வாட்ஸ்ஆப்பில் இணைந்துள்ள புதிய ஷாப்பிங் பட்டன்... இதனால் என்ன பயன்... இதை எப்படி பயன்படுத்துவது... இதோ முழு விவரங்கள்...
வாட்ஸ்ஆப்
நிறுவனம் அதன் ஆப்பில் ஒரு புதிய ஷாப்பிங் பட்டனை சேர்த்துள்ளது. இந்த புதிய ஷாப்பிங்
பட்டன் ஆனது வாடிக்கையாளர்களுக்கு பிஸ்னஸ் பட்டியலைக் கண்டுபிடிப்பதை எளிதாக்கும்.
அதாவது குறிப்பிட்ட வணிகத்தால் எந்த பொருட்கள் அல்லது சேவைகள் வழங்கப்படுகின்றன என்பதை
கண்டறியும் செயல்முறையை எளிதாக்கும்.
இந்த புதிய ஷாப்பிங் பட்டன் ஆனது குறிப்பிட்ட வணிகங்களின் தயாரிப்புகளை மக்கள் கண்டுபிடிப்பதை எளிதாக்கும் என்றும், இது குறிப்பிட்ட வணிகத்தின் விற்பனையை அதிகரிக்க உதவும் என்றும் வாட்ஸ்ஆப் நிறுவனம் கூறுகிறது.
வாட்ஸ்ஆப்பின் கூற்றுப்படி, ஒவ்வொரு நாளும் 175 மில்லியனுக்கும் அதிகமான மக்கள்
ஒரு வாட்ஸ்ஆப் பிஸ்னஸ் அக்கவுண்டிற்கு மெசேஜ் அனுப்புகிறார்கள், மேலும் 40
மில்லியனுக்கும் அதிகமான மக்கள் ஒவ்வொரு மாதமும் ஒரு பிஸ்னஸ் கேட்லாக்கை
பார்வையிடுகிறார். இதில் இந்தியாவில் 3 மில்லியனுக்கும் அதிகமானோர் உள்ளனர்.
இந்தியாவில், 400 மில்லியனுக்கும் அதிகமான வாட்ஸ்ஆப் பயனர்கள் உள்ளனர். சமீபத்தில்
தான் வாட்ஸ்ஆப் நிறுவனம் அதன் யூனிஃபைட் பேமென்ட்ஸ் இன்டர்ஃபேஸ் (யுபிஐ) மூலம்
இயக்கப்படும் வாட்ஸ்ஆப் பேமண்ட்ஸ் அம்சத்தினை அறிமுகம் செய்தது.
இந்த வாட்ஸ்ஆப் பேமண்ட்ஸ் அம்சத்துடன், பயனர்கள் இப்போது ஒரு வாட்ஸ்ஆப் பிஸ்னஸ்
அக்கவுண்ட்டின் ப்ரோபைலுக்கு அருகில் ஷாப்பிங் பட்டனையும் காண்பார்கள்.
இந்த பட்டன் ஸ்டோர்ஃபிரண்ட் (storefront ) ஐகான் போல் காட்சியளிக்கும். இது
முந்தைய செட்டிங்ஸ்-ஐ முழுவதுமாக மாற்றுகிறது. முன்னதாக ஒரு பயனர் கேட்லாக்கைக்
காண பிஸ்னஸ் அக்கவுண்ட் ப்ரொபைலை டேப் செய்ய வேண்டியிருந்தது. ஆனால் இப்போது
ஷாப்பிங் பட்டனை டாப் செய்தால் கேட்லாக் திறக்கப்படும் மற்றும் பயனர்கள் வாங்க
விரும்பும் பொருட்களை தேடி ப்ரவுஸ் செய்ய முடியம்.
இந்த புதிய ஷாப்பிங் பட்டன் இப்போது உலகம் முழுவதும் கிடைக்கிறது மற்றும் இந்த
புதிய அம்சம் பிஸ்னஸ் அக்கவுண்ட்களில் ஏற்கெனவே உள்ள வாய்ஸ் கால் பட்டனை
மாற்றியமைக்கும் என்றும் வாட்ஸ்ஆப் நிறுவனம் கூறுகிறது.
இனிமேல் வாய்ஸ் கால் பட்டனைக் கண்டுபிடிக்க, ஒரு பயனர் பிஸ்னஸ் அக்கவுண்ட்டில்
காணப்படும் கால் பட்டனை டாப் செய்ய, அதிலிருந்து வாய்ஸ் அல்லது வீடியோ அழைப்பைத்
தேர்ந்தெடுக்கலாம்.
வாட்ஸ்ஆப் பிஸ்னஸ் அக்கவுண்ட்டிற்கு அடுத்ததாக உள்ள ஷாப்பிங் பட்டனை
பயன்படுத்துவது எப்படி?
- வாட்ஸ்ஆப்பில் உள்ள எந்தவொரு பிஸ்னஸ் அக்கவுண்ட்டிற்கும் செல்லுங்கள். அது
நீங்கள் வழக்கமாக சாட் செய்யும் ஒரு உள்ளூர் பேக்கரி அல்லது உள்ளூர் விற்பனையாளராக
கூட இருக்கலாம்.
- விற்பனையாளர் தங்கள் பிஸ்னஸ் அக்கவுண்ட்டில் ஒரு கேட்லாக்கை (catalog)
பதிவேற்றியிருந்தால், நீங்கள் குறிப்பிட்ட அக்கவுண்ட் பெயருக்கு அடுத்ததாக ஒரு கடை
போன்ற சின்னத்தைக் காண்பார்கள்.
- அந்த சினத்தை கிளிக் செய்யவும், கேட்லாக் திறக்கப்படும், அது குறிப்பிட்ட
வணிகத்தால் கிடைக்கும் தயாரிப்புகளின் பட்டியலை காண்பிக்கும். நீங்கள் அந்த
பட்டியலில் உலாவலாம் மற்றும் ஒவ்வொரு தயாரிப்புகளின் படங்களையும் பார்க்கலாம்.
நீங்கள் ஒரு தயாரிப்பை விரும்பினால், ஒவ்வொரு படத்திற்கும் கீழே உள்ள Message Business
பட்டனை கிளிக் செய்ய, அந்த குறிப்பிட்ட தயாரிப்பு குறித்த வினவலை நீங்கள்
எழுப்பலாம்.
குறிப்பிட்ட விற்பனையாளர்கள் தங்கள் பிஸ்னஸ் அக்கவுண்ட்டில் ஒரு கேட்லாக்கை
(catalog) பதிவேற்றியிருந்தால் மட்டுமே வாடிக்கையாளர்கள் ஒரு கடை போன்ற சின்னத்தை
காண முடியும் இல்லையென்றால் பார்க்க முடியாது என்பது குறிப்பிடத்தக்கது
கருத்துகள் இல்லை:
கருத்துரையிடுக