சென்ற பதிவில், ஒரு நிறுவனத்தின் EPS மற்றும் ROCE-ஐ வைத்து அந்த நிறுவனத்தின் லாபம் ஈட்டும் திறனை எப்படி தெரிந்து கொள்வது என்பது பற்றி  பார்த்தோம். இந்த பதிவில், ஒரு நிறுவனம் வாங்கியுள்ள கடன் பற்றி ஆராய்ந்து, அந்த கடன் நிறுவனத்திற்கு உதவியா, இல்லை உபத்திரமா என்பதை எப்படி கண்டு கொள்வது பற்றி பார்ப்போம்.


ஒரு நிறுவனம் எதற்காக கடன் வாங்க வேண்டும் என்று தெரிந்து கொள்ள,  கற்பனையான "குமரன் வேட்டிகள்" என்ற ஒரு நிறுவனத்தின் வரலாறு பற்றி பார்ப்போம். ஈரோட்டை சேர்ந்த சுய தொழில் ஆர்வமுள்ள சரவணன் என்பவர், தன்னுடைய சேமிப்பிலிருந்து Rs 5 லட்சத்தை போட்டு, "குமரன் வேட்டிகள்" என்ற ஒரு வேட்டி தயாரிக்கும் நிறுவனத்தை ஆரம்பிக்கிறார். அந்த நிறுவனதின் முதலீட்டை, Rs.500 மதிப்புள்ள 1000 பங்குகளாக பிரித்து, 60% பங்குகளை அவர் வசமும், 40% பங்குகளை "குமரன் வேட்டிகள்" நிறுவனம் வசமும் கணக்காக வைக்கிறார். இந்த 1000 பங்குகளும், நிறுவனத்தின் அங்கீகரிக்கப்பட்ட பங்குகள் (Approved Shares). அதில் 60% (600 பங்குகள்) ஒதுக்கப்பட்ட பங்குகள் (Allocated  shares), 40% நிறுவனம் பெயரில் உள்ள ஒதுக்கப்படாத பங்குகள் (Unallocated  Shares ). முதல் வருடம், ஈரோடு மற்றும் அதனை சுற்றியுள்ள ஊர்களில் மட்டும் அவருடைய நிறுவனத்தில் உற்பத்தியாகும் வேட்டிகளை விற்கிறார். வேட்டிகளின் தரம் காரணமாக, அந்த வருடம் உற்பத்தி செய்த அனைத்து வேட்டிகளும் விற்று, Rs 7 லட்சம் வருவாயினை ஈட்டியது. அவரிடம் வேட்டி நெசவு செய்ய தறிகள் இல்லை; வாடகை தறிகளில் வேட்டி நெசவு செய்தது, நூல் வாங்கியது மற்றும் வியாபார செலவு அனைத்தும் Rs. 5 லட்சம். ஆக மொத்தம், அந்த வருடத்திற்கான நிகர லாபம் Rs.2 லட்சம்.
முதல் வருடத்தில்:
                    EPS = 200000 / 1000 = Rs 200
                    Capital Employed = Rs 500000 (சரவணனின் ஆரம்ப முதலீடு)
                    ROCE = (200000 / 500000) * 100 = 40%

இப்போது சரவணனின் திறமையையும், குமரன் வேட்டிகளுக்கு உள்ள வரவேற்பையும் பார்த்து, அவரின் நண்பர்,   சுப்பிரமணி, "குமரன் வேட்டிகள்" நிறுவனத்தில் பங்குதாரராக ஆசைப்படுகிறார். நிறுவனத்தின் 20% பங்கிற்கு (200 பங்குகள்) அவர் Rs. 2 லட்சம் கொடுக்கிறார். இப்பொழுது, நிறுவனத்தின் ஒரு பங்கு, Rs 1000 ஆக உயர்ந்து விட்டது. இந்த புதிய முதலீடு Rs 2 லட்சம், மற்றும் முந்தைய ஆண்டின் வியாபாரத்தின் மூலம் கிடைத்த பண கையிருப்பு Rs 7 லட்சம் ஆக மொத்தம் Rs 9 லட்சத்தில், Rs 2 லட்சத்தில் ஒரு தறியும், மீதமுள்ள 7 லட்சத்தில், உற்பத்தியை பெருக்கி, ஈரோட்டிற்கு அருகில் உள்ள 3 மாவட்டங்களில் விற்பனை செய்ய, குமரன் வேட்டிகள் நிறுவனம் முடிவு  செய்கிறது. இரண்டாம் ஆண்டில், 3 மாவட்டங்களில் குமரன் வேட்டிகளின் விற்பனை ஜோராக நடை பெற்று Rs 13 லட்சத்திற்கு வியாபாரம் ஆகியது. தற்போது, தறி அவர்களிடம் உள்ளதால், உற்பத்தி செலவு குறைந்து, லாபம் Rs 4 லட்சமாக உயர்ந்தது.
இரண்டாம் வருடத்தில்,
                 EPS = 400000 / 1000 = Rs 400
                 Capital Employed = Rs 500000 (சரவணனின் ஆரம்ப முதலீடு) + Rs 200000            (சுப்ரமணியின் முதலீடு) + 200000 (முதல் வருட லாபம்)
                  ROCE = (400000 / 900000) * 100 = 44%

