குஜராத்தில் நடந்த
திருமண வரவேற்பில் கட்டுக்கட்டாக பணத்தை பறக்கவிட்ட தொழிலதிபர் மாப்பிள்ளையின் வீடியோ
காட்சி வைரலாகி வருகிறது.
வட மாநிலங்களில்
நடைபெறும் திருமண விழாக்களில் வியப்பூட்டும் சம்பவங்கள் நிறைய இடம்பெறும். நிச்சயதார்த்தம்,
பெண் அழைப்பு, மாப்பிள்ளை அழைப்பு, முகூர்த்தம், வரவேற்பு நிகழ்ச்சி என வழக்கமான சடங்குகள்
இருந்தாலும் திருமணம் முடிந்து மணப்பெண் மாப்பிள்ளை வீட்டிற்கு செல்லும் வரை ஒவ்வொரு
நாட்களிலும் ஒவ்வொரு சிறப்பு நிகழ்ச்சிகள் அங்கு நடக்கும்.
அதிலும் மார்வாடி,
தொழிலதிபர்கள் வீட்டு கல்யாணம் என்றால் பண்டிகை கோலம்தான். அதுபோல குஜராத் மாநிலம்
ஜாம்நகரைச் சேர்ந்த ரிஷிராஜ்சிங் என்ற தொழிலதிபருக்கு கடந்த மாதம் 30 ஆம் தேதி திருமணம்
நடந்தது.
அப்போது வரவேற்பு
நிகழ்ச்சிக்கே அவர் ஹெலிகாப்டரில் வந்துதான் இறங்கியுள்ளார். சுவாரசியம் அதோடு நிற்காமல்
கட்டுக்கட்டாக 500, 2000 ரூபாய் நோட்டுகளை எடுத்து வானத்தில் பறக்க விட்டுள்ளார்.
இதன் மதிப்பு 90 லட்சம் என கூறப்படுகிறது. தமிழகத்தில் அடை மழை வெளுத்து வாங்கும் நிலையில்,
தொழிலதிபர் வீட்டு கல்யாணத்தால் சேனா பகுதி பணமழையில் நனைந்துள்ளது.
இதை வீடியோ எடுத்த சிலர் சமூக வலைத்தளங்களில் பதிவு செய்தனர். லட்ச லட்சமாக வானத்தில்
பறக்கும் ரூபாய் நோட்டுகளை பார்த்து பலரும் பலவித கருத்துக்களை தெரிவித்து வருகின்றனர்.
கருத்துகள் இல்லை:
கருத்துரையிடுக