திங்கள், 11 மே, 2020

இந்த கேள்விக்கு உங்களால் பதில் சொல்ல முடியுமா? - ரிலாக்ஸ் ப்ளீஸ்...!!


சிரிப்பதற்கான நேரம்...!

பார்வையாளர் : நேத்து நடந்த ஓவியக் கண்காட்சியில உங்க ஓவியம்தான் பாக்குற மாதிரி இருந்துச்சு.
ஓவியர் : ரொம்ப நன்றிங்க.
பார்வையாளர் : ஆமா.. மத்த ஓவியங்களை சுத்தி ஒரே கூட்டம். பாக்கவே முடியல.!!!
ஓவியர் : 😏😏
-------------------------------------------------------------------
நோயாளியின் மனைவி : என் கணவருக்கு டெம்பரேச்சர் பாக்குறதுக்கு, என்னை எதுக்கு டாக்டர் வெளியே போகச் சொல்றீங்க? 
டாக்டர் : அப்பத்தானே தர்மாமீட்டர் வெக்குறதுக்கு அவர் வாயைத் திறப்பாரு.
நோயாளியின் மனைவி : 😡😡
-------------------------------------------------------------------
பாக்கி : அதிக விலை கொடுத்து இந்த கார வாங்குறாரு. ஆனா அவருக்கு ஒன்னுமே தெரியாது போலிருக்கே.
வேலு : எத வெச்சு சொல்ற?
பாக்கி : வண்டில ஸ்பீட் ப்ரேக் எங்கன்னு கேக்குறாரு...!
வேலு : 😂😂
-------------------------------------------------------------------
சிந்தனை துளிகள்...!

🌟 வார்த்தை என்பது ஏணி போல.. நீங்கள் பயன்படுத்துவதைப் பொறுத்து ஏற்றியும் விடும்!! இறக்கியும் விடும்!!

🌟 தண்ணீரைப் போல் இருங்கள்.. அதனால் ஒதுங்கிச் செல்லவும் முடியும், உடைத்தெறியவும் முடியும்!!

🌟 கண்களை கொடுத்த இறைவன், பார்க்காமல் இருக்க இமைகளை கொடுத்திருக்கின்றார். தக்க சமயத்தில் தேவையான நேரத்தில் எதை உபயோகிக்க வேண்டுமோ அதை உபயோகிக்கக் கற்றுக்கொண்டால் வாழ்க்கை நம் வசப்படும்.
-------------------------------------------------------------------
விடுகதைகள்..!

👉 ஒற்றைக் காதுக்காரன், ஓடி ஓடி வேலி அடைக்கிறான். அவன் யார்? 

👉 பார்த்தால் கல், பல் பட்டால் நீர். அது என்ன?

👉 பிடி இல்லாத குடையைத் தொட முடியவில்லை. அது என்ன?

விடைகள் :

💫 ஊசி.

💫 பனிக்கட்டி.

💫 வானம்.
-------------------------------------------------------------------
குறளும்... பொருளும்...!!

ஒழுக்க முடைமை குடிமை இழுக்கம்
இழிந்த பிறப்பாய் விடும்.

விளக்கம்

ஒழுக்கம் உடையவராக வாழ்வதே உயர்ந்த குடிப்பிறப்பின் தன்மையாகும். ஒழுக்கம் தவறுதல் இழிந்த குடிப்பிறப்பின் தன்மையாகி விடும்.

கருத்துகள் இல்லை:

கருத்துரையிடுக

Follow and Join with US

தினமும் எங்கள் வாசகர்கள் மற்றும் நண்பர்கள் பல்வேறு செய்திகளை பெறுகின்றனர் நீங்களும் இணைத்து எங்களை வழி நடத்துங்கள்