இன்னும் விற்பனையை பெருக்க எண்ணி, பங்கு சந்தையில் பணம் புரட்ட குமரன் வேட்டிகள் நிறுவனம் முடிவு செய்து, 20% பங்குகளை (200 பங்குகள், பங்கு ஒன்று 2500 ரூபாய்) 5 லட்ச ரூபாய்க்கு மதிப்பீடு செய்து பங்கு சந்தையில் IPO (Initial Public Offering) மூலம் அறிமுகப் படுத்துகிறது. குமரன் வேட்டிகளின் கடந்த இரண்டு வருட செயல்பாட்டை வைத்து, நம்பிக்கை கொண்ட பங்கு சந்தை முதலீட்டார்கள், அதிக ஆர்வம் காட்டி 20% பங்குகளையும் வாங்கினர். இப்போது கிடைத்த Rs 5 லட்சம், முந்தைய ஆண்டின் வியாபார தொகை Rs 13 லட்சம் ஆக மொத்தம் 18 லட்சத்தை வைத்து, மூன்றாம் வருடம் விற்பனையை 10 மாவட்டங்களுக்கு விரிவு படுத்த குமரன் வேட்டிகள் முடிவு செய்கிறது. அவர்கள் எதிர்பார்த்தது போலவே, 10 மாவட்டங்களிலும் விற்பனை சிறப்பாக நடந்து, Rs 30 லட்சம் அளவிற்கு வியாபாரம் நடந்தேறியது. அதில் செலவு போக, 12 லட்ச ரூபாய் லாபம் கிட்டியது. இதனால், பங்கு சந்தையில் உள்ள குமரன் வேட்டிகள் நிறுவனத்தின் 200 பங்கினை வாங்குவதற்கு கடும் போட்டி ஏற்பட்டு, பங்கின் விலை கட கடவென உயர்ந்து ஒரு பங்கு Rs 4000 ரூபாய்க்கு வர்த்தகமாகிறது.
மூன்றாம் வருடத்தில்,
                  EPS  = 1200000 / 1000 = Rs 1200
                  Capital Employed = Rs 500000 (சரவணனின் ஆரம்ப முதலீடு) + Rs 200000 (சுப்ரமணியின் முதலீடு) + 200000 (முதல் வருட லாபம்) + Rs 400000 (இரண்டாம் வருட லாபம்) + 500000 (பங்கு சந்தையின் மூலம் கிடைத்த முதலீடு)
                  ROCE  = (1200000 / 1800000) * 100 = 66%

தற்போது, குமரன் வேட்டிகளின் வரவேற்பை கண்டு பெரும் நம்பிக்கை கொண்ட அந்நிறுவனம், நான்காம் ஆண்டில், தனது பொருளை தமிழகம் முழுமைக்கும் விற்கவும், வேட்டிகளுடன், சட்டையையும் உற்பத்தி செய்து விற்கவும் முடிவு செய்கிறது. அதற்கான கூடுதல் முதலீடாக 40 லட்சம் ரூபாய் தேவைப்படுகிறது. இந்த நேரத்தில், கூடுதல் தேவையான 40 லட்சம் ரூபாயை
இரண்டு வழிகளில் திரட்டலாம்.
 -  ஒன்று, நிறுவனத்தில் பங்குதார்களின் ஒப்புதலுடன் கூடுதலாக பங்குகளை அறிமுகபடுத்தி, அதை மீண்டும் பங்கு சந்தையில் விற்று பணம் திரட்டுவது. இதற்கு பெயர் Equity Dilution. பங்குதார்கள் இதனை விரும்புவதில்லை, காரணம் - இதனால் EPS குறையும், பங்கிற்கான மதிப்பு சந்தையில் குறையும்.
 - இரண்டாவது, வங்கியில் கடன் பெறுவது.

