இந்த செய்தியை படித்துவிட்டு உங்கள் எண்ணங்களை கீழே பதிவு செய்யுங்கள்.. இந்த செய்தி பிடித்திருந்தால் உங்கள் நட்பு வட்டத்தில் பகிர்ந்து கொள்ளுங்கள்..
Follow Us:
Twitter: www.twitter.com/Pudhiyapodiyan
Facebook:https://www.facebook.com/Pudhiyapodiayan
Instagram: pudhiya.podiyan
Contact us : oorkodangi@gmail.com
அப்பர்
அல்லது திருநாவுக்கரசு நாயனார் கி.பி ஏழாம் நூற்றாண்டுத் தொடக்கத்தில், தமிழ் நாட்டில்
பக்தி இயக்கத்தை வளர்த்த சிவனடியார்களுள் ஒருவரும், 63 நாயன்மார்களில் ஒருவரும்
ஆவார். இவர் திருஞானசம்பந்தர் அப்பர் (தந்தை) என்று அழைத்தமையால், அப்பர் என்றும்,
நாவுக்கரசர் என்றும் அறியப்படுகிறார்.
திருநாவுக்கரசு
நாயனார் அவர்களின் இளமைக் காலம்:-
திருநாவுக்கரசருக்கு
தாய் தந்தையர் இட்ட பெயர் மருணீக்கியார். தற்போதைய தென் ஆர்காடு மாவட்டத்திலுள்ள
திருவாமூரில் ஒரு சைவ வெள்ளாளர் குலத்தில் தந்தையார் புகழனாருக்கும் தாயார்
மாதினியாருக்கும் புதல்வனாகப் பிறந்தவர். தனது இளமைப் பருவத்தில் சைவத்தை விட்டு
சமண சமயத்தில் சேர்ந்தார். சமண நூல்களைக் கற்று அச்சமயத்தின் தலைவர்களுள்
ஒருவராகவும் விளங்கினார். சமண சமயத்தில் இருந்தபோது திருநாவுக்கரசர் தருமசேனர்
என்றழைக்கப்பட்டார்.
திருநாவுக்கரசரின்
தமக்கையார் திலகவதியார் ஆவார். இவர் சிறந்த சிவபக்தராக இருந்தார். தனது தம்பி
சமணத்தில் சேர்ந்ததை எண்ணி மிகவும் மனம் வருந்தி இறைவனிடம் முறையிட்டு வந்தார்.
இதனால் மருணீக்கியாருக்குக் கடுமையான சூலை நோய் ஏற்பட்டது. சமண மடத்தில்
செய்யப்பட்ட சிகிச்சைகள் எதுவும் பலனளிக்கவில்லை. பின்னர் திலகவதியிடம்
முறையிட்டார். திலகவதி சிவனிடம் மனம் உருகிப் பாடச் சொன்னார். திருநாவுக்கரசர்
"கூற்றாயினவாறு விலக்ககலீர்" என்று தொடங்கும் தேவாரப் பதிகத்தைப் பாடி
முறையிட்டதில் நோய் தீர்ந்தது. இதனால் மருணீக்கியார் சைவத்துக்கு மீண்டார். இதன்
பின்னர் இவர் நாவுக்கரசர் என அழைக்கப்பட்டார்.
இவர்
தொண்டு வழியில் இறைவனை வழிபட்டவர். பல்வேறு ஊர்களுக்கும் பயணம் செய்து, தேவாரப்
பதிகங்களைப் பாடி சைவப் பணியில் ஈடுபட்டார். கோயில்களின் சுற்றாடலை உழவாரங் கொண்டு
தூய்மைப் படுத்தியும் வந்தார் ( அதாவது முதன் முதலில் உழவாரப் பணியை ஆரம்பித்து
வைத்தவர் இவர் தான். இதனால் இவர் உழவாரத் தொண்டர் எனவும் அழைக்கப்பட்டார்). சமணப்
பிடிப்போடு இருந்த பல்லவ மன்னனான மகேந்திர பல்லவன் திருநாவுக்கரசரைப் பல
விதத்திலும் துன்புறுத்தினான். அத்துன்பங்கள் யாவற்றையும் திருநாவுக்கரசர் தனது
இறைவலிமையோடு வென்றார். ‘கற்றுணைப் பூட்டியோர் கடலினுள் பாய்ச்சினும் நற்றுணை ஆவது
நமச்சிவாயவே’ என்னும் நமச்சிவாயப் பதிகம் இதனை மெய்ப்பிக்கிறது. இறுதியில் பல்லவப்
பேரரசனான மகேந்திர பல்லவன் சைவ சமயத்திற்கு மாறினான்.
