சிரிக்க சிரிக்க சிரிப்பு...!!
நோயாளி : என்ன டாக்டர் நேத்து வரைக்கும் பிரச்சனை ஒன்னும் இல்ல. மைனர் ஆப்ரேஷன்னு சொல்லிட்டு திடீர்னு இப்ப மேஜர் ஆப்ரேஷன்னு சொல்றீங்க.
டாக்டர் : திடீர்னு ஒரு இடம் விலைக்கு வரும்னு நானும் எதிர்பாக்கலியே.
நோயாளி : 😩😩
----------------------------------------------------------------------------------------------------------
திருடன் 1 : போயும் போயும் ஒரு டீச்சர் வீட்ல திருடப் போனது ரொம்ப தப்பா போச்சுடா..
திருடன் 2 : ஏன்டா எதுவும் கிடைக்கலையா?
திருடன் 1 : பீரோ முழுக்க கத்தை கத்தையா வெறும் எக்ஸாம் பேப்பர் தான்டா இருக்கு..
திருடன் 2 : 😞😞
----------------------------------------------------------------------------------------------------------
ராமு : இந்த எம்.எல்.ஏ கால்நடைத்துறைக்கு அமைச்சராக ஆசைப்படுறார்னு எதை வெச்சு சொல்ற?
பாபு : தலைவரை பாக்கும் போதெல்லாம், கட்சிக்காக மாடா உழைக்கிறேன்னு சொல்லிக்கிட்டு இருக்காரே...
ராமு : 😜😜
----------------------------------------------------------------------------------------------------------
கூடாத செயல்கள்...!!
👉 மகன் தந்தையின் கண்ணீரை பார்க்கக்கூடாது.
👉 பெற்ற பிள்ளைகளின் அவப்பெயரை தாய் கேட்கக்கூடாது.
👉 சகோதரர் உடன்பிறப்புகளிடம் அந்தஸ்து காட்டக்கூடாது.
👉 தம்பதிகளிடையே சந்தேகம் வரக்கூடாது.
👉 வெற்றியாளருக்கு இறுமாப்பு கூடாது.
👉 தலைவனுக்கு நொடிப்பொழுது சபலமும் கூடாது.
👉 வாழ்ந்து கெட்டவனின் வறுமையை தூற்றக்கூடாது.
👉 பகைவனாக இருந்தாலும் ஒருவரின் இறப்பில் மகிழக்கூடாது.
👉 கடும்பசியிலும் மதியாதவர் வீட்டில் உணவு உண்ணக்கூடாது.
👉 தர்மம் செய்பவரை தடுக்கக்கூடாது.
----------------------------------------------------------------------------------------------------------
தமிழின் சிறப்பு...!!
ல, ழ, ள பொருள் வேறுபாடு
🌟 அலகு - பறவையின் மூக்கு, அளவு, ஆண்பனை
🌟 அழகு - வனப்பு
🌟 அளகு - சேவல், பெண்கூகை
----------------------------------------------------------------------------------------------------------
🌟 அலகம் - திப்பிலி
🌟 அளகம் - வெள்ளெருக்கு, நீர்
----------------------------------------------------------------------------------------------------------
🌟 அலகை - கற்றாழை, பேய்
🌟 அளகை - அளகாபுரி, பெண்.
----------------------------------------------------------------------------------------------------------
வாழ்க்கை...!!
முடிவு தெரியாத வாழ்க்கையில் நாம் எடுக்கும் ஒவ்வொரு முடிவும்
நம் வாழ்க்கையை மாற்றிக்கொண்டே இருக்கும்...
கருத்துகள் இல்லை:
கருத்துரையிடுக