குமரன் வேட்டிகள் நிறுவனம், பங்குகளை அதிகபடுத்துவதற்கு பதிலாக, கடன் வாங்க முடிவெடுத்தது. குமரன் வேட்டிகள் நிறுவனத்தின் தற்போதைய பங்கு மதிப்பிலும் , வியாபார திட்டத்திலும், நம்பிக்கை கொண்ட வங்கி, Rs 40 லட்ச ரூபாயினை, கடனாக வழங்கியது. துரதிஷ்டவசமாக, நான்காம் வருடம், குமரன் வேட்டிகளுக்கு போட்டியாக ஒரு நிறுவனம் ஆரம்பித்து, குமரன் வேட்டிகளின் விற்பனையை குறைத்து விட்டது. சட்டை விற்பனையும் எதிர்பார்த்த அளவுக்கு போகவில்லை. நான்காம் ஆண்டில், குமரன் வேட்டிகளின் மொத்த வியாபாரம் 60 லட்சமாக இருந்தது. செலவுகள் போக கிடைத்த லாபம் 20 லட்சம்.
நான்காம் ஆண்டில்,
                வியாபார தொகை = Rs 60 லட்சம்
                செலவு = Rs 40 லட்சம்
                லாபம்  = Rs 20 லட்சம்
                Rs 40 லட்சத்திற்கான வட்டி = 6 லட்சம்
                நிகர லாபம் = 14 லட்சம்
                EPS  = 1400000/1000 = Rs 1400
                Capital Employed = Rs 500000 (சரவணனின் ஆரம்ப முதலீடு) + Rs 200000 (சுப்ரமணியின் முதலீடு) + 200000 (முதல் வருட லாபம்) + Rs 400000 (இரண்டாம் வருட லாபம்) + 500000 (பங்கு சந்தையின் மூலம் கிடைத்த முதலீடு) + 1200000 (மூன்றாம் வருட லாபம்) + 4000000 (வங்கி கடன்)
ROCE  = (14,00,000 / 70,00,000) * 100 = 20%

இந்த கற்பனை நிறுவனத்தின் வரலாறில் பார்த்தது போல, ஒரு நிறுவனம், அதனுடைய வியாபாரத்தை பெருக்குவதற்கு, ஒரு கட்டத்தில் கடன் பெறுவது அவசியமாகிறது. ஆனால், வாங்கிய கடன் அந்த நிறுவனத்தின் பங்குதார்களின் முதலீட்டில் எவ்வளவு விகிதம் என்பதை பொறுத்து அந்த நிறுவனத்திற்கு கடனின் காரணமாக தொல்லை வருமா என்பதை கண்டு கொள்ளலாம்.

நம்முடைய கற்பனையான குமரன் வேட்டிகளின் பங்குதாரர்களின் முதலீடு: Rs 500000 (சரவணனின் ஆரம்ப முதலீடு) + Rs 200000 (சுப்ரமணியின் முதலீடு) + 200000 (முதல் வருட லாபம்) + Rs 400000 (இரண்டாம் வருட லாபம்) + 500000 (பங்கு சந்தையின் மூலம் கிடைத்த முதலீடு) + 1200000 (மூன்றாம் வருட லாபம்) = 30 லட்சம்
வாங்கிய கடன்: 40 லட்சம்
கடன் மற்றும் பங்குதாரர்கள் முதலீட்டிற்கான விகிதம் = 40 / 30 = 1.33
ஒரு வருடத்திற்கான வட்டி விகிதம் = நிகர லாபம் / வட்டி = 20/6 = 3.33, அதாவது, குமரன் வேட்டிகளின்  லாபத்தில் கிட்டத்தட்ட 30% வட்டிக்கு செல்கிறது.

இங்கே பார்த்தது போல, ஒரு நிறுவனத்தின் கடன் எவ்வளவு, கடன் மற்றும் முதலீட்டிற்கான விகிதம் எவ்வளவு (Debt /Equity ), லாபத்தில் வட்டியின் பங்கு என்ன என்பதையும், EPS மற்றும் ROCE -யுடன் சேர்த்து ஆராய வேண்டும். குமரன் வேட்டிகள் நிறுவனம், கடன் வாங்காமல், கிடைத்த லாபத்தை மட்டும் மறு முதலீடு செய்திருந்து படிப்படியாக வியாபாரத்தை பெருக்கியிருந்தால், ROCE கீழே போயிருக்காது.

கடன் எப்பொழுதும், நிறுவனத்தின் மொத்த முதலீட்டிற்கு கீழே இருப்பது நல்லது. (Debt / Equity விகிதம் 1-க்கு குறைவாக இருப்பது). அதே போல, லாபத்தில் வட்டியின் பங்கும் 20%-க்கு குறைவாக இருப்பது உத்தமம்.

