உங்கள் வீட்டில் ஆண்ட்ராய்டு ஸ்மார்ட் டிவி இருக்கிறதா? உங்கள் ரிமோட் கைக்கு அருகில் இல்லையா? கவலைப்பட வேண்டாம், எப்படியும் உங்கள் கைகளில் அல்லது கைக்கு அருகில் உங்கள் ஸ்மார்ட்போன் நிச்சயமாக இருக்கும் என்று நம்புகிறோம். அப்படி உங்கள் கைக்கு அருகில் ஸ்மார்ட்போன் இருந்தால், அதை சில நிமிடங்களில் டிவி ரிமோட்டாக மாற்றம் செய்து பயன்படுத்தலாம். உண்மையாகத் தான் சொல்கிறோம், உங்களுடைய ஸ்மார்ட்போனை இப்போது நீங்கள் உங்கள் ஆண்ட்ராய்டு ஸ்மார்ட்டிவிக்கான ரிமோட்டாக பயன்படுத்தலாம்.
ஆண்ட்ராய்டு டிவியை உங்கள் ஸ்மார்ட்ஃபோன் மூலம் கட்டுப்படுத்த முடியுமா?
கூகுள் அசிஸ்டண்ட்டைப் பயன்படுத்தி உங்கள் ஆண்ட்ராய்டு ஸ்மார்ட் டிவியில் உள்ளடக்கத்தைத் தேடுவதற்கு, பெரும்பாலான ஆண்ட்ராய்டு டிவி சாதனங்கள் வாய்ஸ் கண்ட்ரோல் இயக்கப்பட்ட ரிமோட்டுடன் வருகின்றது. இருப்பினும், பல நேரங்களில் வாய்ஸ் கண்ட்ரோல் மூலம் நீங்கள் ரிமோட்டைப் பயன்படுத்த விரும்பாமல் இருக்கலாம், அதற்குப் பதிலாக உங்கள் ஆண்ட்ராய்டு டிவியை உங்கள் ஸ்மார்ட்ஃபோன் மூலம் கட்டுப்படுத்துவது மிகவும் வசதியாக இருக்கும் என்பதனால் இந்த ட்ரிக்கை பரிந்துரைக்கிறோம்.
ஆண்ட்ராய்டு டிவி ரிமோட் கண்ட்ரோல் ஆப்ஸ் பற்றி உங்களுக்குத் தெரியுமா?
உதாரணமாக, ஆண்ட்ராய்டு டிவியில் தட்டச்சு செய்வது ரிமோட் கண்ட்ரோலை பயன்படுத்துவதை விட உங்கள் ஸ்மார்ட்போனை ரிமோட்டாகப் பயன்படுத்துவது மிகவும் எளிதானது. ரிமோட் கண்ட்ரோல் சரியாகச் செயல்படுவதை நிறுத்தினால், உங்கள் Android டிவியை வழிநடத்தவும், பயன்படுத்தவும் இனி உங்களுடைய ஸ்மார்ட்போனை நீங்கள் உங்களுக்காகப் பயன்படுத்தலாம். இதை நீங்கள், ஆண்ட்ராய்டு டிவி ரிமோட் கண்ட்ரோல் ஆப்ஸ் மூலம் எளிமையாகச் செய்து முடிக்கலாம். கூகுள் ப்ளே ஸ்டோரில் முன்பு அதிகாரப்பூர்வ ஆண்ட்ராய்டு டிவி ரிமோட் ஆப்ஸ் பதிவிறக்கம் செய்யக் கிடைத்தது.
புதிய Google TV ஆப்ஸ் உடன் வரும் டிவி ரிமோட் அம்சம்
இருப்பினும், தேடுபொறி நிறுவனமான கூகிள், ஆண்ட்ராய்டு டிவி ரிமோட்டை ஆப்ஸை அதன் கூகுள் டிவி பயன்பாட்டில் இப்போது இணைத்துள்ளது. இது முன்பு கூகுள் ப்ளே மூவீஸ் மற்றும் டிவி என அறியப்பட்டது என்பது குறிப்பிடத்தக்கது. இந்த அம்சத்தைப் பயன்படுத்த உங்களுடைய ஸ்மார்ட்போன் Android 4.3 அல்லது அதற்குப் பிந்தைய பதிப்பில் இயங்க வேண்டும். மேலும், Google TV ஆப்ஸ் பதிப்பு 4.27.8.93 அல்லது அதற்குப் பிறகு வெளியான பதிப்பில் நிறுவப்பட்டிருக்க வேண்டும்.
Google TV ஆப்ஸை எப்படி பதிவிறக்கம் செய்வது?
கூகுள் ப்ளே ஸ்டோரில் இருந்து கூகுள் டிவி ஆப்ஸை நீங்கள் பதிவிறக்கம் செய்யலாம். இருப்பினும், உங்கள் ஃபோனில் முன் நிறுவப்படவில்லை என்றால், நீங்கள் அதை APK மிரர் வழியாக கூட பதிவிறக்கம் செய்து பயன்படுத்தலாம். இந்த ஆப்ஸை பயன்படுத்தி உங்கள் ஆண்ட்ராய்டு டிவி சாதனத்தை ஸ்மார்ட்போன் வழியாகக் கட்டுப்படுத்துவது எளிதான ஒரு வழியாகும். இந்த பயன்பாடு iOS மற்றும் Android தொலைப்பேசிகள் இரண்டிற்கும் இலவசமாகக் கிடைக்கிறது. இது ஆண்ட்ராய்டில் இயங்கும் டிவிகள், செட்-டாப் பாக்ஸ்கள், ஸ்ட்ரீமிங் ஸ்டிக்ஸ் மற்றும் பிற சாதனங்களுடன் வேலை செய்கிறது.
GOOGLE TV பயன்பாட்டை எவ்வாறு பயன்படுத்துவது?
- உங்களுடைய ஆண்ட்ராய்டு போனில் முதலில் கூகுள் டிவி ஆப்ஸைத் திறக்க வேண்டும்.
- கீழே ஸ்க்ரோல் செய்து, டிவி ரிமோட் என்று காணப்படும் விருப்பத்தை கிளிக் செய்யவும்.
- இப்போது, சாதனங்களுக்கான ஸ்கேனிங் விருப்பத்தைத் தட்ட வேண்டும், அது ஸ்கிரீனில் மேல் பகுதியில் இருக்கும்.
- உங்கள் சாதனம் ஸ்கேன் பட்டியலில் தோன்றும்.
அதேபோல், உங்கள் டிவியை ஆன் அல்லது ஆஃப் செய்ய மொபைலின் கூகுள் அசிஸ்டண்ட் ஆப்ஸை கூட நீங்கள் பயன்படுத்தலாம் என்பதும் குறிப்பிடத்தக்கது. அதை ஆன் செய்ய நீங்கள், "Hey Google, turn on the TV" என்று மட்டும் சொல்ல வேண்டும். இருப்பினும், உங்களிடம் ஒன்றுக்கும் மேற்பட்ட டிவி உள்ளது, அதை இயக்க விரும்பும் டிவியின் பெயரைக் குறிப்பிட வேண்டும். உதாரணமாக, "Hey Google, turn on the Living Room TV" என்று நீங்கள் குறிப்பிட வேண்டும். இந்த முறையைப் பின்பற்றி நீங்கள், உங்களுடைய ஸ்மார்ட்போனில் இருந்த இனி உங்கள் ஸ்மார்ட் டிவியை கட்டுப்படுத்தலாம்.
கருத்துகள் இல்லை:
கருத்துரையிடுக