கிரெடிட் கார்டு அளவில்... நவம்பர் 5 ஆம் தேதி இந்தியாவில் புதிய காம்பாக்ட் பவர் பேங்க் ஒன்றை அறிமுகப்படுத்த... சியோமி நிறுவனம் தயார்...

சீன நிறுவனமான சியோமி தனது மி இந்தியா ட்விட்டர் அக்கவுண்ட் மூலம் அதன் அடுத்த தயாரிப்பு என்ன? அது எப்போது அறிமுகமாகும் என்கிற தகவல்களை உறுதிப்படுத்தியுள்ளது. சியோமியின் கூறுபடி, வருகிற நவம்பர் 5 ஆம் தேதி, அதாவது வியாழக்கிழமை அன்று இந்தியாவில் ‘மிகவும் காம்பாக்ட் ஆன மி பவர் பேங்க்’ அறிமுகம் செய்யப்படும்.

இந்நிறுவனத்தின் புதிய பவர் பேங்க் ஆனது மி பவர் பேங்க் 3 அல்ட்ரா காம்பாக்ட் என்று அழைக்கப்படலாம் மற்றும் இது ஒரு கிரெடிட் கார்டைப் போல சிறியதாக இருக்கும் என்றும் கூறப்படுகிறது. சுவாரசியமான விடயம் என்னவென்றால், கடுகு சிறுத்தாலும் காரம் குறையாது என்பது போல இது 10,000 எம்ஏஎச் பேட்டரி திறன் கொண்டதாக இருக்கும் என்றும் எதிர்பார்க்கப்படுகிறது.

இந்த பவர் பேங்க்கிற்காக சியோமி நிறுவனம் ஒரு பிரத்யேக மைக்ரோசைட்டையும் தயாரித்துள்ளது, அது குறைந்த எடை, சிறிய வடிவமைப்பு மற்றும் பாதுகாப்பு நடவடிக்கைகள் உள்ளிட்ட வரவிருக்கும் மி பவர் பேங்கின் முக்கிய அம்சங்களை வெளிப்படுத்துகிறது.

சியோமி நிறுவனம் இந்த புதிய "மினி பவர் பேங்க்-ஐ" முதலில் ஐரோப்பாவில் வெளியிடப்படும் என்று எதிர்பார்க்கப்பட்டது, ஆனால் நிறுவனம் இப்போது தனது திட்டங்களை மாற்றிக்கொண்டது போல் தெரிகிறது மற்றும் இதைப் பெறும் முதல் நாடு இந்தியாவாக இருக்க வேண்டும்.

பவர்பேங்கின் அம்சங்கள் மற்றும் விவரக்குறிப்புகளை பற்றி பேசுகையில், இது பவர் அவுட்புட்டிற்காக இரண்டு யூ.எஸ்.பி டைப்-ஏ போர்ட்கள் மற்றும் சிங்கிள் டைப்-சி போர்ட்டை கொண்டிருக்க வேண்டும். இந்த பவர் பேங்க் மைக்ரோ-யூ.எஸ்.பி போர்ட் அல்லது டைப்-சி போர்ட் மூலம் சார்ஜ் செய்யப்பட வேண்டும். இந்த பவர் பேங்க் ஒரே நேரத்தில் 3 சாதனங்களை சார்ஜ் செய்யும் என்றும் வதந்திக்கப்படுகிறது.

சியோமி நிறுவனத்திடம் ஏற்கனவே பல்வேறு வகையான பவர் பேங்குகள் வாங்க கிடைக்கின்றன. அதில் 2 மி பிராண்டிங் பவர் பேங்குகள் மற்றும் 2 ரெட்மி பிராண்டிங் பவர் பேங்க்குகளும் அடக்கம்.

நினைவூட்டும் வண்ணம், சியோமி நிறுவனம் மிகவும் சமீபத்தில் தான் அதன் மி பவர் பேங்க் 3 பிகாச்சு எடிஷனை அறிமுகம் செய்தது.

மி பவர் பேங்க் 3 பிகாச்சு எடிஷன் ஆனது 10,000 எம்ஏஎச் லித்தியம் அயன் பேட்டரியை பேக் செய்கிறது மற்றும் 18W ஃபாஸ்ட் சார்ஜிங்கை ஆதரிக்கிறது. இந்த பவர் பேங்க் இரண்டு யூ.எஸ்.பி டைப்-ஏ போர்ட்களுடன் வருகிறது, அவை ஒரே நேரத்தில் இரண்டு சாதனங்களை சார்ஜ் செய்ய பயன்படுத்தலாம்.

இருப்பினும், ஒரு போர்ட் தான் 18W பாஸ்ட் சார்ஜிங்கை வழங்குகிறது. வியரிபிள்ஸ் உள்ளிட்ட லோ பவர் சாதனங்களை சார்ஜ் செய்வதற்கான ஆதரவும் இதில் உள்ளது. பவர்பேங்கை சார்ஜ் செய்ய மைக்ரோ யுஎஸ்பி மற்றும் யூ.எஸ்.பி டைப்-சி போர்ட்களை சியோமி வழங்கியுள்ளது.

யூ.எஸ்.பி டைப்-சி போர்ட்டை, பாஸ்ட் சார்ஜ் செய்ய 18W அடாப்டருடன் பயன்படுத்தலாம். இது பவர் பேங்கை நான்கு மணி நேரத்திற்குள் முழுமையாக சார்ஜ் செய்யும் என்று சியோமி கூறுகிறது.

மி பவர் வங்கி 3 பிகாச்சு எடிஷன் ஆனது ரெட்மி கே 30 ப்ரோவை 1.2 மடங்கு அல்லது ஐபோன் எஸ்இ (2020) ஐ 2.8 மடங்கு சார்ஜ் செய்யும் என்று மதிப்பிடப்பட்டுள்ளது.

பவர் பேங்கின் பேட்டரி அளவைப் பற்றிய விவரங்களை வழங்குவதற்காக மேலே எல்.ஈ.டி இன்டிகேட்டர்களையும் சியோமி நிறுவனம் வழங்கியுள்ளது. மேலும், போகிமொன் ரசிகர்களை ஈர்க்க மேலே ஒரு பிகாச்சு பிராண்டிங்கும் உள்ளது.

மற்ற மி பவர் வங்கியைப் போலவே, இந்த புதிய மாடலும் ஒரு advanced circuitry மூலம் பயனர்களுக்கு பாதுகாப்பான சார்ஜிங் அனுபவத்தை வழங்குவதாகக் கூறப்படுகிறது. அளவீட்டில் இந்த பவர் பேங்க் 147.8x73.9x15.3 மிமீ உள்ளது. மி பவர் பேங்க் 3 பிகாச்சு எடிஷன் தோராயமாக ரூ.1,100 க்கு அறிமுகமாகி உள்ளது.