மேலும் இதுபோன்ற எங்களின் பல்வேறு பதிவுகளை உடனுக்குடன் உங்கள் மின்னஞ்சலில்  பெற  SUBSCRIBE செய்து கொள்ளுங்கள்

சிலருக்குக் காலையில் எழுந்ததுமே வயிற்றைக் கிள்ளுவது மாதிரி இருக்கும். கிடைக்கிற எதையாவது எடுத்துச் சாப்பிட்டு, பசி போக்குவது அவர்கள் வழக்கமாகவும் இருக்கும். பசி எடுக்காமலேயே எதையாவது சாப்பிடுகிறவர்களும் இருக்கிறார்கள். வெறும் வயிற்றில் இப்படிக் கண்டதையும் சாப்பிடுபவர்கள் கவனிக்க..! இப்படிச் சாப்பிடும் உணவுகள் ஒருவேளை நமக்கு நன்மை அளிக்கலாம். மாறாக, வேறு பிரச்னைகளையும்கூட ஏற்படுத்திவிடலாம். வெறும் வயிற்றில் சாப்பிட வேண்டியவை.... கூடாதவை என்னென்ன உணவுகள் என்று பார்க்கலாம்!

1. ஒரு பங்கின் மூலம் கடந்த நிதியாண்டில் கிடைத்த நிகர லாபம் (Earnings Per Share):

ஒரு நிறுவனம் ஒரு பங்கிற்கு எவ்வளவு ரூபாய் நிகர லாபம் கடந்த நிதியாண்டில் ஈட்டியது என்பதை தெரிந்து  கொண்டால், அந்த நிறுவனம் எந்த அளவுக்கு லாபகரமான நிறுவனம் என்பதை அறிந்து  கொள்ளலாம். ஒரு பங்கிற்கான லாபத்தை ஏன் பார்க்க வேண்டும்? மொத்த லாபத்தை வைத்து ஏன் ஒரு நிறுவனத்தை எடை போட கூடாது என்ற கேள்வி உங்களில் எழும்.  ஒரு நிறுவனத்தின் மொத்த லாபத்தை வைத்து அதனை அளவீடு செய்வதை  விட,ஒரு பங்கிற்கான லாபத்தை வைத்து அளவீடு  செய்யும்போது, அந்த நிறுவனத்தின் செல்யல்பாட்டை பற்றிய இன்னும் தெளிவான பார்வை  கிடைக்கும்.

ஒரு பங்கிற்கான லாபம்(EPS) = நிகர லாபம் (Profit After Tax ) / மொத்த பங்குகளின் எண்ணிக்கை (Total number  of shares )

ஒரு நிறுவனத்தின் காலாண்டு அல்லது முழு  நிதியாண்டிற்கான, நிகர லாபத்தை (Profit After Tax) தெரிந்து கொள்ள, BSE India ((http://www.bseindia.com/) வெப்சைட்டில், நிறுவனத்தின் 'Financials' பகுதியில், பார்க்கவும். அதே போல, மொத்த பங்குகளின் எண்ணிக்கையை தெரிந்து கொள்ள, BSE India ((http://www.bseindia.com/) வெப்சைட்டில், நிறுவனத்தின் 'Shareholding Pattern' பகுதியில், பார்க்கவும்.

உதாரணமாக, ராமு ஸ்டோர்ஸ், சோமு ஸ்டோர்ஸ் என்ற இரண்டு மளிகை கடைகள் இருப்பதாக  வைத்துக்கொள்வோம்.  ராமு ஸ்டோர்ஸ் கடையின் ஏப்ரல் 2014 முதல் மார்ச் 2015 வரையிலான காலத்திற்கான மொத்த லாபம் Rs. 50,000 என்றும், சோமு ஸ்டோர்ஸ் கடையின் ஏப்ரல் 2014 முதல் மார்ச் 2015 வரையிலான காலத்திற்கான மொத்த லாபம் Rs. 100,000 என்றும் வைத்துக்கொள்வோம். பொத்தம் பொதுவாக பார்த்தால், சோமு ஸ்டோர்ஸ் மிக லாபகரமான நிறுவனம் போல  தெரியலாம். ஆனால், அடுத்து வரும் கணக்கை பாருங்கள். அப்பொழுது இன்னும் தெளிவான பார்வை இந்த இரு நிறுவனங்களை பற்றி கிடைக்கும்

ராமு ஸ்டோர்ஸ் நிறுவனத்தின் மொத்த பங்கு தாரர்கள் 10 பேர் தலா 10000 முதலீடு செய்துள்ளனர்.
சோமு ஸ்டோர்ஸ் நிறுவனத்தின் மொத்த பங்கு தாரர்கள் 40 பேர் தலா 10000 முதலீடு செய்துள்ளனர்.
இப்போது, பங்கிற்கான லாபத்தை கணக்கிடும் போது, ராமு ஸ்டோர்ஸ் ஒரு பங்கின் மூலம் ஈட்டிய நிகர லாபம் = 50000 / 10 = Rs .5000
சோமு ஸ்டோர்ஸ் ஒரு பங்கின் மூலம் ஈட்டிய நிகர லாபம் = 100000 / 40 = Rs .2500

மொத்த லாபத்தை பார்க்கும்போது சோமு ஸ்டோர்ஸ்-ன் லாபம் இரட்டிப்பு போல தோன்றும், ஆனால் ஒரு பங்கிற்கான லாபத்தை பார்க்கும்போது ராமு ஸ்டோர்ஸ்-தான் சோமு ஸ்டோர்ஸ்-ஐ விட இரட்டிப்பு லாபத்தை வழங்கியுள்ளது. எனவே ராமு ஸ்டோர்ஸ் நிறுவனத்தில் முதலீடு செய்வது தான் உகந்த முதலீடு.