தனது
முதிர்ந்த வயதில் சிறுவராயிருந்த திருஞான சம்பந்தமூர்த்தி நாயனாருடன் சேர்ந்து தல
யாத்திரைகள் செய்தார். மேலும் திருஞானசம்பந்தரால் அப்பர் எனவும் அழைக்கப்பட்டார்.
இவர் பாடிய தேவாரப் பாடல்கள் 4, 5, 6 ஆகிய மூன்று திருமுறைகளில்
வகுக்கப்பட்டுள்ளன. சமயத் தொண்டு புரிந்த திருநாவுக்கரசர் 81 ஆவது வயதில்
திருப்புகலூரில் சித்திரைச் சதயத்தில் உயிர் நீத்தார்.
மேலக்கடம்பூர்
அமிர்தகடேஸ்வரர் கோயிலும் நாவுக்கரசரும்:-
திருநாவுக்கரசு
நாயனார் பாடிய தலங்களில் முக்கியமான தலம் மேலக்கடம்பூர் அமிர்தகடேஸ்வரர் கோயில்
ஆகும். இங்கு அவர் என் கடன் பணி செய்துகிடப்பதே என்னும் வரிகளைப் பாடி அருளினார்.
மேலும் அவர் கரக்கோயில் என இத்தலத்தினை பாடியுள்ளார். ஒன்பது வகைக் கோயில்களில்
கரக்கோயில் என போற்றப்படும் ஒரே தலம் மேலக்கடம்பூர் ஆகும்.
திருநாவுக்கரசு
நாயனார் செய்த மேலும் பல அற்புதங்கள்:-
1.
சமணர்களாலே 7 நாட்கள் சுண்ணாம்பு அறையில் அடைத்து வைத்திருந்தும் வேகாது உயிர்
பிழைத்தார்.
2.
சமணர்கள் கொடுத்த நஞ்சு கலந்த பாற்சோற்றை உண்டும் சாகாது உயிர் பிழைத்தார்.
3.
சமணர்கள் விடுத்த கொலை யானை வலம் வந்து வணங்கிச் சென்றது
4.
சமணர்கள் கல்லிற் சேர்த்துக்கட்டிக் கடலில் விடவும் அக்கல்லே தோணியாகக்
கரையேறியது.
5.
சிவபெருமானிடத்தே படிக்காசு பெற்றது
6.
வேதாரணியத்திலே திருக்கதவு திறக்கப் பாடியது.
7.
விடத்தினால் இறந்த மூத்த திருநாவுக்கரசை உயிர்ப்பித்தது
8.
காசிக்கு அப்பால் உள்ள ஒரு தடாகத்தினுள்ளே மூழ்கி திருவையாற்றிலே ஒரு வாவியின்
மேலே தோன்றிக் கரையேறியது.
போன்ற
எண்ணற்ற அதிசயங்களை நாவுக்கரசர் நிகழ்த்தி உள்ளார்.
நாவுக்கரசரின்
இசை ஞானம்:-
திருநாவுக்கரசர்
இசைத்தமிழில் சிறந்த ஞானம் கொண்டவர். இவருடைய பாடல்களில் கீழ்காணும் பத்து பண்கள்
காணப்படுகின்றன.
1.
கொல்லி
2.
காந்தாரம்
3.
பியந்தைக்காந்தாரம்
4.
சாதாரி
5.
காந்தார பஞ்சமம்
6.
பழந்தக்கராகம்
7.
பழம் பஞ்சுரம்
8.
இந்தளம்
9.
சீகாமரம்
10.
குறிஞ்சி
என்னுடைய வலைத்தளத்தில் வெளிவரும் அனைத்து பதிவுகளுக்கும்
உங்களின் மேலானகருத்துக்கள் வரவேற்கபடுகின்றன. மேலும் இதுபோன்ற எங்களின் பல்வேறு பதிவுகளை
உடனுக்குடன் உங்கள் மின்னஞ்சலில் பெற பதிவு செய்து கொள்ளுங்கள்.
கருத்துகள் இல்லை:
கருத்துரையிடுக