சருமத்தில் இருக்கும் பிரச்சனைகளை தீர்க்க பாரம்பரிய பொருள் கடலை மாவு நிச்சயம் உதவும். அவை சருமத்துக்கு தரும் நன்மைகள் குறித்து பார்த்திருக்கிறோம். சரும பிரச்சனைகள் என்ன, அதற்கு கடலை மாவை எப்படி எதனுடன் பயன்படுத்த வேண்டும் என்று பார்க்கலாம்!

எல்லாவிதமான சருமத்தினரும் கடலை மாவு பயன்படுத்தலாம். இதை தான் பாரம்பரியமாகவே பாட்டிகள் தோல் பராமரிப்புக்காக பயன்படுத்தியும் வந்தார்கள்.

இது முகபளபளப்புக்கு மட்டும் அல்லாமல் முகத்தில் இருக்கும் முகப்பரு, கருந்திட்டுகள், சரும நிறமாற்றம், தேவையற்ற முடி வளர்தல் போன்ற பிரச்சனைகளையும் உண்டாக்கும். கடலை மாவு மட்டும் வைத்து எப்படி உங்கள் சரும பிரச்சனைகளை தீர்ப்பது என்று பார்க்கலாம்.

முகத்தில் தேவையற்ற முடிகளை நீக்க கடலை மாவு ஃபேஸ் பேக்

தேவை

கடலை மாவு - 1 டீஸ்புன்

முட்டை - 1

சர்க்கரை - 1 டீஸ்பூன்

கார்ன் ஃப்ளோர் -1 டீஸ்பூன்

அகலமான கிண்ணத்தில் முட்டையின் வெள்ளைக்கருவை முதலில் உடைத்து ஊற்றவும். பிறகு கார்ன்ஃப்ளோர் மாவு சர்க்கரை, கடலை மாவு அனைத்தையும் சேர்க்கவும். இதை ப்ளெண்டரில் நன்றாக கலந்து அடிக்க வேண்டும்.

இதை முகத்தில் முடிகள் இருக்கும் இடத்தில் வட்ட இயக்கங்களில் தடவி முடி வளர்வதற்கு எதிர்திசையில் வளர செய்யவும். பிறகு இவை நன்றாக உலரவிடவும். உலர்ந்ததும் தண்ணீரில் நனைத்த காட்டன் பாலை தொட்டு நனைத்து பிறகு குளிர்ந்த நீரில் கழுவி எடுக்கவும். முடிகள் நீங்கும் வரை இதை ஒரு நாள் விட்டு ஒருநாள் அல்லது மூன்று நாளைக்கு ஒருமுறை செய்துவிடவும்.

சருமத்தை சுத்தம் செய்ய கடலைமாவு ஃபேஸ் பேக்

தேவை

பாதாம் - 5

கடலைமாவு - 2 டீஸ்பூன்

எலுமிச்சை சாறு - 2 டீஸ்பூன்

பால் - தேவைக்கு

முதலில் பால் மற்றும் எலுமிச்சைசாறு சேர்த்து அடர்த்தியில்லாமல் கலக்கவும். பாதாமை ஊறவைத்து தோல் உரித்து மிக்ஸியில் பொடியாக அரைக்கவும். இதனுடன் கடலைமாவு சேர்த்து பால் மற்றூம் எலுமிச்சை கலவையில் கலக்கவும்.

இந்த பேஸ்ட்டை முகத்தில் தடவி உலர விடவும். பிறகு வெதுவெதுப்பான நீரில் கழுவி எடுக்கவும். இது சருமத்தை சுத்தம் செய்கிறது. சருமத்தை வறட்சியிலிருந்து வெளியேற்றி ஈரப்பதமாக்குகிறது.

முகப்பருவுக்கு கடலை மாவு ஃபேஸ் பேக்

தேவை

கடலை மாவு - 1 டீஸ்பூன்

வேப்ப இலை - 8

துளசி இலை - அரை கைப்பிடி

எலுமிச்சை சாறு - கால் டீஸ்பூன்

வேப்ப இலை, துளசி இலை இரண்டையும் சுத்தம் செய்து மிக்ஸியில் நைஸாக அடிக்கவும். இதனுடன் கடலை மாவு கலந்து எலுமிச்சை சாறு சேர்த்து பேஸ்ட் பதத்துக்கு குழைத்து முகப்பரு இருக்கும் இடங்களில் மட்டும் பற்று போல் போட வேண்டும்.