நாம் பார்த்த உதாரணம் போல, ஒரு நிறுவனத்தின் மொத்த லாபத்தை மட்டும்  பார்க்கும்பொழுது, அந்த நிறுவனம் சிறப்பானதாக தோன்றும், ஆனால் அந்த நிறுவனம் ஒரு பங்கிற்கு ஈட்டிய லாபத்தை கணக்கிடும் போது தான் அதனுடைய உண்மையான  செயல்திறனும், நிர்வாகத்தின் திறமையும் நமக்கு தெரிய வரும். ஒரு நிறுவனத்தின் EPS பற்றி தெரிந்து கொள்ள, அந்த நிறுவனத்தை BSE இணைய தளத்தில் (http://www.bseindia.com/) தேடி, Financials பகுதியில், EPS -ஐ பார்க்கலாம்.

ஒரு நிறுவனத்தின் ஒரு பங்கினால் கிடைக்கும் லாபத்தின் அளவு (EPS) உயர உயர, அந்த நிறுவனத்தில் முதலீடு செய்ய, முதலீட்டாளர்களின் நம்பிக்கை  உயரும். இதன் காரணமாக இந்த பங்கிற்கான தேவை (Demand) அதிகமாகும். Demand  அதிகமாகும்போது,இந்த பங்கின் விலையும் உயரும்.

2. மொத்த மூலதனத்திற்கான வருமானம் (ROCE  -  Return On Capital Employed):
ஒரு நிறுவனத்தை பற்றி தெரிந்துகொள்ள உதவும் அடுத்த குறியீடு, அந்த நிறுவனத்தின் லாபம், மொத்த முதலீட்டில் எவ்வளவு சதவீதம் என்ற ஒரு குறியீடு. இது கீழ்கண்டவாறு கணக்கிடப்படுகிறது

மொத்த மூலதனத்திற்கான வருமானம் (ROCE) = நிறுவனம் ஈட்டிய லாபம் / நிறுவத்தின் மூலதனம்.

உதரணமாக, பாபு ஹோட்டல், கோபு ஹோட்டல் என்ற இரண்டு உணவகம் இருப்பதாக வைத்துக்கொள்வோம்.
பாபு ஹோட்டலின் ஒரு ஆண்டிற்கான லாபம் : Rs 50000
கோபு ஹோட்டலின் ஒரு ஆண்டிற்கான லாபம் : Rs 50000
இரண்டு ஹோட்டல்களும் ஒரே அளவு லாபத்தை  ஈட்டியுள்ளன. எனவே இவ்விரண்டில் ஒன்றை தேர்ந்தேடுக்க மேலும் விவரங்கள் தேவை. அந்த கூடுதல் விவரத்தை, கீழ்க்கண்டவாறு வருமானம் மற்றும் மூலதனத்திற்கான விகிதத்திலிருந்து (ROCE) தெரிந்து  கொள்ளலாம்.
பாபு ஹோட்டலின் அதிபர் தன்னுடைய சொந்த பணம் Rs 100000 மற்றும் வங்கியிலிருந்து Rs 100000 கடன் - ஆக மொத்தம் Rs 2 லட்சத்தை மூலதனமாக போட்டு ஹோட்டலை நடத்துகிறார்.
கோபு ஹோட்டலின் அதிபர் தன்னுடைய சொந்த பணம் Rs 100000 மற்றும் வங்கியிலிருந்து Rs 50000 கடன் - ஆக மொத்தம் Rs ஒன்றரை  லட்சத்தை மூலதனமாக போட்டு ஹோட்டலை நடத்துகிறார்.
இப்போது, வருமானம் மற்றும் மூலதனத்திற்கான விகிதத்தை பார்க்கும்பொழுது,
பாபு ஹோட்டல்: 50000/200000 = 25%
கோபு ஹோட்டல் : 50000/150000 = 33.33%
எனவே, 100 ரூபாய் முதலீட்டிற்கு 33.33 ரூபாய் வருமானம் பெற்றுத்தரும் கோபு ஹோட்டல்  தான், 100 ரூபாய் முதலீட்டிற்கு 25 ருபாய் வருமானம் பெற்று தரும் பாபு ஹோட்டலை விட சிறந்த நிறுவனம் மற்றும் நம்முடைய பணத்தை முதலீடு செய்ய உகந்த நிறுவனம்.
ஒரு நிறுவனத்தின், ROCE பற்றி தெரிந்து கொள்ள, http://www.screener.in/ என்ற இணைய தளத்தை உபயோகிக்கலாம்.

