Turn Your Memories into Beautiful Gifts 🎁 – Order Now
Click here to join our WhatsApp channel
செவ்வாய், 22 டிசம்பர், 2020
Mi 11 Pro மற்றும் Mi 11 டிச.28-இல் அறிமுகம்; விலை இவ்ளோதானா?
ஊர்க்கோடாங்கி
செவ்வாய், டிசம்பர் 22, 2020
சியோமி நிறுவனம் அதன் மி 11 தொடர்
ஸ்மார்ட்போன்களின் அதிகாரப்பூர்வ வெளியீட்டு தேதியை அறிவித்தது. என்ன விலை,
என்னென்ன அம்சங்கள், இதோ முழு விவரங்கள்.
சியோமி நிறுவனத்திடம் இருந்து மிகவும்
எதிர்பார்க்க்கப்படும் மி 11 தொடர் ஸ்மார்ட்போன்களின் வெளியீட்டு தேதி
அதிகாரப்பூர்வமாக அறிவிக்கப்பட்டுள்ளது. அடுத்த தலைமுறை மி ஃபிளாக்ஷிப்
ஸ்மார்ட்போன்கள் ஆனது வருகிற டிசம்பர் 28 ஆம் தேதி அறிமுகமாகும்.சீன சமூக ஊடகமான
வெய்போ வழியாக சியோமி நிறுவனம் இதை வெளிப்படுத்தியது.
சமீபத்தில் அறிமுகமான குவால்காம் ஸ்னாப்டிராகன்
888 SoC உடன் அறிமுகமாகும் முதல் சில மாடல்களில் Mi 11 ஸ்மார்ட்போனும் ஒன்றாகும்
என்பது ஏற்கனவே உறுதிப்படுத்தப்பட்டுள்ளது. இதுவரை வெளியான சியோமியின் அறிமுகங்களை
வைத்து பார்க்கும் போது, இந்த தொடரின் கீழ் மி 11 ப்ரோவுடன் மி 11 மாடல் வர
வாய்ப்புள்ளது.
சியோமி மி 11 தொடர்
ஸ்மார்ட்போன்களின் வெளியீட்டு விவரங்கள்:
அதிகாரப்பூர்வ வெய்போ பதிவின் படி, சியோமி மி
11 மாடல்கள் வருகிற டிசம்பர் 28 ஆம் தேதி இரவு 7:30 மணிக்கு, இந்திய நேரப்படி மாலை
5 மணிக்கு சீனாவில் அறிமுகம் செய்யப்படும். மி 11 ப்ரோ மாடல் வழக்கமான மி 11 உடன்
அறிமுகமாகுமா என்பது இன்னும் உறுதிப்படுத்தவில்லை. அதே சமயம் Mi 11 ஸ்மார்ட்போனின்
உலகளாவிய அறிமுகமும் இன்னும் அறிவிக்கப்படவில்லை.
மி 10 தொடர் ஸ்மார்ட்போன்கள் அறிமுகமான சில
மாதங்களிலேயே Mi 11 தொடரும் அறிமுகமாவதால், புதிய மி 11 ஸ்மார்ட்போன் 2021 ஆம்
ஆண்டின் தொடக்கத்தில் தான் உலக சந்தைகளுக்குள் வரும் என்று நம்பப்படுகிறது.
நினைவூட்டும் வண்ணம், Mi 10 மற்றும் Mi 10 Pro
ஸ்மார்ட்போன்கள் கடந்த பிப்ரவரியில் சீனாவில் அறிமுகமாகி மார்ச் மாதத்தில் உலக
சந்தைகளை அடைந்தது. இந்தியாவில் மி 10 மாடல் மட்டுமே அறிமுகம் செய்யப்பட்டது.
சமீபத்திய லீக்ஸ் அறிக்கையின்படி, மி 11 ஸ்மார்ட்போன் ஆனது இந்திய மதிப்பின்படி
தோராயமாக ரூ.45,100 முதல் ரூ.50,700 வரைக்குள் எங்காவது ஒரு புள்ளியில் விலை
நிர்ணயிக்கப்படலாம். அதே அறிக்கை Mi 11 Pro ஆனது சுமார் ரூ.60,000 - ரூ.62,000
க்கு இடையில் ஒரு விலைக் குறியீட்டை பெறலாம் என்றும் பரிந்துரைத்தது.
சியோமி மி 11 தொடர் ஸ்மார்ட்போன்களில் (எதிர்பார்க்கப்படும்)
அம்சங்கள்:
இந்த மாத தொடக்கத்தில் நடந்த குவால்காம் ஸ்னாப்டிராகன் தொழில்நுட்ப உச்சி மாநாடு
2020-இல், சியோமியின் தலைமை நிர்வாக அதிகாரியான லீ ஜுன், மி 11 ஸ்மார்ட்போன் ஆனது
ஸ்னாப்டிராகன் 888 SoC உடன் வெளிவரும் நிறுவனத்தின் முதல் ஸ்மார்ட்போனாக இருக்கும்
என்று அறிவித்தார்.
இருப்பினும் அவர் வரவிருக்கும் புதிய மி
ஸ்மார்ட்போன் குறித்த பிற விவரங்களை பற்றி பேசவில்லை. ஆயினும்கூட, போதுமான அளவில்
வெளியான லீக்ஸ் தகவல்கள் பெரும்பாலான மி 11 அம்சங்களை வெளிப்படுத்தியுள்ளன.
அதன்படி மி 11 ஸ்மார்ட்போன் ஆனது 6 இன்ச் கியூஎச்டி + அமோலேட் டிஸ்ப்ளே, 120
ஹெர்ட்ஸ் ரெஃப்ரெஷ் ரேட், 108 மெகாபிக்சல் முதன்மை சென்சார், 13 மெகாபிக்சல்
அல்ட்ரா-வைட்-ஆங்கிள் ஷூட்டர் மற்றும் 5 மெகாபிக்சல் டெலிஃபோட்டோ ஷூட்டர் என்கிற
ட்ரிபிள் ரியர் கேமரா அமைப்பு, ஆண்ட்ராய்டு 11 ஓஎஸ், 12 ஜிபி ரேம் போன்ற பிரதான
அம்சங்களை கொண்டிருக்கும்.
சியோமி மி 11, மி 10 தொடர் ஸ்மார்ட்போன்கள் ஆனது ஹோல்-பஞ்ச் டிஸ்பிளே
வடிவமைப்பையும் தக்க வைத்துக் கொள்ள வாய்ப்புள்ளது. மேலும் இந்த ஸ்மார்ட்போன்களில்
கர்வ்டு டிஸ்பிளே மற்றும் மெல்லிய பெஸல்களையும் நீங்கள் எதிர்பார்க்கலாம்.
Mi 11 ஸ்மார்ட்போனில் 55W சார்ஜிங் ஆதரவுடன் 2,390mAh பேட்டரியை சியோமி வழங்குவதாக
வதந்திகள் பரவியுள்ளது. இந்த ஸ்மார்ட்போன் பாஸ்ட் சார்ஜிங்-ஆதரவு சார்ஜருடன்
தொகுக்கப்படும்.
குறிப்பு: படங்கள் அனைத்தும் மாதிரிக்காக / உதாரணத்திற்காக கூகிளில் இருந்து எடுத்து வழங்கப்படுபவையே
கருத்துகள் இல்லை:
கருத்துரையிடுக