முகப்பருக்கள் அதிகமாக இருந்தால் அவர்கள் முகம் முழுவதும் பயன்படுத்தலாம். இது சருமத்தில் சுரக்கும் எண்ணெய்பசை சுரப்பை கட்டுப்படுத்தி முகப்பருவை தடுக்க செய்யும்.

இறந்த செல்களை நீக்க கடலை மாவு ஃபேஸ் பேக்

தேவை

ஓட்ஸ் - 1 டீஸ்பூன்

கடலை மாவு - 1 டீஸ்பூன்

அரிசி நொய் - 2 டீஸ்பூன்

தேன் - 1 டீஸ்பூன்

எலுமிச்சை சாறு - கால் டீஸ்பூன்

பன்னீர் - தேவைக்கு

கடலைமாவுடன் ஓட்ஸ், அரிசி நொய் சேர்த்து மூன்றையும் கலக்கவும். இதனுடன் தேன், எலுமிச்சைச்சாறு சேர்த்து பன்னீர் கலந்து குழைத்து முகம் மற்றும் கழுத்து எஞ்சியிருந்தால் கைகள் கால்களில் முட்டிகளிலும் மென்மையாக ஸ்கரப் செய்யலாம்.

நன்றாக ஸ்க்ரப் செய்ததும் 10 நிமிடங்கள் கழித்து ரோஸ் வாட்டர் கலந்து முகத்தை கழுவி எடுக்கவும். இது இறந்த செல்களை நீக்கி புது செல்கள் வளர்வதை ஊக்குவிக்கும். சருமத்தின் மூன்று அடுக்கிலும் இவை நுழைத்து சுத்தம் செய்து சருமத்தை மென்மையாக வைக்கவும் செய்கிறது.

மந்தமான சருமத்துக்கு கடலைமாவு ஃபேஸ் பேக்

எந்த சருமமாக இருந்தாலும் எண்ணெய்பசை, வறட்சியான, காம்பினேஷனாக இருந்தாலும் அதற்கு கடலை மாவு ஃபேஸ் பேக் பயன்படுத்தலாம்.

தேவை

கடலை மாவு - 2 டீஸ்பூன்

சந்தன தூள் - அரை டீஸ்பூன்

பன்னீர் - 3 டீஸ்பூன்

அனைத்தையும் கலந்து முகத்தில் மசாஜ் போன்று மென்மையாக தேய்த்து முகத்தில் பேக் போடவும். 20 முதல் 30 நிமிடங்கள் கழித்து முகத்தை சுத்தமான காட்டனில் நனைத்து துடைத்து எடுக்கவும். இது முகத்துக்கு குளிர்ந்த தன்மையை கொடுப்பதோடு சருமத்தை புத்துணர்ச்சியாக்கவும் பயன்படுகிறது.

சரும கருமையை நீக்க கடலைமாவு ஃபேஸ் பேக்

தேவை

கடலை மாவு - 1 டீஸ்பூன்

பப்பாளி மசித்தது - 2 டீஸ்பூன்

ஆரஞ்சு சாறு - 1 டீஸ்பூன்

மூன்றையும் நன்றாக கலந்து முகத்தில் பேக் போடவும். இலேசாக வட்ட வடிவத்தில் மசாஜ் போல் செய்துவிடவும். 15 நிமிடங்கள் வைத்திருந்து மந்தமான நீரில் கழுவி எடுக்கவும். முகத்தின் கருமை நீங்கும் வரை இதை செய்துவரலாம். விரைவில் பலன் கிடைக்கும்.

வறட்சியான சருமத்தை போக்க கடலைமாவு ஃபேஸ் பேக்

தேவை

கடலை மாவு - 1 டீஸ்பூன்

வாழைப்பழம் மசித்தது - 3 டீஸ்பூன்

தேன் - 2 டீஸ்பூன்

வைட்டமின் இ ஆயில் அல்லது ஆலிவ் ஆயில் - 1 டீஸ்பூன்

வாழைப்பழம் மசித்து அதனுடன் கடலை மாவு கலந்து நன்றாக குழைத்து தேன் கலந்து பேஸ்ட் பதத்துக்கு ஆக்கவும். சற்று நீர்த்து இருந்தால் பரவாயில்லை. இதை முகம் முழுக்க தடவி 10 நிமிடங்கள் கழித்து வெதுவெதுப்பான நீரில் கழுவவும். வறட்சி ஓரளவு குறையும் வரை இதை அடிக்கடி செய்யலாம். பிறகு வாரம் ஒரு மூறை வரை செய்யலாம்.  கடலைமாவு கொண்டு செய்யும் ஃபேஸ் பேக் என்னென்ன என்பதை பிறகு பார்க்கலாம்.