ஒரு நிறுவனத்தின் பங்கை தேர்வு செய்யும்போது, கடந்த சில ஆண்டுகளில் (அல்லது காலாண்டுகளில்), EPS மற்றும் ROCE எந்த அளவுக்கு உயர்ந்து வந்துள்ளது என்பதை பார்க்க வேண்டும். மிக  முக்கியமாக, எதிர்காலத்தில் இதே அளவு உயர வாய்ப்புள்ளதா என்பதையும் ஆராய வேண்டும். எதிர்காலத்தை எப்படி கணிப்பது? எதிர்காலத்தை கண்டிப்பாக துல்லியமாக கணிக்க வாய்ப்பில்லை. அப்படி கணிக்க முடியும் என்றால், வாழ்க்கையிலும், வர்த்தகத்திலும் ஒரு சுவாரசியமே இருக்காது :)
ஆனால், கடந்த காலத்தில் போட்ட முதலீட்டை வைத்து நிறுவனம் ஈட்டிய வருமானத்தை  வைத்தும், நிறுவனத்தின் வியாபாரம் வளர்வதற்கான சாத்தியக்கூறுகளை வைத்தும் (உ.ம். - நிறுவனம் ஒரு புதிய பொருளை சந்தையில் அறிமுக படுத்த உள்ளது அல்லது புதிய கிளையை துவக்க உள்ளது), முந்தைய பதிவில் சொன்னது போல, அந்த நிறுவனம் சார்ந்துள்ள தொழிலுக்கு வருங்காலத்தில் உள்ள வளர்ச்சிக்கான வாய்ப்புக்களையும் வைத்து, அந்த நிறுவனத்தின் எதிர்கால வருமானத்தை ஓரளவு கணிக்க  வாய்ப்புள்ளது. அப்படி சரியாக கணிப்பவர்கள், சரியான பங்குகளை  வாங்கி, தங்களின் முதலீட்டை வளமாக்குவார்கள்.

 

 

மேலும் இதுபோன்ற எங்களின் பல்வேறு பதிவுகளை உடனுக்குடன் உங்கள் மின்னஞ்சலில்  பெற  SUBSCRIBE செய்து கொள்ளுங்கள்

1. மிளகாய் வத்தல் - 10
2. சீரகம் - 2 மேஜைக்கரண்டி 
3. பூண்டு - 1 பெரியது 

செய்முறை -

1. வெங்காய வடகம் - 8
2. பொரிப்பதற்கு எண்ணெய் - தேவையான அளவு 

செய்முறை -

1. அடுப்பில் கடாயை வைத்து எண்ணெய் ஊற்றி சூடானதும் அடுப்பை மிதமான சூட்டில் வைத்து வடகங்களை போடவும். பிறகு திருப்பி போடவும்.                       
2. இரு புறமும் வெந்ததும் எடுத்து ஒரு டிஸ்யு பேப்பரில் வைக்கவும். எண்ணெய் உறிஞ்சியவுடன் எடுத்து சாப்பிடலாம்.                                                
3. சாம்பார் சாதம், தயிர் சாதத்துடன் சேர்த்து சாப்பிடலாம். வடக குழம்பும் வைக்கலாம். வடகத் துவையலும் அரைக்கலாம்.

உங்கள் பதிவுக்கு ஒருவர் லைக்கிட்டாலோ, கமெண்ட் செய்தாலோ அந்த பதிவு உங்கள் நண்பர்களின் டைம்லைனில் முன்னால் வந்து நிற்கும், உதாரணத்திற்கு இரண்டு வருடத்திற்கு முன் நீங்க பதிவிட்ட எதாவது ஒரு பதிவிற்கோ, போட்டோவிற்கோ யாராவது லைக்கோ, கமெண்ட்டோ இட்டால் அது உங்கள் நண்பர்களின் டைம்லைனில் வந்து நிற்கும்

இதில் இன்னொரு விசயம் இருக்கு, அந்த பதிவிற்கு யாரெல்லாம் லைக் இடவில்லையோ அவர்கள் டைம்லைனில் தான் வந்து நிற்கும், உங்களின் ஒரு பதிவிற்கு நான் லைக் இட்டுருந்தால் உங்கள் டைம்லைனில் வந்து தேடினாலும் நான் லைக் இடாத பதிவுகளை மட்டுமே காட்டும், அதுவே கமெண்ட் செய்திருந்தால் என் கமெண்ட்டுக்கு அடுத்து வரும் கமெண்டுகள் அனைத்தும் எனக்கு நோடிபிகேசன் காட்டும், (பெரும்பாலும் நான் பெண்களுக்கு கமெண்ட் போடாமல் இருக்க காரணம் இந்த நோடிபிகேசன் அலர்ஜி தான்)


