவாயில்கள் கொண்ட ஒரு படிக்கட்டுகள், வாஸ்து ரீதியாக ஒரு
சிறந்த படிக்கட்டுகளாக கருதப்படுகிறது. ஆனால் இந்த கதவுகள் கிழக்கு அல்லது வடக்கு
திசையில் திறக்கப்பட வேண்டும் என்பதை நினைவில் கொள்ளுங்கள்.
4. படிக்கட்டுகளை கட்டும் போது, வளைவை கிழக்கிலிருந்து தெற்கிலும்,
தெற்கிலிருந்து மேற்கிலும், மேற்கிலிருந்து வடக்கிலும், வடக்கே கிழக்கிலும்
வைக்கவும். இதன் பொருள் ஏறும் போது, படிக்கட்டுகள் எப்போதும் இடமிருந்து வலம்
நோக்கி வளைவதாக வேண்டும்.
5. ஒருபோதும் படிக்கட்டுகளுக்கு அடியில் எதையும் கட்ட வேண்டாம். குளியலறைகள்,
சமையலறைகள் ஆகியவற்றை அமைக்க கூடாது. செருப்புகள், காலணிகள் போன்றவற்றை வைக்கும்
இடமாகவும் பயன்படுத்தக் கூடாது.
6. படிக்கட்டுகளின் அகலம் ஒரு மீட்டருக்கும் குறைவாக இருக்கக்கூடாது.
7. படிக்கட்டுகள் வெளிச்சம் அல்லது காற்றின் பாதையை தடுப்பதாக இருக்கக் கூடாது.
8. பெரிய அரங்குகளில்
படிக்கட்டுகள் கட்டும்போது அனைத்து படிக்கட்டுகளும் எளிதில் அணுகக்கூடியதாக
கட்டப்பட வேண்டும்.
9. வீட்டில் கட்டப்படும் படிக்கட்டுகளின் எண்ணிக்கை 12 ஐ தாண்டக்கூடாது.
10. வீட்டில் படிக்கட்டுகளை தவறாமல் தினமும் சுத்தம் செய்ய வேண்டும்.
11. படிக்கட்டுகள் முழுமையாக கட்டி முடிக்கப்பட்டிருக்க வேண்டும். அரைகுறையான
வகையில் கட்டப்பட்டிருக்க கூடாது.
மேலே கூறப்பட்டுள்ள விஷயங்களை கருத்தில் கொண்டு படிக்கட்டுகளை அமைத்தால், நீங்கள் சந்திக்கும் வீட்டு பிரச்சனைக்கும், தொழில் ரீதியிலான பிரச்சனைகளுக்கும் விரைவில் தீர்வு கிடைக்கும்.
இது போன்ற பல்வேறு செய்திகள், கதைகள் ,பொழுதுபோக்கு துணுக்குகள்,மின்னணு புத்தகங்கள் போன்றவற்றை பெற எங்கள் டெலிகிராம் சேனல்-லில் இணைந்து கொள்ளவும்
கருத்துகள் இல்லை:
கருத்துரையிடுக