புதன், 13 நவம்பர், 2019

இரண்டாவது மனைவி மீதும் சந்தேகம்..! 8 மாத ஆண் குழந்தையை தரையில் அடித்துக் கொன்ற தந்தை...

புதிய பொடியன் புதன், நவம்பர் 13, 2019

இந்த செய்தியை படித்துவிட்டு உங்கள் எண்ணங்களை கீழே பதிவு செய்யுங்கள்.. இந்த செய்தி பிடித்திருந்தால் உங்கள் நட்பு வட்டத்தில் பகிர்ந்து கொள்ளுங்கள்..

இதுபோன்ற எங்களின் பல்வேறு பதிவுகளை உடனுக்குடன் உங்கள்

மின்னஞ்சலில் பெற பதிவு செய்து கொள்ளுங்கள்.

Join Our Whatsapp Group

Twitter: www.twitter.com/Pudhiyapodiyan

Facebook:https://www.facebook.com/Pudhiyapodiayan

Instagram: pudhiya.podiyan

Contact us : oorkodangi@gmail.com

ஆந்திர மாநிலம் பிரகாசம் மாவட்டத்தில் கட்டிய மனைவி மீது சந்தேகம் ஏற்பட்டு 8 மாத ஆண் குழந்தையை கொன்ற தந்தை தப்பியோட்டம்.

ஆந்திர மாநிலம் பிரகாசம் மாவட்டம் அருகே உள்ள ராச்சர்லா கிராமத்தைச் சேர்ந்தவர் சின்ன புள்ளையா. இவர் கடந்த 8 வருடங்களுக்கு முன்பு லட்சுமி தேவி என்ற பெண்ணை திருமணம் செய்து கொண்டார். அவருடன் வாழ்க்கைநடத்தி வந்த நிலையில் மனைவி மீது ஏற்பட்ட சந்தேகத்தின் காரணமாக கோடாரியால் லட்சுமியை வெட்டி கொலை செய்தார்.

இந்த குற்றத்தின் காரணமாக சின்னப்புள்ளையா 8 ஆண்டுகள் சிறை தண்டனை பெற்று விடுதலை ஆனார். இந்நிலையில் சின்ன புள்ளையா கடந்த 2 ஆண்டுகளுக்கு முன்பு ரமாதேவி என்ற பெண்ணை இரண்டாவதாக மணமுடித்தார். இவர்களுக்கு எட்டு மாத ஆண் குழந்தை உள்ளது. ஆனால் சின்ன புள்ளையாவுக்கு இரண்டாவது மனைவி மீதும் சந்தேகம் ஏற்பட்டு அடிக்கடி சண்டையிட்டு வந்துள்ளார்.

இந்த நிலையில் நேற்று முன்தினம் திடீரென வீட்டிற்கு வந்த சின்ன புள்ளையா மனைவி ரமா தேவியிடம் வாக்குவாதத்தில் ஈடுபட்டார். இந்த வாக்குவாதம் முற்றி போகவே அருகில் உறங்கிக்கொண்டிருந்த தனது 8 மாத குழந்தையை எடுத்து தரையில் வீசி எறிந்து உள்ளார். இதனால் அந்த குழந்தை சம்பவ இடத்திலேயே துடிதுடித்து இறந்து போனது.

குழந்தையின் இறப்பை கண் முன்னே பார்த்து கதறிய ரமாதேவி மீதும் சின்ன புள்ளையா கத்தியால் பல இடங்களில் வெட்டி விட்டு தப்பி சென்றுள்ளார். இந்நிலையில் அருகிலுள்ள குடும்பத்தினர்
ரமாதேவியை மீட்டு பிரகாசம் அரசு மருத்துவமனையில் அனுமதித்தனர்.

இதுகுறித்து தகவல் அறிந்து வந்த போலீசார் வழக்குப்பதிவு செய்து விசாரணை நடத்தினர். அதில் கடந்த இரண்டு வருடங்களாக தனது கணவன் தன்னை கொடுமைப்படுத்தி வருவதாகவும் தீராத சந்தேகம் ஏற்பட்டு தனது குழந்தையையும் கொன்று விட்டதாக கூறினார். வாக்குமூலத்தை பெற்று கொண்ட போலீசார் தப்பி சென்ற சின்ன புள்ளையாவை தீவிரமாக தேடி வருகின்றனர்.

உள்ளூர் முதல் உலகம் வரை