தெரிந்தோ, தெரியாமலோ அதிக லைக் வாங்குவது பிரபலம் ஆக ஒரு தகுதியாக பெரும்பாலான முகநூல் பதிவர்களால் பார்க்கப்படுகிறது. அதனால் தன் பதிவுக்கே தானே லைக் போடும் பதிவர்களும் இருக்கிறார்கள், என்னை எனக்கே பிடிக்கலைனா எப்படின்னு என்ற லாஜிக் பதிலும் வைத்துள்ளார்கள். (நான் இதுவரை என் பதிவுக்கோ, என் கமெண்டுக்கோ லைக் இட்டுக்கொண்டதில்லை)

அதிக லைக் வாங்குவது எப்படி?

முகநூல் மட்டுமல்ல, இந்த மொத்த சமூகமும் கண்ணாடி மாதிரி தான், நீங்க கண்ணாடியை பார்த்து சிரித்தால் அது உங்களை பார்த்து சிரிப்பது போல் இந்த சமூகமும் எதிர்வினை ஆற்றும் அதனால் உங்கள் டைம்லைனில் நீங்கள் கடக்கும் பதிவுகளுக்கு பிரதிபலன் எதிர்பார்க்காமல் லைக் போட்டு விடுங்க, கூடவே நல்ல பதிவுகளுக்கு கமெண்டும் போடுங்க, நானெல்லாம் கமெண்ட்டாலே இத்தனை நண்பர்களை சேர்த்தேன் ப்ளாக் காலத்தில் இருந்து.



தினமும் உங்கள் நட்பு வட்டத்தில் யாருக்கு பிறந்தநாள் என்று பார்த்து வாழ்த்து சொல்லுங்கள்., அப்படியே அவர்கள் ஆக்டிவா இருக்காங்களா அல்லது அவரது நண்பர்கள் டேக் பண்ண பதிவு மட்டும் அவர் டைம் லைனில் இருக்கா, அதுக்கு அவர் லைக்காவது போட்டு வைத்திருக்காரான்னு பார்த்து ஆக்டிவா இல்லைனா அவரை அன்ஃப்ரெண்ட் பண்ணிவிடுங்கள், ஆக்டிவா இருக்கும் புது நண்பர்களை சேருங்கள்

அதிக லைக் வேண்டுமென்றால் பெரும்பான்மைக்கு சொறிந்து கொடுக்கும் மானக்கேடான செயலையெல்லாம் நாம் செய்ய வேண்டியிருக்கும், அதனால் உங்கள் எழுத்து உங்கள் ஆளுமையின் வெளிப்பாடா இருக்கனும்னு மட்டும் நினையுங்கள் ஆட்டோமெடிக்கா லைக் மேல் இருக்கும் மோகம் போய்விடும்.

 

பின்குறிப்பு:.
எனக்கு 500 நண்பர்கள், 100 ஃபாலோர்ஸ் இருக்காங்க, அதில் 98% ஸ்லீப்பர் செல்ஸ் தான், லைக் போட்டா எங்க இவன் கூட சேர்த்து நம்மையும் களி திண்ண வச்சிருவானோன்னு பயந்து வேடிக்கை மட்டுமே பார்ப்பார்கள் 😂😂😂😂💪💪💪💪💪💪

 

 

மேலும் இதுபோன்ற எங்களின் பல்வேறு பதிவுகளை உடனுக்குடன் உங்கள் மின்னஞ்சலில்  பெற  SUBSCRIBE செய்து கொள்ளுங்கள்

ஆரா பற்றி  ஏன், எதற்கு, எப்படி என்ற பகுதியில் கேட்கப்பட்ட கேள்விக்கு எழுத்தாளர் சுஜாதா அவர்களால் சொல்லப்பட்ட பதில். சுஜாதா அறிவுஜீவியா என்பதல்ல இங்கே பிரச்சனை ஆனால் ஒரு கேள்விக்கு தான்தோன்றிதனமா சுஜாதா பதில் சொல்லமாட்டார் என நம்புகிறேன்

மனிதர்கள் வெப்ப இரத்த பிராணிகள், அவர்கள் உடலுக்கு ஒரு குறிப்பிட்ட வெப்பம் நிலையாக இருக்க வேண்டும், அதனால் தான் அதிக வெப்பத்தில் நம் உடல் வியர்த்து வெப்பத்தை சீராக வைக்கிறது, அதிக குளிரில் நம் உடல் நடக்கி வெப்பத்தை சீராக வைக்கிறது, அதிக வெப்பத்தை தாங்க முடியவில்லையென்றால் உடல் டிஹைட்ரேட் ஆகி ஹீட்ஸ்ட்ரோக் ஏற்பட்டு இறக்கக்கூடும், அதிக குளிரை தாங்க முடியவில்லையென்றால் ஹைப்போதெர்மியா ஏற்பட்டு இறக்கக்கூடும்

நம் உடல் வெப்பத்தை அல்ட்ராவயலட் கேமரா அல்லது ஹீட் சென்சார் மூலம் பார்த்தால் புறசூழலுக்கு தனியே நம் உடல் தெரியும், அவ்வாறு வெப்பமாக இருக்கும் நம் உடலில் இருந்து வெளிப்படும் வெப்பகதிர்களை தான் ஆரா என பெயரிட்டு வைத்துள்ளார்கள் ஆன்மீகவாதிகள். ஆரா என்பதை 100% டுபாக்கூர்னு சொல்றதுக்கு முக்கிய காரணமே அதை ஆன்மா, ஆன்மீகம்னு இணைத்தது தான்.

ஏன் ஆன்மீகம் இருக்கக்கூடாதா? நான் உணர்ந்தேன் என்று கூட சிலர் சொல்கிறார்களே என்றால், ஆம் நான் கடவுளை பார்த்தேன் என்று கூட தான் சிலர் சொல்கிறார்கள். பேயை பார்த்தேன் என்று கூடத்தான் சிலர் சொல்கிறார்கள். உங்கள் மண்டையில் இது தான் உண்மை என நம்பவைத்து விட்டால் உங்களால் அதை ஆராயமுடியாது, முன்முடிவுகள் அதை அப்படியே நம்ப வைக்கும்

மருத்துவ குறிப்புகளை பொறுத்தவரை ஆரா என்பது ஒரு உள்ளுணர்வு. ஒரு வித எச்சரிக்கை உணர்வு. இதை பண்ணாதே, அங்கே போகாதே என உங்கள் உள்ளுணர்வு எச்சரிப்பதே ஆரா என மருத்துவம் அழைக்கிறது. அதை ஆன்மீகத்தோடு சிலர் இணைத்து கல்லா கட்டுகிறார்கள், அந்த எச்சரிக்கை உணர்வு நம் மூளையில் பல செயல்களுடன் ஒப்பிட்டு தரும் முடிவு, நம் மூளையின் வேகம் பல ஆயிரம் கணிணிகளுக்கு இணை என்பதால் நம்மால் உணரும் முன்பே முடிவு வந்து நிற்கும்

நம் ஆராவால் பிறர் பிரச்சனைகளை உணரமுடியுமா? நாம் போனில் பேசும் விதத்தை வைத்தே நாம் பிரச்சனையில் இருக்கிறோம் என்பதை நம் நெருங்கிய நண்பர்களால் உணர முடியும், நம் உடல்மொழியை கொண்டே நம் உடலுக்கு எதோ பிரச்சனை என்பதை உணரமுடியும், மருத்துவர்கள் சோதிக்கும் பொழுது கண்ணை நன்றாக விரித்து பார்ப்பது, நாக்கை வெளியே நீட்ட சொல்லி பார்ப்பது கூட உடலில் என்ன பிரச்சனை என்பதை அறியும் வழி தான்.

யோகா என்பது ஒரு உடற்பயிற்சி, ஆனால் அதில் குண்டலினி, குஷ்பு இட்லி என கல்லா கட்டும் சாமியார்கள் கல்லா கட்ட வைத்திருக்கும் இன்னொரு சப்ஜெக்ட் தான் ஆரா, தீவிர ஆன்மீகவாதிகள் அதன் உண்மை தன்மையை அறிய முடியாது, ஏன்னா கடவுள்னு ஒன்னு இல்லைன்னு சொன்னா நம்மை பைத்தியகாரன் மாதிரி தான் பார்ப்பார்கள், அப்படி தான் இதுவும்

பெருவெடிப்பு எப்படி தோன்றியிருக்கும் என சிந்திக்கும் போது இறுதியில் என் உடல் ஆர்கஸம் அடைந்தது போல் உணர்ந்தது, அது ஒன்றை கண்டுபிடித்தேன், அதை கற்பனையில் உணர்ந்தேன் என்ற எல்லையில்லா மகிழ்ச்சி உணர்வு, அதுக்காக நானும் சாமியார்மடம் ஆரம்பித்தால் என்னை விட ஏமாற்றுகாரன் யாரும் இருக்கமுடியாது. நீங்கள் உணர்ந்ததாக சொல்லிக்கொள்ளும் ஆரா அப்படி ஒரு நிலை தான், பகுத்தறிவு கொண்டு ஆராயாமல் எதையும் ஏற்றுக்கொள்ளாதீர்கள்

 

 

மேலும் இதுபோன்ற எங்களின் பல்வேறு பதிவுகளை உடனுக்குடன் உங்கள் மின்னஞ்சலில்  பெற  SUBSCRIBE செய்து கொள்ளுங்கள்